AfriForum verklaar ʼn dispuut met MultiChoice

ernst-roets-afriforum-deur-reint-dykema

Ernst Roets, adjunk uitvoerende hoof van Afriforum. Foto: Reint Dykema.

Die adjunk-uitvoerende hoof van AfriForum Ernst Roets het hierdie brief aan Joe Heshu, groep-uitvoerende hoof van MultiChoice, gerig oor die dispuut wat die burgerregte-organisasie verklaar het omdat die private mediamaatskappy nie sy politieke beleid konsekwent op kunstenaars toepas nie. Lees meer hieroor op Maroela Media.

Geagte mnr. Heshu

Soos u weet, is AfriForum ’n nieregerings- en burgerregte-organisasie wat binne Suid-Afrika met ’n besondere klem op die beskerming van die regte van minderheidsgemeenskappe werksaam is. AfriForum bestaan tans uit meer as 220 000 individuele lede, wat ons nie net die grootste burgerregtegroep in Suid-Afrika maak nie, maar ook op die Afrika-vasteland. Ons is ook bewus daarvan dat ’n beduidende deel van ons lede kliënte van MultiChoice is.

Die doel van hierdie brief is om formeel ’n dispuut met MultiChoice te verklaar aangaande die inkonsekwente toepassing van sy sogenaamde “politieke beleid” (’n term waarop u in die media aangehaal is).

Soos u weet, het MultiChoice onlangs aangekondig dat die maatskappy ’n politieke beleid het waarvolgens persone wat verdelende opmerkings maak, onmiddellik van MultiChoice se kanale verban moet word. Hierdie is veral met betrekking tot een individu, Steve Hofmeyr, aangekondig. Dit is aangekondig dat MultiChoice opdrag gegee het dat geen inhoud wat Hofmeyr insluit, op enige van MultiChoice se platforms gebeeldsend sal word nie.

Aangesien MultiChoice ’n privaat maatskappy is, is dit wel binne sy reg om ’n politieke beleid te ontwikkel en implementeer. Dit is nie waaroor AfriForum bekommerd is nie. Ons bekommernis is dat hierdie beleid op ’n inkonsekwente en diskriminerende wyse geïmplementeer word. Bestaande en voornemende kliënte het ook die reg om aan te dring dat die beleid konsekwent en sonder diskriminasie uitgevoer word.

Soos u sekerlik bewus is, is daar verskeie kunstenaars en musikante daarbuite wat opmerkings gemaak het wat as verdelend gesien kan word, om nie eens politieke partye te noem nie.

Die kunstenaar Ntsiki Mazwai publiseer gereeld rassistiese en aanhitsende sosialemediakommentaar teenoor minderhede, en tog is sy onlangs as aanbieder van die kletsprogram Show me Love, wat op Moja Love (DStv-kanaal 157) uitgesaai word, aangewys.

  • Op 6 November 2017 het Mazwai getwiet: “With all the whites assaulting blacks..does it make it fairground to go on a white beating spree? Beat them bonke man, woman or child?” (sic).
  • Op 18 Februarie 2018 het Mazwai getwiet: “There is no such thing as White Excellence…only thing whites are excellent at is stealing and copying”.
  • Op 1 Februarie 2019, met verwysing na die tragiese voorval waarin leerders van Hoërskool Driehoek dood is toe ’n brug ineengestort het, het Mazwai getwiet: “guys it’s an afriforum school….” (sic).
  • Op 20 Maart 2019 het Mazwai getwiet: “When you learn the history of Afrika…….and it’s indigenous people. The people who actually BELONG here . You know In other African countries whites were escorted to the their ships. One day that’s gonna happen here too” (sic).
  • Later op dieselfde dag het Mazwai getwiet: “Don’t ever forget: WHITES LIE!!!!”.

Om aan te voer dat die verbanning nie op Mazwai toegepas moet word nie oor sy ’n aanbieder van Moja Love is wat nie ’n MultiChoice-kanaal is nie (soos reeds gedoen is), is kortsigtig en nie ter sake nie, aangesien Hofmeyr ook nie ’n aanbieder op enige MultiChoice-kanale is nie. Indien ’n openbare aankondiging gemaak word dat Hofmeyr dan onmiddellik, gebaseer op sy sosialemedia-opmerkings, verban moet word, moet ’n konsekwente toepassing van hierdie besluit ook Mazwai en ’n lang lys van ander kunstenaars insluit.

Die konsekwente toepassing van MultiChoice se beleid sal ook beteken dat die maatskappy nie meer betrokke sal wees by enige verdere borgskappe van politieke partye wat verdelende stellings maak nie. Dit sluit die ANC in. In hierdie verband kan ons verwys na adjunkpresident David Mabuza se dreigement dat daar ’n gewelddadige oorname sal wees sou wit mense nie hul eiendom vrywillig aan swart mense gee nie, asook die aantyging van Ace Magashule, die ANC se sekretaris-generaal, dat wit mense die afstammelinge van kolonialiste is en wat “ons” (swart mense se) rykdom gesteel het. Om dan nie eens van die openbare uitlatings van EFF-leiers te praat nie.

Dit is binne hierdie konteks wat AfriForum ’n dispuut met MultiChoice verklaar. Ons dring ingevolge die dispuut aan dat die maatskappy se politieke beleid óf aangepas óf konsekwent toegepas word.

Ek sien uit na u terugvoering.

Hierdie plasing is deur ʼn onafhanklike persoon of onderneming saamgestel. Die menings en standpunte wat in hierdie skrywe uitgespreek word, is nie noodwendig die beleid of standpunt van Maroela Media se redakteurs, direksie of aandeelhouers nie. –Red

Ernst Roets

Meer oor die skrywer: Ernst Roets

Ernst Roets is die Adjunk-Uitvoerende hoof van Afriforum.

Deel van: Meningsvormers

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

28 Kommentare

jongste oudste gewildste
Judge Dredd

Mooi so Afriforum, ek steun julle 100%.

Jimmy

Die tyd het aangebreek dat die swart regeerdes wittes moet bystaan om weer in Europa te hervestig. Dan is die wit probleem opgelos.

charmaine

Baie goeie brief en die waarheid net jammer almal hou nie van die waarheid nie.
Sterkte AfriForum julle sal hulle in die stof laat byt.

Heinrich

Dankie Ernst, waardeer dat julle opsteen teen onewehandigheid en sommer ook blatante diskriminasie. “Silence means consent”, hierdie is nie reg nie en ek is dankbaar dat julle ook my frustrasies kan lug.

H. Rust

Ja, en WIT KAPITAAL? maar ons packet kos ons R809.00 per maand en dit net omdat ons wil voetbal kyk maar die sokker is ingedeel by die goedkoper pakette. Die TV, is ons enigste afleiding ver van oral en ‘n dorp.(bedrag is regtig die helfte te veel vir ou mense) Kyk net hoeveel gelde kan dus spandeer word aan projekte, vir nie een van my minderheidsgroep nie!Dit is diskriminasie en dstv: Wat dan nou van die wit kapitaal?julle vat dit tog te graag hmm? Ons wil ook na alternatief soek as julle ons nie kan die helfte laat betaal nie,ander… Lees meer »