Ashwin Willemse: Op wie berus die bewyslas?

Ashwin Willemse. Foto: SuperSport

Die nuus dat Ashwin Willemse hom na die Menseregtekommissie gaan wend eerder as om die gelykheidshof te nader oorheers tans die voorblaaie.

Dit is Willemse se goeie reg om enige liggaam te nader om die geskil wat uit sy ongelukkigheid spruit, te besleg. Die feit dat hy in ’n onderhoud op 702 met Eusebius McKaiser gesê het dat die diskriminasie wat hy beleef “in die skaduwee van grysgebiede” is, is baie meer kommerwekkend.

Willemse voer aan dat hy subtiele rassisme beleef wat hom nie so duidelik voordoen as om iemand ’n rassistiese skeldwoord toe te snou nie. Volgens Willemse is dit ’n vorm van rassisme wat baie moeilik is om te bewys en dat hy ’n kenner se advies ingewin het om vas te stel hoe hy te werk kan gaan. Hy vertel verder dat hy ’n tyd gelede met Thabo Mbeki se vrou, Zanele, in gesprek was en ook aan haar gesê het dat hy tans bewyse vir die rassisme wat teen hom gepleeg is, wil inwin. Zanele het aan hom gesê dat hy nie hoef te bewys hoe hy voel nie, want “ons weet wat ons voel”.

Die gevaar van dié tipe diskriminasie, of eerder die ervaring van diskriminasie waarna Willemse verwys, is dat die sogenaamde oortreder dalk self nie bewus is van sy beweerde oortreding nie. Dit kan dalk daaraan toegeskryf word dat daar ’n gebrek aan dialoog is oor die sensitiewe punte van die verskillende kultuurgemeenskappe in Suid-Afrika, maar dit maak ’n gevaarlike deur oop.

Hoe reageer jy op ’n beskuldiging dat jy ’n menseregteskending gepleeg het wat in die sogenaamde grysgebied plaasgevind het? Hoe bewys jy jouself onskuldig op ’n klag wat die teenkant nie kan (lees: hoef te) bewys nie.

As daar na die uitsprake op sosiale media gekyk word dan blyk dit dat die wit minderheid in die land skepties is oor Willemse en Zanele Mbeki se uitsprake dat diskriminasie nie bewys hoef te word nie omdat die sogenaamde slagoffers “weet wat ons voel”. En dit is met goeie rede dat daar skepties gekyk word na die uitlatings.

Suid-Afrika se geskiedenis van dubbele standaarde wanneer dit by die hantering van rassisme kom, wek nie juis vertroue nie. ’n Goeie voorbeeld van die dubbele standaarde is die uiteenlopende wyses waarop daar met Velaphi Khumalo en ander swart rassiste te werk gegaan word teenoor die wyse waarop Penny Sparrow en Vicky Momberg hanteer is.

Suid-Afrika beweeg reeds op ’n baie gevaarlike terrein waar ’n onverdraagsaamheid heers teenoor wit mense se reg om aan ’n debat deel te neem. Diegene wat ’n pro-Afrikaanse of pro-Afrikaner-standpunt inneem, word aangesê om stil te bly, want “julle weet nie hoe ons voel nie”.

Wat Suid-Afrika nou nodig het, is robuuste debat, sonder politieke korrektheid, sodat ons beter kan verstaan hoe mede-Suid-Afrikaners voel. Ons gaan nie vordering maak as ons van die moeilike gesprekke wegskram of verskonings aanbied waar geen werklike debat plaasvind nie.

En ons kan ook nie uitgelewer word aan ’n skuldigbevinding van rassisme wat in grysgebiede plaasvind waar daar geen sprake van ’n bewyslas is nie.

“Ons weet wat ons voel” is nie genoegsame getuienis vir ’n skuldigbevinding nie.

