Die politiek van die muur

Die pienk wipplanke wat op die grens tussen die VSA en Mexiko geïnstalleer is. Foto: (AP Photo/Christian Chavez)

Drie pienk wipplanke op die grens tussen die VSA en Mexiko

Aan die einde van Julie het twee aktivis-argitekte van San Francisco drie pienk wipplanke op die grens tussen die VSA en Mexiko geïnstalleer. ʼn Video van Amerikaners aan die een kant en Mexikane aan die ander kant van die grensheining wat laggend saam-saam op die wipplanke ry het soos ʼn veldbrand op sosiale media versprei.

Die wipplanke op die VSA-Mexiko-grens is intussen verwyder, maar die simboliek van die installasie bly opvallend. Midde in die verdelende immigrasiedebat wat in die VSA en internasionale gemeenskap plaasvind wys die wipplanke dat mense aan albei kante van ʼn staatsgrens wel ook aanmekaar verbind is: Wat aan die een kant gebeur beïnvloed die ander kant.

Grensmure as ʼn morele kwessie, en die politiek van die muur as een van die grootste vraagstukke van ons tyd

Die bou, versterking en onderhoud van grense is in die hedendaagse internasionale gemeenskap en ook binne state een van die verdelendste morele kwessies, meestal as gevolg van die mensdom se ervaring met grense in die 20ste eeu. Die opkoms van nasionalisme en fascisme wat tot die Tweede Wêreldoorlog gelei het, en Afrikanernasionalisme se voormalige rol in die skep van ʼn verweefde web van maatskaplike grense tussen mense van verskillende velkleure, veroorsaak dat ons nie kan bekostig om deur die gebruik van grense mense op skadelike wyses af te sonder nie.

Talle intellektuele en kommentators in die media voer die argument dat grensmure nie net tot politieke probleme lei nie, maar ook morele probleme veroorsaak of selfs boos is. Volgens hulle is grensmure immoreel want dit veroorsaak xenofobiese identiteite in state (soos byvoorbeeld die identiteit van Zimbabwiërs in Suid-Afrika, of die identiteit van Mexikane in die VSA) en dit ignoreer ook maatskaplike probleme wat oor grense heen opgelos moet word (soos groot verskuiwings van vlugtelinge wat deur ʼn gemeenskap van state geabsorbeer moet word weens konflik of verarming in die gemeenskappe waar hul vandaan kom).

Hierdie morele debat, in kombinasie met die noodsaaklikheid van grense se onderhoud vir politieke, ekonomiese en veiligheidsredes, het tot gevolg dat die “politiek van die muur” sekerlik een van die grootste vraagstukke van ons tyd is.

Hier verwys “muur” nie net na letterlike mure nie, maar ook na die verskeie tasbare en nie-tasbare grense wat veral sedert die begin van die 2015-vlugtelingekrisis in Europa deur state en gemeenskappe in die globale Noorde toenemend opgestel of herbevestig word om hul kultuuridentiteite te beskerm. Hierdie tendens word die duidelikste geïllustreer deur die verkiesing van Donald Trump as Amerikaanse president, sy verkiesingsbelofte om ʼn muur tussen die VSA en Mexiko te bou, hedendaagse Amerikaanse nasionalisme, die Brexit-referendum, die uitslag van vanjaar se Europese verkiesings waarin konserwatiewe partye meer steun ontvang het en die politieke middegrond gebloei het, en die verkiesing van Boris Johnson as leier van die Konserwatiewe Party en premier in die Verenigde Koninkryk.

Grense wat deur state en gemeenskappe versterk word onderskei opnuut tussen “ons” en “die ander”, en dis in hierdie onderskeid waarin die morele debat oor die politiek van die muur lê. Hierdie morele debat kan ook nie geïgnoreer word nie, onder meer omdat groot groepe mense reg oor die ontwikkelde en ontwikkelende wêreld se morele smaakkliere aandui dat dit ongewens is om mense wat swaarkry weens konflik en armoede met absolute grense af te sonder. Dit is dus nodig dat ons in ons tyd herbesin oor die betekenis van grense en mure.

alida-kok

Alida Kok. Foto: Jurgens Burger.

