Die toorn van swart rassiste: “Niemand weet meer wat om te doen nie”

Jesse Williams ontvang die humanitêre toekenning by die BET-toekennings by die Microsoft-teater in Los Angeles (26 Junie 2016) Foto: Matt Sayles/Invision/AP

Jesse Williams ontvang die humanitêre toekenning by die BET-toekennings by die Microsoft-teater in Los Angeles (26 Junie 2016) Foto: Matt Sayles/Invision/AP

By die onlangse Black Entertainment Television- (BET-) toekenningsgeleentheid het die Grey’s Anatomy akteur Jesse Williams ʼn fel aanval op wit mense geloods:

We’ve been floating this country on credit for centuries, yo, and we’re done watching and waiting while this invention called whiteness uses and abuses us, burying black people out of sight and out of mind while extracting our culture, our dollars, our entertainment like oil – black gold, ghettoizing and demeaning our creations then stealing them, gentrifying our genius and then trying us on like costumes before discarding our bodies like rinds of strange fruit. The thing is though… the thing is that just because we’re magic doesn’t mean we’re not real.

Die skare het hom staande toegejuig en die toespraak word wyd aangeprys. Selfs Justin Timberlake het aan sy 55 miljoen Twitter-volgelinge vertel Jesse Williams se woorde het hom geïnspireer.

Wat Timberlake klaarblyklik nie verwag het nie, is die stortvloed woede wat in die sosiale media teen hom gerig sou word. Hoe durf hy hom met swart mense se stryd vereenselwig as hy sélf nie swart is nie? was die aanklag. Timberlake het aanvanklik probeer om konteks te gee deur te antwoord ons moet besef ons is almal eintlik dieselfde, maar dit het dinge net vererger. Kort daarna verklaar hy op Twitter hy is verkeerd verstaan en hy is werklik deur Williams se toespraak geïnspireer. Hy het ook nederig om verskoning gevra aan al Williams se aanhangers wat seergemaak is deur sy (Timberlake se) verklaring dat hy óók vir Williams ondersteun.

Maar nie net Justin Timerlake het deurgeloop nie. Jesse Williams self het onder die Amerikaanse Black Lives Matter-groep deurgeloop. Hoe durf Williams – ʼn swart mens met ʼn ligter gelaatskleur – hom oor swart mense se regte uitspreek? Williams is nie swart genoeg om regte swart mense se pyn te verstaan nie, dus moet hy eerder nie daaroor praat nie… of iets in dier voege.

Die hele storie mag dalk absurd klink, maar vir ons, hier aan die suidpunt van Afrika, klink dit tog nie só vreemd nie. Om die waarheid te sê: Dié soort ontnugtering wat Justin Timberlake getref het, word gereeld hier in Suid-Afrika ervaar. ʼn Voorbeeld hiervan is die berugte “blackface”-skandale. Twee studente van die Stellenbosch Universiteit het onlangs ʼn temaparty vermom as Venus en Serena Williams bygewoon. Foto’s van hierdie “gruweldaad” het die sosiale media getref en die media het ingespring. “Black face scandal hits Stellenbosch” het een koerant se voorblad verkondig. Lang storie kort: Die studente is ontnugter en moes, net soos Timberlake, in die openbaar vir hul gedrag om verskoning gevra.

Die rassiste word kwater

Hierdie soort optrede is gewis kommerwekkend. Dit lyk asof swart rassiste – wat onder die vaandel van menseregte-aktiviste paradeer – al aggressiewer raak: nie net in hul uitlatings nie, maar in hul verwysingsraamwerk as geheel. Só ervaar ons byvoorbeeld dat daar onder swart aktiviste in die VSA deesdae ʼn groterwordende mate van afkeur teenoor hul grootste held, Martin Luther King, uitgespreek word omdat King te “vreedsaam” was, terwyl geweldstokers, soos Malcolm X, al meer as die ware helde voorgehou word.

Klink dit dalk bekend?