Hierdie plasing is deur ’n onafhanklike persoon of onderneming saamgestel. Die menings en standpunte wat in hierdie skrywe uitgespreek word, is nie noodwendig die beleid of standpunt van Maroela Media se redakteurs, direksie of aandeelhouers nie. –Red

Meer oor die skrywer: James Kemp

James is die hoofredakteur van Klankkoerant, ʼn nuus en aktualiteitsprogram wat ook op Pretoria FM uitgesaai word.

Deel van: Meningsvormers

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

42 Kommentare

Nadia ·

Hulle sal soek wat daar nie is nie om ons te probeer vervolg. Ons enigste kans uit is om ‘n tuisland te kry wat ons ons eie land kan noem, hulle wil ons mos nie he nie.

Afrikaanse Knaap ·

Ek stem. Maar hulle sal nie want wie gaan die regering dan belas?

Oom Piet ·

Maandag + Vrydag betaald afsiek, agv. siek gevoel.

As ‘n Kommissie jou uitnooi of dagvaar om te kom getuig moet jy persoonlik verskyn en persoonlik getuig en kommissie lede se vra be-antwoord, anders as in Hof waar dit jou reg is om stil te bly, en kan weier om te getuig uit vrees van valstrik self inkriminasie. Zip-it en knip kort anders kan dit onnodig uitgerekte en baie, baie duur proses word sonder verhaal van regskostes soos in Hof.

Volhou kannie nou onthou nie en mog later na sorvuldige her-bestudering van alles, as ek mog onthou, skriftelik op sal wil getuig/reageer.

Debadonderwerp ·

Al debat wat ons nou op moet fokus is oor selfbeskikking. Ander debatte het nie gewerk al vir dekades nie.

Jerry ·

“Julle weet nie hoe ons voel nie”. Ons weet presies hoe mense soos Willemse voel, ons beleef dit elke dag, sien dit in hulle oe, dit is haat, haat en nogmaals haat en daarvoor soek Willemse en sy tipe wraak. Al moet hulle lieg en bedrieg, hulle sal dit doen. Inteendeel hulle sal enige iets doen, solank hulle kan wraak neem. Wat apartheid aan hom gedoen het wil hy aan enige persoon terugdoen teenoor wie hy wat Willemse is, minderwaardig voel. Dit is die slotsom van Willemse en sy tipe. Hy moet dringend gaan vir trauma berading, omrede die haat hom siek gemaak het!

Johann du Toit ·

Ashwin geniet die aandag baie. Hy sal nog uitvind dit is moeilik om voortdurend met iets nuuts vorendag te kom. Aanhangers raak gou verveeld met ‘n ou storie. Sy storie was rassisme in die werkplek wat hy glo kon bewys. Toe word dit ‘n grysgebied-rassisme wat hy nie kan bewys nie maar wat hy “voel”. Natuurlik is daar waarheid in wat hy “voel”maar hy sal moet bewys rassisme is die hoofoorsaak vir dit wat hy “voel”. Kinderdae sonder ‘n aanwesige pa, bendekeuses, beserings wat sy rugbyloopbaan kortgeknip het, ’n egskeiding en ‘n gevoel van hy is nie goed genoeg nie het nie met rassisme te doen nie. ‘n Minderwaardigheids gevoel kan rassistiese ondertone hê maar hy sal dit moet bewys. Om mense te blameer vir sy keuses raak ‘n afgesaagde storie.

Siekensat ·

Kan hy nie einde kry nie? Hete om so aanhoudend aandag te soek. Shame daar was seker kleintyd niemand om aandag te gee nie en hy weet in sy hart hy was geen wafferse speler nie en nog minder ‘n held. Kry dit in jou kop – ONS STEL NIE BELANG IN JOU NIE!