Muurpolitiek in Suid-Afrika

Politiek in Suid-Afrika – soos in die geval van die res van die wêreld se politiek – is onlosmaaklik deel van tendense in die ontwikkelde globale Noorde. Só vorm grenspolitiek en die politiek van die muur ook deel van die kern van die meeste politieke kwessies wat daagliks in die land afspeel. Ons politiek is ʼn voortdurende proses van grense trek en hulpbronne bewaar, of om deur magspel te bepaal wie kan besluit waar grense getrek word.

Die mees voor die hand liggende voorbeeld waar grenspolitiek ʼn rol speel is in die Suid-Afrikaanse staat se moeilike verhouding met Afrika-buurstate en die talle mede-Afrikane wat Suid-Afrika binnestroom op soek na beter geleenthede vir oorlewing.

Ander minder opvallende areas in ons politiek waar rolspelers mure of nie-tasbare grense bou of wil afbreek kan gevind word in liberale konstitusionalisme, privatisering van dienste wat oorspronklik deur die staat gelewer is en in die bevordering van kultuuridentiteite en -regte.

Met die reeks uitsprake wat die howe onlangs teen die Openbare Beskermer gemaak het, het ʼn diskoers opnuut op sosiale media en onder akademici ontstaan wat meen dat liberale konstitusionalisme – die oppergesag van die reg en die beskerming van individuele regte – ʼn spreekwoordelike muur is wat wit bevoorregtes tussen hulself en die ongeregtighede van anti-swart rassisme plaas.

Volgens hierdie diskoers moet die muur van liberale konstitusionalisme afgebreek word om transformasie te laat plaasvind. In hierdie perspektief word ondersteuners van liberale konstitusionalisme as fascisties of boos afgemaak. Hier geld dieselfde vir die privatisering van dienste en die bevordering van ʼn kultuuridentiteit soos dié van Afrikaans en die Afrikaner.

Spreekwoordelike mure word opgesit as ʼn mens gebruik maak van dienste in die private sektor, of as ʼn mens ʼn kultuuridentiteit (wat uit die aard daarvan eksklusief is) bevorder en, soos in die geval van die persepsie wat daar oor mure en grense in die internasionale samelewing bestaan, word hierdie spreekwoordelike mure ook hier deur sommige kommentators as immoreel bestempel.

Grense as simbole van politieke debat en as spasies waar mense mekaar op komplekse wyses tegemoetkom

Terselfdertyd is dit nie so eenvoudig om ʼn muur of ʼn grens as net immoreel te bestempel nie. Die internasionale tendens wat wys dat gemeenskappe geleidelik die grense tussen hulself en die res van die wêreld opnuut herbevestig het reeds begin posvat. Die politiek van die muur sal dus weer toenemend van belang wees. Die tydperk vereis eerder van ons om te besef dat fisieke en nie-tasbare grensmure juis spasies is waar politieke debat en onderhandeling en die komplekse vloei van mense plaasvind. Geen grens is absoluut nie. Grensmure het deurgange wat gemeenskappe verbind en – soos in die simboliek van die pienk wipplanke op die VSA-Mexiko grens – ontstaan ʼn sensitiwiteit onder mense aan die een kant van ʼn grens vir “die ander” aan die ander kant daarvan.

Hierdie plasing is deur ’n onafhanklike persoon of onderneming saamgestel. Die menings en standpunte wat in hierdie skrywe uitgespreek word, is nie noodwendig die beleid of standpunt van Maroela Media se redakteurs, direksie of aandeelhouers nie. –Red

Meer oor die skrywer: Alida Kok

Alida Kok is ʼn dosent in politiek aan Akademia. Haar mening is nie noodwendig dié van haar werkgewer nie.