In Suid-Afrika hoor ons ook hoe die EFF en hul splintergroepe, soos die #RhodesMustFall- en #FeesMustFall-aktiviste, al meer sê Nelson Mandela was ʼn verraaier wat hulle uitverkoop het, omdat hy te hard probeer het om vrede te maak en nie genoeg van die wit mense gevat het nie. Ander radikaler helde word ook opnuut in Suid-Afrika geprys.

Rassisme is egter nie so wyd nie

Tog bevind wetenskaplike studies dikwels dat rassisme in Suid-Afrika nie so erg is as wat hierdie aktiviste dit wil maak nie. ʼn Ewekansige steekproef, wat in opdrag van die Suid-Afrikaanse Instituut vir Rasseverhoudings (SAIRR) gedoen is, het byvoorbeeld bevind slegs 4,7% van alle Suid-Afrikaners beskou rassisme en vreemdelingehaat as een van die land se grootste onopgeloste krisisse. Bykans 60% van swart Suid-Afrikaners glo rasseverhoudings het sedert 1994 verbeter, terwyl 77% glo sportspanne moet op meriete gekies word en kwotas moet nie ʼn rol speel nie. Die verstommendste bevinding van hierdie studie is dat 79,4% van swart (dis nou “black African”) Suid-Afrikaners aangedui het hulle ervaar geen rassisme nie!

Hoewel die SAIRR se integriteit ver bo verdenking is, strook dié syfers hoegenaamd nie met dit wat moderne rassismehandelaars as die waarheid probeer voorhou nie. ʼn Rassismehandelaar is iemand wat sy/haar loopbaan bou deur voor te gee rassisme is Suid-Afrika se grootste krisis en dan hulself as die helde in die stryd teen (veral wit) rassisme probeer voorhou. Rassismehandelaars se loopbane is daarvan afhanklik om my en jou te vertel Suid-Afrika loop oor van rassisme en hulle het die oplossings. Daarom, reken hulle, moet jy hul boeke koop, vir hulle stem of hulle betaal om as spreker by jou funksies op te tree (knipogie-knipogie).

Absurditeit bereik ʼn nuwe laagtepunt

Net so sien ons dat die absurditeit van argumente gereeld nuwe laagtepunte bereik, soos die #FeesMustFall-vrou, wat op e.tv vir my gesê het sy kan nie asemhaal as sy Mandela (die sogenaamde verraaier van swart mense) se naam hoor nie, of dat dit rassisties is as ʼn Afrikaanssprekende persoon ʼn swart persoon oor hul goeie Afrikaans komplimenteer, of dat wit mense soms swart mense se name verkeerd uitspreek omdat hulle in wese rassisties is. Sy sluit die stelling af met: “And I can guarantee you that that has never happened to Ernst.” En spreek my naam dan uit as “Ênêst”.

Dalk die absurdste argument is dié van die rassismehandelaar, Eusebius McKaiser, wat aanvoer apartheid moet blameer word vir die wrede moorde wat swart Suid-Afrikaners op swart buitelanders pleeg. Sy argument kom daarop neer dat swart mense nie geweet het wat geweld was voordat wit mense hier aangekom het nie en dat apartheid en kolonialisme swart mense geleer het dat hulle geweld teen mekaar kan pleeg. Hy skryf:

Colonialism and apartheid have tragically damaged the moral compasses of many black South Africans. This is why we show a reduced humanity towards fellow Africans.

Ek neem dus aan dat McKaiser nog nie van Mzilikazi of die Mfecane gehoor het nie.

Dit is aggressie soos hierdie, gekombineer met die absurdste argumente denkbaar, wat maak dat rasionele wit en swart mense van die debat oor rassisme onttrek.

Die “heilige” woede

Dit blyk egter dat hierdie tipe argumente in ʼn groot mate verdra word, omdat rasionele mense nie kans sien vir die verbale geweld waaraan hulle hulself blootstel indien hulle dit durf waag om hul opinies uit te spreek nie, veral as hulle wit is of nie swart genoeg nie.