Heinrich ·

Aaaaaaag sies tog. Get over it Ashwin. Kom ek verduidelik vir jou hoe ons voel. Ons wat uit die ou bedeling uit kom het gesien hoe ‘n land wat die beste mediese dienste, onderwys, infrastruktuur, weermag, lugdiens ens gehad het weggekrummel het voor ons oë, maar as ons enige iets oor die verval sê is ons rassiste. Ja ons voel ook omdat ons die ‘currently disadvantaged’ is as dit kom by rasstellende aksie, swart bemagtiging ens. Op die ou einde van die dag kom dit neer op een ding: doen jou werk op so manier dat mense kan opkyk na jou toe en dan kan jy miskien daai chip van jou skouer af kry.

Dink weer ·

Heinrich, dink weer wat jy sê. Die ‘ou’ bedeling met die ‘beste mediese dienste, onderwys, infrastruktuur, weermag, lugdiens’ het hierdie wonderlike voordele geniet terwyl die meerderheid van die land geensins aandeel daarin gehad het nie. Vat onderwys as ‘n voorbeeld. 9% van die land se bevolking het hierdie wonderlike opvoeding gekry terwyl die res uitgelewer is aan ‘n substandaard opvoeding sodat hulle ‘apart kan ontwikkel’. Hoe kan enige iemand nog se die ‘ou bedeling’ was die ‘goeie ou dae’?

Sarie ·

Dink weer. Mediese diens te was aan almal gegee. Die Baragwana hospitaal nou Chris Hani was ‘n groot toegeruste hospitaal met’n oogkliniek van internasionalestandaarde. Baie mense uit Afrika is hier gehelp. So ook die Rooikruis hospitaal in die Kaap. Die nier van die persoon wat Chris Barnard die hart van oor geplant is in ‘n bruin seun oorgeplant. Hy leef nog. So is daarop ander anderskleuriges oorplantings gedoen. Wat die onderwys betref selfs die vorige leier van Agang het erken die ou swartonderwys was beter as vandag se swak standaarde. Dan het hul ook gestruggle Met die swart kind vooraan om simpatie te wek reg uit die kommunis se handboek. Liberation before education was die slagspreuk.

Johan ·

Dink weer. Indien jy van iemand weet wat alles gratis gekry het in die voor 94 bedeling, laat my weet. Ek kom uit daai bedeling en het niks verniet gekry nie. Dalk moet ek maar niks verder sê oor hoe ek voel wanneer duur betaalde eiendom verwoes word. Niemand in die vorige bedeling sou dit waag nie !!!!

Heinrich ·

@Dink weer. Ek hoor wat jy sê, maar dit klink presies dieselfde as almal wat vir Helen Zille wou stenig oor haar tweet dat nie alles van kolonialisme sleg was nie. Hulle het geleenthede gehad sou hulle dit wou aangryp, hoe anders sou Mandela ‘n prokureur kon word? (Bieg, swart onderwys kon baie beter bestuur word!) Die punt wat gemaak word is dat in die vorige bedeling die minderheid van ‘n nasie baie groot dinge kon regkry, wat die meerderheid van die nasie huidiglik liederlik sukkel om nie die boot té vinnig laat sink nie. En wanneer almal gaan begin sukkel om produkte op die winkelrakke te kry omdat hulle die grond opgeneuk het sal almal wens dat die groot dinge wat in die vorige bedeling reggekry (met die minderheid in bewind) is baie beter as wat die huidige bedeling nou regkry (met die meerderheid in bewind). Moet nie die baba saam met die badwater uitgooi nie!

Penellope Jones ·

Rassisme word en sal in enigiets gesien word as dit aangewend kan word vir eie gewin.

humor ·

Dit bly maar n tamalekie om die reenboognasie op dreef te kry!!!!!!!!!

Emmie Swart ·

In ons geval werk ons nogsteeds saam met die boelies, maar doen maar wat ons Vader sê deur nie wraak te neem nie en aanvaar dat Hy ons Regter is. En dan maak jy jouself onmisbaar…werk beter en doen meer as wat verwag word.

Paul ·

Daar is dinge in sy kop waarmee hy nie vrede kan maak nie. Dat hy nie opgewasse vir sy werk was nie, kan hom laat voel Mallett en Naas betoon nie genoegsame respek aan hom nie, maar nou klou hy soos ‘n neet aan die rassisme idee van hom, want dis hoe hy dit vertolk, of wil vertolk.