Deel van: Meningsvormers

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

38 Kommentare

Stan ·

80 % van ons plaas moorde word deur onwettige immigrante gepleeg. Ek sê, kom ons bou ‘n muur tussen ons en ons buurlande.

Leeu ·

Dis presies wat die ANC wil he jy moet glo. Dis Saffas wat die masterminds is, en oplei en deurvoer.

Petrus Koejawel ·

SJW moet ingespan word om ons muur te bou….né Cyril.

Jerry ·

Trump bou mure om mense te verdeel en die aktiviste bou brue om mense te verenig. In SA kry jy ook jou muur bou brigade wat daarop ingestel is om brue wat gebou word so gou moontlik te verbrand. Die probleem in SA is egter groter as in Amerika, omrede SA se regerende party asook die aktiviste beide besig is om mure te bou om mekaar te verdeel en uit te sluit! Daar is geen sprake meer van brue bou nie! Dit beteken dat in Amerika is daar nog hoop want brue word steeds gebou, maar in SA is ek bevrees bestaan daardie hoop nie meer nie, want die wat brue probeer bou het, se go is uit!

Antoon ·

Trump bou mure om sy kiesers se leefwyse te beskerm. Ongelukkig het vorige leiers reeds veroorsaak dat die leefwyse reeds plek plek daarmee heen is

Gert ·

Dit gaan my verstand te bowe hoe mense ‘n muur as immoreel of verkeerd kan beskryf. Hoe regverdig jy dit dat sekere lande se mense swak leiers kies, dan toelaat dat daardie leiers hulle ekonomie vernietig, dan AANSPRAAK maak op ‘n REG om parasiete te word op ‘n ander land se ekonomie? Dis een ding om mooi te vra of jy eerder daarheen kan kom, en dan deur die wettige proses te gaan, maar dis heeltemal iets anders om net ongevraagd op te daag en eise te begin stel.
Verder word daar deesdae deur linkse kommentators negatief verwys na alle vorme van nasionalisme. Hoe kan dit verkeerd wees om ‘n eie kultuur of taal te koester, en nie dit te wil laat uitsterf deur verswelging van ander kulture nie?

Antoon ·

Korrek
Ek stel voor dat MM ‘n manier inbring om plasings te “upvote” of “downvote”

Marietta ·

Ag asseblief….ons almal weet wat is die agenda….jy maak n uitstekende nuwe wereld orde pion…
Elke volk of nasie het spasie nodig vir hul kultuur en beskerming…dis hoe God dit bepaal het ….

Therese ·

Ja, waarlik heeltemal sprakeloos.
Maar, dis soos fluister teen donderweer.
Gooi tog maar oop alle landsgrense …

Merkur ·

Therese, kyk na die video Anne Marie Waters // GI Conference with Q and A.
(Sy het ´n nuwe party gestig.)
Ek vermoed jy sal hier en daar toestemmend nik…

George in Bloem ·

Net nog liberale lugkastele ver verwyder van die realiteite waarmee daar geworstel word.Die muur in die VSA en die een in Israel is nodig. Beide het meriete. Dis jammer en dit word daagliks al hoe meer jammer dat daar nie een hier kon wees nie.

John ·

Liberale konstitusionalisme… Is dit die regte term? ‘n Lang skrywe oor die regte van migrante en hul oulike wipplank, maar min oor die voordele of regte van kulture op eie ontwikkeling en groei, terwyl swak slinkse leiers hul inwoners aanspoor om die pad te vat. Migrante stel nie daarin belang om hul eie land te verbeter nie. Hulle sal eerder elders hul gewig in klippe gaan rondgooi. Meksiko het die mees patetiese poefter vir ‘n president en Venezuela ditto en praat nie van Mog-Abe (en sy soet gesin nie) wie se so-swaarkry-mense hier deur die polisie gejag moet word nie.