Die soort woede wat deur moderne swart rassiste uitgespreek word, kan in ʼn sekere opsig as toorn beskryf word, eerder as blote aggressie. Toorn is nie gewone woede nie, maar verwys eerder na ʼn goddelike of heilige woede. Dit is ʼn soort woede waarop jy nie kan of mag antwoord nie, omdat die een wat dit uitspreek onaantasbaar is en jy, vanweë jou sondige natuur, geen reg het om jou daaroor uit te spreek nie. En as jy sou waag om dit te doen, sal jy vir jou sonde gestraf word. Dit is ten minste hoe vandag se swart rassiste die situasie sien.

Dit is waarom Dinesh D’Souza in die voorwoord van sy boek The End of Racism verklaar hy is nie wit nie en die kleur van sy vel verskaf vir hom ʼn mate van immuniteit om met ʼn mate van vrymoedigheid oor rassisme te praat – iets wat vir wit mense feitlik onmoontlik sou wees.

Die sosioloog Christopher Jencks het die dilemma goed opgesom:

Many blacks are angry and many liberals are frustrated. Nobody knows what the hell to do.

Hierdie plasing is deur ’n onafhanklike persoon of onderneming saamgestel. Die menings en standpunte wat in hierdie skrywe uitgespreek word, is nie noodwendig die beleid of standpunt van Maroela Media se redakteurs, direksie of aandeelhouers nie. –Red

Meer oor die skrywer: Ernst Roets

Dr. Ernst Roets is beleidshoof van die Solidariteit Beweging.

Deel van: Meningsvormers

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

46 Kommentare

Connie ·

Die ANC se einde aan rassisme maar hulle is die wat dit die meester aanvuur. Dit sal stop as hulle stop en ook die EFF.

JC ·

In een woord ‘n “puik” artikel en ook “wat ‘n grap!” Wonder wanneer gaan die belaglikheid einde kry? Intelligensie soos hierdie word waardeer! Wens die rassiste kan die moeite doen om die artikel te lees.
Dit sal hul lewe werklik verander!(sarkasties)

Bert ·

Die opkoms van ‘n verhoogde swart rassisme en swart ‘assertiveness’ is sekerlik te danke aan die verkiesing van Obama.

John ·

Daar is mense wat rassisme ten alle koste lewendig wil hou. Dis ‘n groot ‘money-spinner’ en dit lok onderdanige meelopers en finansiele ondersteuning vir die ‘saak’.

Ernst Roets ·

Ek stem 100%. Daarom my verwysing na “rassismehandelaars” (“race merchants”) in Engels. Ons moet hierdie mense ontbloot.

Adri ·

Laat ons nie die aandeel van die media in die Stellenbosch debakel vergeet nie. En die patetiese mannetjie daar agter.

En hulle het PERS verf gebruik, so die hele storie is siek uit konteks geruk!!!!

Die media dryf hierdie rassisme tot vervelens toe. Elke dag

Jordaan ·

Die skrywer het nie na die persgesig voorval verwys nie, dit was twee ander studente wat as die Williams-susters (tennispelers) aangetrek het.

Ernst Roets ·

Hallo Adri.
Jordaan is reg. Daar was twee “blackface” insidente by Maties die afgelope jaar of wat. Albei is ewe absurd. Wieookal besluit het dat dit ‘n daad van rassisme is as ‘n wit persoon sy gesig swart verf verdien ‘n Nobelprys vir Propaganda.

BoelieBrandtBesteInDieLand ·

Ernst

Baie bly om te sien julle volg wat gebeur in die Amerikaanse politieke sfeer, veral wat betref die aanslag van die sg social justice warrior generasie.

Die antwoord van konserwatiewe en libertariër geledere was tot dusver baie goed en effektief – Dinesh D’Souza, maar ook Ben Shapiro, Milo Yiannoppolis, Stephan Molyneux, Steven Crowder en ander, het deur goeie argumentering en gebruik van sosiale media met groot effek die belaglikheid en hipokrasie van die SJW beweging (‘n samevoeging van links sosialistiese faksies, ekstremistiese feminisme, die anti-gun lobbies en natuurlik black lives matter) blootgelê.