As hy dan nou nie werklik die insig het om in diepte die spel te ontleed en op dieselfde vlak as die ander twee gesels nie, dan moet hy in die eerste instansie liewer nie daar gewees het nie. Dit moes nogal ‘n skok vir hom gewees het toe hy nou onlangs met die advokaat se ondersoek na die aangeleentheid eers verneem het wat Mallett in 2016 al in ‘n e-pos aan Supersport oor hom geskryf het.

Andre ·

So hy weet nog nie hoe daar teen hom gediskrimineer is nie.

Dirk01 ·

As ek luister na die dreigemente en openlike rassisme van luisteraars op 702 besef ek net weer eens dit is erg om deur apartheid te kom met groot beloftes en na jare van demokrasie te besef biljoene rande wat vir die verbetering van die land en sy mense is gebruik vir alles behalwe dit wat die land werklik kon laat uitstyg . 94 was mense huise en magdom goed soos free education en elektricity belowe en weer eens word hulle met dieselfde slapriem gevang….julle gaan grond kry ..ons gee die witman se grond , al gee hulle die grond baie gaan nog steeds nie grond kry nie . ou ashwin het darem baie geld gekry deur verdagte projekte soos Cart Blanche destyds berig het

Koos ·

As ‘n persoon besef dat dit wat hom laat voel iemand sien dwarsdeur sy optrede of gebrek daaraan in die werk situasie byvoorbeeld, dan is die ou holrug verskoning van “ons weet wat ons voel” mos maar altyd die eerste stok wat uitgehaal word om hulle wat nie vir die ou storie val nie, mee by te kom.

Nee wat, hierdie optredes raak werklik belaglik en dit net om jou eie bas te beskerm terwyl jyself werklik besef jy is nou behoorlik in ‘n hoek vasgekeer deur jou eie optrede of juis gebrek aan behoorlike optrede, soos wat doodgewoon van enigiemand in jou pos verwag sou word, ongeag of jy groen, pers of watter ookal, velkleur het.

Mens verwag nie sulke kinderagtige optrede van ‘n gegradueeerde man nie – dié sien ek ook toevallig iewers raak. Laat mens ook net nog verder wonder!!!

Wesley ·

Hy moet dit bewys. Maklik soos dit. In enige kriminele / siviele saak is dit die aanklaer / staat wat moet bewys die persoon is skuldig, nie andersom nie. Bewyse vir Penny en Velaphi en kie was daar, alhoewel mense dalk nie gelukkig is vir die straf wat hul uitgedien word nie, is maar n stry vir n ander dag. Nick en Naas, uhm, nie soveel nie. En n epos van Nick wat sy misnoe teenoor sy baas oor n kollega uitstort is nie rassisme nie. So watookal “regskenner” hom op die pad gestel het is maar n kansvatter vir n kommisie betaling. En Mbeki se vrou is geen regskenner haarself nie.

Christa ·

Me Zanele Mbeki en Mnr Willemse, ek “weet ook hoe ek voel” oor vrouens en onskuldige kinders wat aan die hand van die Britse koningshuis in soveel konsentrasiekampe in hierdie land GESTERF het (newwemaaind beledig en verneder is). En raai wat? n Paar weke gelede toe sit talle Afrikaanssprekendes bankvas vasgenael voor die tv en kyk na die “royal wedding”. My raad is: kom oor julself. Jy kan nie reguit ploeg as jy die heeltyd terugkyk oor jou skouer nie, vra vir Oom Paulus. Lyk my hy het ook “rassisme” beleef doerie jare in die nabye Midde-Ooste.

Theresa B ·

Dis waar Jerry. En dit geld vir hulle almal. Hel, ons is lankal oor die velkleur ding. Hulle moet ook nou daaroor kom!! Hierdie snert raak nou afgesaag.