Anton ·

Ja ons wil alles slaafs volg wat in die res van die wereld aangaan of dit nou Oosterse sosialisme of Amerikaanse sosialisme is. Affirmative Action, BBBEE, watookal. Daar is nie meer grense vir Suid Afrika nie. Al waar daar nog n grens is is voor die afgrond na die hel..en dit word lustig afgebreek elke dag hier by ons grenslose stukkie aarde. Geen grens meer tussen wet en orde en anargie nie, geen grens aan korrupsie nie,…

Wim ·

Sy is ook n rubrikeskrywer vir Beeld en Netwerk 24.Dit sê klaar alles.

Jac ·

Net ‘n paar opmerkings

“ons nie kan bekostig om deur die gebruik van grense mense op skadelike wyses af te sonder nie” – En wat as ‘n grens juis nodig is om te verhoed dat skade aangedoen word?

“Ons vs Hulle” – al hoe dit ooit uitgewis kan word is deur die skepping van een homogene, kultuurlose (of dalk net met die kultuur van besteding), koffiekleurige, een-godsdiens massa.

“Geen grens is absoluut nie”. – Inkorrek, behalwe as jy onstandvastig en sonder beginsels is.

Jerry ·

Mure wat gebou word, verdeel mense en wakker haat aan. Kyk na die massaslagtings in Amerika waar een hater 9 mense doodskiet. In SA kry jy ook massaslagting, dit vind net oor n langer uitgerekte tydperk plaas waar jy 9 haters kry wat 1 mens doodskiet, elke tweede dag. Op die einde van die dag kom n mens by omtrent dieselfde getalle wat sterf in die massaslagtings. In Amerika asook in Suid Afrika kom die haters uit die meerderheid en juis daarom moet die minderhede hulself beskerm deur nie te hard terug te druk vir hulle regte teen die meerderheid nie, omrede die haters dit ervaar as n bedreiging vir die meerderheid. Bou eerder brue en steek jou taal, godsdiens en kultuur weg net soos jy jou kinders wegsteek totdat die aanslag bedaar. Maar hoor is min, want dit is n bietjie moeilik om te begryp wat is werklik aan die gang en wat moet werklik gedoen word om dit effektief te neutraliseer. Die een se oplossing is om sy kinders, taal, kultuur en godsdiens te beskerm en word beledig as synde n liberaal te wees terwyl die ander een wat sy kinders, godsdiens, kultuur en regte blootstel deur dit aan die groot klok te hang, net die mac van die plek is en dit terwyl daar nog n slagting plaasvind!

Wessel ·

Die haat in Amerika word eintlik deur die Linkses aangeblaas, nie deur ‘n muur nie. Die meeste “haat” aanvalle het onder Obama se bewind plaasgevind.
Jy sal dit nie hoor terwyl jy CNN kyk nie.

Gert ·

Steek jy maar jou godsdiens, taal en kultuur weg, ek is trots op myne.

Anton ·

Dink jy regtig die aanslag gaan bedaar? Jy lewe in n droom wereld. Hulle sal jou bruggies gebruik om vinniger by jou te kom en jou keel af te sny. Dit is hoekom in n sosialistiese revolusie ( wat nou hier aan’t begin is) die ryk liberale linkses se kele eerste afgesny word. Doen navorsing oor die Russiese en Chinese revolusies.

Hanno ·

Sal diegene wat gekant is teen mure (grense) tussen lande, bereid wees om die mure om hul wonings te verwyder? Komaan liberales, wys vir ons op n praktiese wyse hoe om ander mense in jou leefwêreld toe te laat.

