ʼn Ope brief aan president Zuma

jacob-zuma

Pres. Jacob Zuma. Foto: Flickr/GovernmentZA

Geagte mnr. Jacob Zuma,

Let daarop dat ek u aanspreek as meneer en nie as president nie.

Die woord president het ʼn betekenis van hoë agting soos ʼn vader, wat ons almal geleer het by tata Nelson Mandela, en duidelik iets is wat jy nie voorstaan nie.

Dit vul my hart met groot hartseer om te sien dat die ANC nie die visie verstaan nie, of is dit vergeet?

Ek was in die laerskool sowat 11 jaar gelede en ek onthou ʼn dokumentêr waarna ons gekyk het. ʼn Joernalis het gevra: “President Mandela, waarom vlieg jy in ʼn ou amper flenters vliegtuig?”

Sy reaksie was dié van ʼn man met integriteit, ʼn ware president: “My liewe dogter,” het hy gesê, “in plaas daarvan om ʼn vliegtuig te koop kan ek eerder die nasie voed.”

Hoe mis ek daardie man nie, ʼn ware inspirasie!

Ons is nou op “water shedding”, en ek wil net hierdie oomblik gebruik om jou te bedank. Dankie vir die voortbring van niks anders nie as probleme en krisisse. Dankie vir die dag-tot-dag-ondergang van so ʼn groot land. Dankie vir die voortdurende “hantering” van krisisse en nooit die oplossing daarvan. Dankie vir die insinking in die ekonomie en vir die toename ​​in korrupsie.

Laaste, maar nie die minste nie, dankie Zuma want terwyl dit aangaan koop jy ʼn  straler ter waarde van R4 miljard en sê die ANC is belangriker as die land.

As ʼn jong volwassene is ek bang vir wat vir die land voorlê. Terwyl die helfte, of is dit die hele regering, hulself verryk, ly ons.

My respek is by die venster uit. Die statistieke is skrikwekend. Sê my asseblief ek sien dit nie alleen raak nie. As ek ʼn lys moet opstel van al die probleme sal my papier en ink opraak.

Ek hoop van harte dat my medeburgers se oë in die volgende verkiesing sal oopgaan.

N.S.

Geniet jou straler net soos Nkandla. Ja, lag dit af!

Onthou net jy laat die land in jou kleinkinders se hande.

Groete,

Ruan Oerson

Hierdie rubriek is ʼn lesersbrief wat op Maroela Media se webwerf gepubliseer is. Die menings en standpunte wat in hierdie skrywe uitgespreek word, is nie noodwendig die beleid of standpunt van Maroela Media se redakteurs, direksie of aandeelhouers nie. -Red

Deel van: Só sê die lesers

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

25 Kommentare

jongste oudste gewildste
GES

Kan hierdie brief nie miskien vir hom vertaal word nie. Stuur ook asb iemand saam wat dit vir hom kan voorlees sou hy nie kan lees nie. Dit maak my bekommerd as ek ek sien hoe hierdie man se onvermoë op die juig van SA begin impakteer.

helen

Ek stem volkome saam ek dink ook die brief moet vertaal word want duidelik gaanhy nie Afrikaans verstaan nie ons AFrikaners is net in sy pad wat hy wil uitroei wat hy besig is om te doen ons is in sy pad

helen

Ek stem saam ek glo nie hy verstaan Afrikaans nie hy wil ons Afrikaners uit die land hê ons sal moet begin plan maak om ons stem sik te maak

Winston

Maroela was wraggies braaf genoeg om hierdie realistiese siening van n jong man te plaas. Ruan ek wens hy kon afrikaans verstaan, maar al stel jy dit in watter taal ookal, hy gaan dit nog nie begryp nie. Alles gaan oor mag en nie die land nie. Ons het reeds terug gesink in n 3de wêreld land weens gebrek aan leierskap. Die enigste “voorreg” wat jy nog het is jou SA identiteits dokument. Realiteite wat aan die gebeur is spreek harder as wens denkery van alle Suid Afrikaners.

Sumari

Dit gaan absoluut niks help om die brief vir hom te vertaal nie. Hy kan nie eers syfers lees nie wat nog van ‘n brief lees. Alhoewel ek graag wil hê dat hy dit moet lees.