LA ·

Hoekom hou almal aan oor “selfbeskikking” ? CR hulle wil julle grond wegvat, maar julle hou vasklou om grond te kry vir selfbeskikking?? Gaan NOOIT gebeur nie, nes die doodstraf NOOIT sal terug kom nie.

Anoniem ·

Die anderskleurige burgers van Suid-Afrika dink natuurlik verkeerdelik dat die Blankes in Suid-Afrika dit nog NOOIT moeilik gehad het nie. Die groot verskil egter tussen die Blanke en die anderskleuriges van Suid-Afrika is dat die Blanke ‘n KEUSE gemaak het om uit hulle omstandighede OP TE STAAN en vir hulle ‘n toekoms te bou. Die anderskleuriges daarenteen verkies om in die verlede rond te ploeter. Dit is nou ook die geval met Ashwin Willemse, verkies om die martelaar te speel. Die Blanke moes doodeenvoudig die verlede verwerk en kon nie op ‘n hopie gaan sit en homself jammer kry nie. Solank as wat die anderskleuriges verkies om in die Apartheid verlede te leef sal hulle ook die martelaar mentaliteit he.

Casper Labuschagne ·

Watse bewyslas? Die slagoffer is swart en die aangeklaagdes is wit dus is die oordeel reeds gevel. Twee groepe kyk na dieselfde video – die een groep aanvaar intense rassisme op ‘n persoonlike vlak terwyl die ander groep hoegenaamd geen rassisme kan raaksien nie. Nie eens Salomo sou die wysheid kon hê om hieroor te kon oordeel nie.

Ray ·

Ashwin, Nic, Naas

Dit help nie om ‘n dooie perd te slaan nie. Ons almal voel op een of ander stadium in ons lewens te na gekom (Dis ‘n normale emosie “by the way”), om so ‘n bohaai op te jaag veroorsaak net meer drama.

Hoekom nie maar net gaan sit en jou griewe bespreek en dit verby kry nie. Julle is mos nie meer kleuters wat MOET reg wees nie. Ek dink volwassenes kan erken as hulle verkeerd is en soos groot mense “agree to disagree” of hand skud en aangaan.

Ek weet nie of die motief finansiele wins is hier nie, maar eintlik is julle almal verloorders, en ja dis lekerder om in ‘n Mercedes te sit en huil, as op ‘n fiets, maar ek dink nie die fiets is ‘n geldige argument hier nie.

Julle gaan erger aan as skoolkinders en versoening gaan nie deur ‘n hof gegee word nie. Dit gaan net meer leed veroorsaak.

En as ‘n laaste punt hier, ek gee regtig nie om wie reg of verkeerd is nie. Begin so bietjie optree soos groot mense, julle skep ‘n baie slegte voorbeeld vir die toekomstige generasies.

Joe Hall ·

Ray
Ek weet regtig nie wanneer Naas en Nic sou gesê het dat hulle te na gekom is, of dat hulle soos “skool kinders” opgetree het nie.
Verwar jy nie Willemse se beskuldiginge en uitstormery as sou Naas en Nic ook soos Willemse gemaak het nie?

White Rhino ·

Al wie sy speelgoed uit die kot uitgegooi het was Willemse.
Hy moet self sy speelgoed optel.

Ongelukkig stel niemand meer belang in hom nie. Hy het dit self veroorsaak. Hy is nie veranderbaar nie en sal nooit wees nie- nie voordat hy met homself vrede gemaak het nie.

Marthinus Willemse ·

Regstellende aksie en Swart Ekonomiese Bemagtiging is regeringsondersteunde, wettige diskriminasie teen ons wittes. Dit is `n werklikheid. Ons voel dit nie net nie, maar beleef dit elke dag.

Dit lyk my Ashwin wil soos by die Nuremberg verhoreklug ons wittes eers skuldig bevind, en dan wette daarvoor skep.