Helgard Muller ·

Die argument kan gemaak word dat jy die beste ‘n liberale orde handhaaf binne nasionale grense en die nasie staat. Die alternatief is ‘n liberale ryk wat een morele orde afdwing. Dit is al hoe jy so baie mense bymekaar kan hou binne ‘n politieke entiteit – jy moet eintlik liberalisme afdwing as jy werk binne die raamwerk. Mens kan kyk na Europa en die EU projek. Hoe dit meer en meer lyk na ‘n ryk en ook hoe dit sukkel om mense bymekaar te hou binne die groter EU en self binne lande waar dieselfde liberalisme “sonder grense” afgedwing word. Vergelyk dit dan met die VSA en hoe dit mense binne ‘n nasionale raamwerk insluit mits hulle bereid is om Amerikaanse waardes en tradisies te aanvaar en deel te neem binne daardie raamwerk. Allermins dit is nou juis hierdie liberalisme gebou op nasionale instellings, kultuur en tradisies wat onder skoot is en wat die linkses en “slimmes” wil vervang met “globale liberalisme”.

Frans C ·

Die mens in die algemeen is ‘n tweegesig wese.Niemand sal kommentaar lewer as jy hemelhoë mure om jou eiendom bou om dit te beskerm nie. Veral teen die misdadige elemente van binne en buite jou land of mense in jou land wat reken dat jou stukkie grond eintlik aan hulle behoort, Laat ‘n President soos Trump nou om dieselfde redes ‘n muur bo,dan is die hel los en tjank liberales soos jakhalse in die maanskyn.

Die oplossing as jy dan nie ‘n muur op jou grense wil hê nie is om soveel druk op die regerings van die lande waart mense gee pad te plaas dat hul gedwing sal word om lewensomstandighede te verbeter.

Ja ‘n mens moet voel vir die mense wat ‘n beter heenkome soek maar onbeheerde instroming lei net tot meer probleme soos die betogings deur buitelanders in Johannesburg se middestad bewys het.Dit is skrikwekkend dat die polisie beslag gelê
het nie net op vervalste goedere nie maar ook vuurwapens en ammunisie.

Karl ·

Al wat ek sê is….gaan Google “MEXICO SOUTHERN BORDER” …dis n muur. LOL. Trump for World President!

Expat ·

Mure werk goed. China het lank terug ‘n reuse muur gebou, tot vandag toe het hulle geen probleme met Meksikane nie!

See water werk nog beter, so paar duisend kilometer Indiese oseaan hou ons veilig weg van die Afrika nonsens.

Danie ·

Die Indiese oseaan hou julle weg van die Afrika nonsens, maar nie van die Chinese en Indonesiërs nie. Net soos SA, is julle eilande ook besig om in Chinese provinsies te verander.

rassie ·

Die skrywer sit die aangeleentheid na my mening korrek uiteen.

“Geen grens is absoluut nie” – Korrek.

Indien kultuurgrense en politieke grense “absoluut” was sou daar nooit iets soos ‘n Afrikaner kultuur ontstaan het nie en sou byvoorbeeld die Franse Hugenoot vlugtelinge nooit Suid-Afrika toe gekom het nie. Trouens, geen van die Afrikaner voorouers sou ooit hier gewees het nie. Hulle het almal politieke en kulturele grense oorgesteek. Net soos ook die Voortrekkers en later die Hollandse immigrant HF Verwoerd.

Die redes waarom hulle dit gedoen het is wel bekend uit die Afrikaner geskiedenis en toon talle ooreenkomste met hedendaagse tendense waar mense om uiteenlopende redes grense oorsteek. Insluitende hedendaagse Afrikaners.

Die skrywer is ook reg dat dit nie beteken dat fisiese-, politieke- en kulturele grense noodwendig immoreel is nie. Dit hang egter alles van bepaalde omstandighede af en elke geval moet op eie meriete beoordeel word. Weereens is daar in die Suid-Afrikaanse geskiedenis talle voorbeelde, soos byvoorbeeld die destydse Apartheidswette wat in retrospek as immoreel beskou word, maar ook beslis die wat nie as immoreel beskou kan word nie, soos kultuurorganisasies en ander organisasies wat op wettige en morele wyse die behoud, uitbouing en voortbestaan van die Afrikaner kultuur ten doel het.