Ons kan gerus meer blootstelling aan hierdie ouens plaaslik gee – hulle veg dieselfde geveg as ons.

Paul ·

En hoeveel Afrikaners gaan dan met Milo Yiannoppolis saamstem totdat hulle ‘n oorval kry wanneer hulle agterkom dat hy ‘n gay wit man is wat graag met swart mans uitgaan?

Ernst Roets ·

Hi Boelie…

Dankie. Ek volg D’Souza, Shapiro en Yiannopoulis taamlok nougeset. Thomas Sowell se skryfwerk is ook uitstekend. Ek sal bietjie gaan kyk na die ander name wat jy noem.

Thuunda ·

Jy kan Paul Joseph Watson van Engeland by daardie name voeg.

Schalk ·

Ek vertaan nie die mens se probleem met wat ander mense hom noem nie. Dit is jou dade en gedrag teenoor ander wat maak wat jy is. Rassiste onder soortgelyke velkleure is baie erger as teenoor verskillende velkleure. Op die einde is dit dalk die kultuur botsings en agtergrond wat minder of meerderwaardigheid laat in opstand kom.
BEEE is rassisties en nie meriete gebaseer nie. Deur dit op sport en die na 95 geslagte en rasse wil laat toepas gaan die sweer net laat erger word.
Almal kan onmoontlik dieselfde uitkyk , beginsels , IK , ontwikkeling , blootstelling aan geleenthede of kultuur ervaar of geniet nie.
‘n Voorbeeld is die tradisionele inlywings , labola se geld plaas van beeste agv ligging en die lys gaan aan. Dit is gemoderniseerde kultuur.
Kyk na opvoedings programme- op watter ouderdom word kinders blootgestel aan elektroniese media en tog vorder niemand dieselfde nie. wie blameer mens nou?
Te vroeg is soms nadelig en tog ook voordelig.

Johan 2 ·

Volgens my bestaan ras onder mense nie, ons is eenvoudig geneties nie diverse genoeg nie (kyk maar hoe sukkel hul om mekaar te “klassifiseer”)…Kultuur is n ander storie. Kyk maar wat gebeur as verskillende kultuurgroepe saam geforseer word…of as n groep met n kultuur van wanorde toegelaat word om oor ons baas te speel.

Theresa ·

Dankie – puik geskryf. Dis waar: absurde uitlatings en verdraaiing van die waarheid. Dis altyd jammer as iemand andere moet afbreek om self bietjie beter te lyk. Foei, dit lyk of die aarde nou skud deur al die leuens en die jonger geslagte leer onwaarhede en haat aan.

Ernst Roets ·

Dankie Theresa. Die ironie is, hoe verder ons van apartheid af beweeg, hoe meer aggressief en irrasioneel word hierdie aktiviste.

van der Merwe ·

Uitstekend geskryf, Ernst – hoop nie jy word ook “gemuilband” nie. . . :)

Dan ·

Dis reg. Laat die rassisme die hoogheiliges daar ver bietjie van hulle troontjies af haal. Kom ons ruil skoene, dan sal ons sien wie verstaan die waarheid.

Paul ·

Williams is wel korrek deur te verwys na “whiteness” as ‘n “invention”. Die begrip “whiteness” is inderdaad ‘n versinsel – ‘n strooipop wat opgestel is sodat dit keer op keer die skuld gegee kan word vir enigiets.

