Die Knysna-brande vra: ‘Is jy ’n rassis?’

Knysna-brande (Foto: Twitter)

Deur dr. Danie Brink

So dikwels hoor ons gewone landsburgers in die media dat ons en die kultuurgroepe waaraan ons behoort rassiste is.

Enersyds is daar ’n duidelike poging deur die regering om ons aandag te probeer aflei van dít wat hulle moet doen en nie kan doen nie. Hulle moet regeer, maar hulle struggle hoofsaaklik. Hulle hoop almal in die land het AGHS en dat hulle ons aandag maklik sal kan aflei, weg van swak bestuur, staatskaping en korrupsie na rassisme. Daarmee hou hulle ons nederig in ons hoekies waar ons pouse gehok is oor ons so stout is.

Andersyds is daar ’n duidelike vooroordeel van die kant van die media af oor die kwessie van rassisme. Solidariteit het onlangs die lig gewerp op die dubbelsinnige manier waarop daar in die media oor swart en wit rassisme berig word. Hierdie dubbele standaarde skreeu ten hemele en tot vandag toe nog is die verslag nie weerlê nie en staan die aantyging teen die media soos ’n olifant in die vertrek.

’n Joernalis van een van Suid-Afrika se grootste Afrikaanse publikasies het tydens die bekendstelling van die verslag glad gevra: “Hoe het ons toegelaat dat dit gebeur?”

Ek en my vriende is nie rassiste nie, maar die regering en die media laat ons dink iewers in die land is daar baie mense soos ons wat rassiste is. Die boere wat ek ken en hulle vriende behandel nie hulle werkers sleg nie, maar die regering en die media laat hulle dink iewers in die land is daar baie boere wat hulle werkers sleg behandel.

En dan gebeur daar op ’n dag ’n groot ramp iewers in Suid-Afrika. Mense van alle klasse, gelowe en rasse verloor alles wat hulle het. Welwillendheid ontstaan spontaan en van oor die hele land word die gebied oorval met mense se skenkings van geld, tyd en goedere. Dis nie verbasend nie dat hierdie welwillendheid ontstaan by alle klasse, gelowe en rasse. Dis nie verbasend vir ons gewone landsburgers nie dat hierdie welwillendheid onvoorwaardelik plaasvind, onvoorwaardelik teenoor ras, geloof en klas. Is dit verbasend vir die regering? Is dit verbasend vir die media?

Die Knysna-brande vra: “Is jy ’n rassis?” en Suid-Afrika se landsburgers sê soos een man: “Nee!”.

  • Dr. Danie Brink is die uitvoerende direkteur van Solidariteit Helpende Hand.

Hierdie plasing is deur ʼn onafhanklike persoon of onderneming saamgestel. Die menings en standpunte wat in hierdie skrywe uitgespreek word, is nie noodwendig die beleid of standpunt van Maroela Media se redakteurs, direksie of aandeelhouers nie. –Red

Deel van: Meningsvormers

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

44 Kommentare

jongste oudste gewildste
Marisa

Ekskuus?

Jane

So vreemd dat dit altyd die mense is wat vir die geringste oortreding as ‘rassis’ uitgeskel word, wat maar elke keer gaan help in noodsituasies. Wanneer daar vloede of brande in townships is, staan die ‘rassiste’ in rye om te help om kos en komberse uit te deel en mense in kerke en skoolsale te vestig. Wanneer die Kaap brand, maak die ‘rassiste’ oral planne regoor die land om ALMAL te gaan help. Nie net die wat DA of VF+ stem nie, ALMAL word ingesluit, so ook die diere. Vreemd dat die “wrede rassiste” nogsteeds GOED DOEN ondanks die feit… Lees meer »

alida

Die hulp wat instroom en skenkings wat gemaak word is vir ALMAL bedoel Wit, swart, bruin en die diere. Niemand spesifiseer na watter ras of klas sy skenking moet gaan nie. Ons staan almal saam en help waar ons kan. Koue, honger en dakloosheid ken nie kleur nie.

MCH

Dit is die liefde. Dit is wat brûe bou. Dit is waar die tyre die teen slaat. Die liefde.

Riana

Tog lees ek gisteraand op FB tweets waar gese word, öns almal weet watter kleur is die meeste inwoners van Knysna, so dit wys net wat hulle moet toekom” Ek dink op ‘n hartseer tyd soos nou, waar almal, wit, swart of bruin, soveel verloor het, is daar mense daar buite wat hul verlustig in dit waardeur die mense van Knysna gaan. Die mense dink nie eers aan hul eie mense wat net soveel verloor het nie, nee, dis te lekker om hul te verlustig in die wittes se verlies. Hoe hareloos!