[Ek stam van die Sneeuwitjie-boom af]

Oom Piet ·

Malema en kie skreeu Nationalise Everything, Zuma lag diep uit sy maag en antwoord ” It’s done, already ” en voeg later by “foreigners can now only rent”. Problem is alle ground en alle verbeterings daaraan geheg van toe Munisipale Eiendom, wie maandeliks huur daarvoor aanslaan per Munisipale Waardasie x (Rental) Rate. Die aangaande geregistreerde okkupasie, gebruik en vrug Regte verhandel alreeds sedert die 2006/7 inwerkstelling van die Municipal Property Rates Act of 2004 as Vryemark Kompensasie. Ditto the Minerals, Petroleum and Resources Development Act van 2002 wat alles ondergronds ook onder ANC regering genasionasileer het en baie myngrond bevry het vir RDP behuisings projekte New Mining Licences. Ditto die nuwe Businesses Act albei ook met voortgesette vryehandel van Regte kompensasie.
Wette hoort gewysig te word na Staats Eiendom met alle inkomste inbetaal in die Staatskas sonder terughou, aftrekking of offset. Ditto alle ander inkomstes volledig inbetaal in die Staatskas vir Parliament goedgekeurde begrotings verdeling.

Onverdeelbare gesamentlike eiendom van net RSA Burgers onder Regerings en Nkonyama Trust regte registrasie bestuur, beheer en huur invorder.

RSA populasie meestal verstedelik.
40 miljoen Burgers x 200 vk.m. elk = 8,000 vk.km. van 1,221,037 vk.km. in RSA. Res vir baie, baie geldmaak vir Staatskas en gelyke infrastruktuur, dienste en geriewe, ens. Gesin van 5 =1,000 vk.m

Jean ·

Siestog die arme ou kry homself so jammer…ja dis reg Aswin, ek kan ok sien dat jy maar gaan hardloop van lings tot regs om iemand te vind wat jou so jammer kry soos jy jouself om jou fout te probleem verbloem en verskyf na die blankes as rassisme…shame.

Ore ·

“Wie beweer moet bewys” So eenvoudig soos dit.Mnr Willemse het ‘n blik wurms oogemaak en nou kan hy dit nie hanteer nie.Steun blykbaar sterk op emosie,dit werk goed vir hom.@Dink weer.Ek het arm groot geword,skoene was ‘n luukse.Weet jy wat? Ek waardeer skoene so baie dat ek dit steeds self poets.Hulle wat nie skole en dienste soos ons gehad het nie nie,het dit nou en wat doen hulle daarmee? Verbrand en breek af! En wie betaal vir die herstelwerk? Ek en jy broer! Die lewe skuld my niks,die lewe skuld hulle niks,maar hulle staan net bakhand en demand

Horee ·

100% @Ore, Ons soek Jobs nie werk nie. Soek elke 2de maand 13% verhogings vir die 1 dag n maand wat ons werk.

dejager ·

Die enigste rassisme wat die moeite werd is om te verwyder is rassisme op die wetboek en rassisme deur die staat teenoor minderheidsrasse.
Rassisme van Jan teen Sipho of Mandla teen Petro is vir hierdie individue om privaat op te los.
Mense is elke dag bevooroordeeld en diskrimirerend teenoor hul medemens -hulle is per slot van sake net mense.Mense dikrimineer op grond van ras,geslag,intelek,opvoedingspeil, geloof,vetsug,finansiêle welstand,
watter skool jy in was,waar jy woon,politieke affiliasie,waar jy werk,taal,kultuur en wat nog alles.
As jy nog nie diskriminasie ervaar het van ander lede van die samelewing nie het jy nog nie geleef nie.Ashwin in my skool was teen een outjie gediskrimineer want hy het grasshoppers gedra.
Siestog.Die enigste manier om dit te hanteer is om jou grasshoppers met trots te dra.
Staatsrassisme is egter ń baie leliker gogga en díe grootste probleem in suid afrika.
Die eerste president wat rasseklassifikasie verwyder en alle
suidafrikaners gelyk maak het my stem.

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.