Merieperd ·

Bla bla bla. Ons praat en praat en praat.
Cyril en die ANC smeer hulle g*^^e aan ons af.
Hier is n boodskap aan ons agbare president Cyril, Ek weet jy lees nie hierdie rubriek nie want jy verstaan nie die taal nie. Kry iemand om dit vir u te vertaal.
Cyril ons is SUID AFRIKA n’ eerste wereldse land. Ons is wel in Afrka maar het lankal die Afrka manier van doen afgeskud. As n’ Eerste wereldse land, leier, moet jy jou losmaak van die Afrika kultuur van mislukking. Ons vergaan, en jou regering baklei onder mekaar en met almal. Dan noem julle julle dit demokrasie? Cyril jou mense in SUID AFRIKA gaan dood van honger en ongeneeslike siektes, ons het nie inkomstes of werk nie. Is dit jou nalatenskap aan ons? Nee man wees n’ Indoena, n leier, en raak ontslae van die verloor mentaliteit waarmee jy jou omring. Magtig man jy is die President van die land en jy tree op soos n lamsak . Ruk jou reg man. Kan jy as n wereld leier nie sien wat besig is om te gebeur nie? Ons is nie gelukig met jou of jou regering nie. Word Wakker. Of die blinde sambok gaan jou kry. Groete ou grote.

Kom Ons Boks ·

Dis eintlik heel envoudig my liewe landsgenote. Konserwatiewes is standvastig waar Liberales toelaat dat hul ideologie rondsweef oor tyd (progressief). As die gevreesde Antichris aan die kom is sal dit onder die vaandel van diegene wees wat bruggies na als wil bou instede van mure om te beskerm wat Godgegewe is. If we stand for nothing there will be nothing to stand for.

Schalla ·

Dit gaan een van die dae polities-inkorrek en immoreel wees om jou huis te beveilig met ‘n heining. Of jou kardeure te sluit terwyl jy ry.

Gideon ·

Die Afrikaner en Afrikaanse taal het dringend n eie plek nodig; n provinsie of kanton wat wettiglik voor onderhandel is. Binne die groter Suid-Afrika het ons alles verloor. Die globaliste en internasionaliste (van alle kleure) is nou in beheer en gaan volstoom voort om ons uniekheid (diversiteit) te vernietig. Dit is nog net privaatinstellings wat ons kultuur koester, respekteer en lewend hou.

Oom Harry ·

Die skryfster beweer dat nasionalisme die oorsaak van die tweede wereldoorlog was en verwys na die “immorele” apartheidsw ette. Sulke oningeligte dwalings het ek lanklaas gelees. Dit is duidelik dat sy nie die smarte en behoeftes van die Afikanervolk beleef en verstaan nie. Ook is sy nie op hoogte va n die redes en aanloop tot WO 2 nie. Kan mens studente aanraai om politieke wetenskap by Akademia te studeer? Wat die “mure” betref – dit gaan myns insiens oor ras wat die verskille bepaal en ras word bepaal nie deur kultuur of godsdiens nie, maar deur die bloed.

humor ·

Eintlik baie eenvoudig. Op die verskillende plekke waar ek gewoon het het n deeglike absolute muur waardeur my buurman se hond nie kon deurkruip nie nog altyd meegebring dat daar beter oor die weg gekom was. In die sin het n absolute muur tot vrede bygedra. Die sg. absolute muur het dus meegebring dat dit nie n absolute muur was nie, want ons buurmanskap was opbouend en verrykkend. Pas dit nou toe op die politiek en volkereverhoudings.

Kallie Marie ·

Hoekom wil jy dan “Apart” wees met n muur tussen jou en ander ….het ons dan nie in 94 gestem om nie “Apart” te wees nie …..

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.