Johann ·

Rassisme het ‘n verskoning geword vir alle probleme vandag.
Rassisme = jaloesie, onoselheid,
Noem dit maar op

Johann ·

Wat my net verstom van die swart Amerikaners is dat hulle al soveel jare vry is. En tog blameer hulle nog als op die wittes. Sekere state in Amerika het regstellende aksie na 20 jaar gestop omdat dit nie gewerk het nie.
Daar is nie hoop vir mense wat die geleentheid het om iets te bereik en tog eerder dit verkies om lui te wees nie.
David Bullard het ‘n paar jaar gelede ‘n artikel geskryf vir die Sunday Times. Gaan Google dit en lees dit. O, hy is summier afgedank oor daardie artikel.

Marius ·

Gestel mens let op dat n volk soos bv .Franse vurige lovers is,of Britte wat pommies is ,dit is nou hoogmoedig.Dit is dan hoogmoed en dalk lustigheid albei morele oortredings.Is mens rassisties as jy sou sê britte is pommies(pompous).Nou as iemand so gereeld steel of korrup is dat jy tot die gevolgtrekking kom en dit lyk of almal van hierdie een rasgroep dieselfde verkeerd of reg doen ,is jy” rassisties” om dit dan te sê?of,soos bv dutch settlers wat grond steel wat dalk waar is in sommige gevalle.Wanneer word rassisme ,rassisme?My antwoord is;nooit!Rassisme is n vloekwoord gemaak vir politieke speletjies,waar ons eintlik vir mekaar kwaad word is wanneer immorele en onetiese gedrag jou kwaad maak.Dit sal nooit verander solank mense van geloof en kultuur verskil nie,tensy ons almal dieselfde identiese geloof en kulturele waardes het ,kan daar nie harmonie wees nie,m.a.w rassisme is n mite en niks om oor skaam te wees as jy iemand aanspreek of noem wat volgens jou mening n lustige,hoogmoedige ,korrupte skelm is wat in die straat urineer en 5 vrouens het nie.Rassisme is niks anders as oor en weer beskuldigings van morele oortredings volgens jou subjektiewe kulturele en geloofswaardes wat dalk reg mag wees en dit is hier om te bly.

Emile ·

Die SA swart retoriek word direk so uit die VSA gekopieer; buite konteks en on-oorspronklik.

Rupert Ashford ·

Die “onttrekking aan debat” word nerens beter geillustreer as in die laaste twee verkiesings in die UK ( algemene verkiesing en Brexit) nie waar vooraf “opinion polls” deurgaans ‘n ander uitslag voorspel het as wat op verkiesingsdag gebeur het. Dit begin lyk of mense alle vertroue in die media verloor en selfs sal verkies om eerder oneerlik te wees in silke opnames of die polities korrekte antwoord te gee sodat hulle nie in die openbaar aangeval sal word nie.

Theuns ·

Dankie Ernst, Baie dankie vir jou uiters relevante kommintaar. Hoe belaglik klink dit as ek sou se “Rassisme sal bly voortbestaan solank as swart mense nie wil erken dat hulle bevoordeel is deur Apartheid nie” Hulle sal dit nie erken nie want dit is ‘n klomp tjol! Andersom gestel ook.

Jan ·

Alles is waar, die probleem is net, jy’s ‘n stem in die woestyn. Of anders gestel, te min mense besef die absurditeit hiervan. Almal swem maar net saam en is tevrede om gebrandmerk en beledig te word.

Theuns ·

Dankie Jan. Miskien moet ons alles wat hulle witmense toesnou net omdraai en wit vervang met swart en dit aan die groot klok hang! Tit for tat!

Fred Balt ·

Ek kan aan geen benaming dink wat iemand my kan toesnou wat my beledig of minderwaardig sou laat voel nie. Dis ‘n erge minderwaardigheidsgevoel binne-in jou wat jou lewe regeer en ander blameer vir jou eie tekortkominge. Fokus op wat jy doen en doen dit so goed as moontlik. Behandel mense met respek en moenie toelaat dat hierdie “rassisme handelaars” jou gedagtes beïnvloed nie.

Johan 2 ·

Jy het dit reg Fred. Lees gerus “White Identity” deur Jared Taylor (dit is op Kindle). Dankie v die skrywe Mr.Roets.

Basie Mynhardt ·

Fred Balt, dankie. Jy het die verstandigste ding in die minste woorde gesê.

Thys du Preez ·

Dankie Ernst vir die nugtere blik op ‘n ding wat vir ons almal moeilik is om te verwoord, want wanneer jy doen, dan, uit die aard van hoe die ding opgestel is, bevestig jy regverdiging van jou viktimisasie jeens die oorsaak. Met ander woorde – bose kringloop, die aroganie van die boelie, wat hierdie aanstoot namens ander mense neem is gebaseer die feit dat jy onmoontlik verskoon kan word nie, want net hy weet hoeveel aanstoot hy geneem het en ons het nou al gesien dis gewoonlik baie meer as wat die gewone deursnit slagoffer sou neem sou jy jouself in sy skoene sit. Kyk nou die Penny Sparrow fiasco, sy is ‘n erkende rassis, maar maak sy polisse wat outoriteit het om mense se lewens te beïnvloed? Niemand steur hulle meer aan wat eiendomsagente sê nie (daar stel Pam Golding nou ‘n heksejagveldtog van stapel en jaag kwaai bendes na my huis toe met hooivurke en fakkels) die punt is mense met ‘n bedenklike begrip weet daai tannie praat nie namens hulle nie, maar toe daardie toorn onvlam moet die objek van die haat se kniee bewe, want nou gaan mense tronk toe oor sêgoed. Al wat ek eintlik wou sê was daar was nog ‘n faktor wat in berekening gebring moet word, o, ek het gesê, dis mense wat namens andere aanstoot neem (enige belange groepe, selfs SPCA/DBV) neem soms helemal te veel aanstoot, meer as wat verskoon kan word deur die gemiddelde verskoning.

Pietertjie ·

Puik artikel, Ernst!

Ek wonder of jy nie dalk ‘n bietjie dieper wil delf in hierdie onderwerp nie. Dis vir my opvallend hoe die tendens wêreldwyd voorkom, en ek vermoed dat daar veel meer in steek as nét ‘n ras-geskil. Sal dit byvoorbeeld nie makliker wees vir die sg. Nuwe Wêreldorde om tot stand te kom as geen individu (of ras, of kultuur, of geloof) meer van van ‘n ander onderskei kan word nie?

Johan 2 ·

Ek vermoed ook so Pieter…ek dink wel ook dat die NWO besig is om so bietjie greep te verloor deur dat die hoofstroom media al minder relevant word. Mense raak “slimmer” as dit kom by waar hul, hul nuus kry.
Kyk maar na die Russe, vanwee baie jare lank se oordrewe propaganda, filter hul die media baie beter was die Amerikaners wat skynbaar alles glo wat op TV is, maar selfs dit begin stadig verander.

Izzy ·

Puik artikel. Wonderlike om te sien dat ons leiers geldige stellings kan maak (en bevestig met feite) en nie geboue hoef af te brand, skreeu/toi-toi of geweld hoef aan te blaas, net om gehoor te word nie.

Marius ·

Ons moet probeer om objektief na die hele rassisme debakel te kyk. Ons moet ook nie blind wees vir ons eie rassisme al is dit hoe subtiel nie. As ons na die geskiedenis kyk moet ons erken dat blankes vir baie eeue reeds meerderwaardig opgetree het teenoor swart mense. Selfs Jan Smuts wat gesien was as een van die voorste denkers uit Suid Afrika het na swart mense as “simple beings” verwys wat nooit die verantwoordelikheid gegee kan word om te stem vir ‘n regering nie. Baie van ons sal daarmee saamstem. Maar dit het ‘n sekere psige van minderwaardigheid by swart mense geskep. In Suid Afrika moes hulle die blanke mans en vrouens as baas en miesies aanspreek, omdat dit die meerderwaardigheid bevestig het. Ek is in die skool geleer dat ek as blanke kind swart mense eerste moet groet- nie omdat dit goeie maniere was nie, maar omdat die meerdere alryd eerste die mindere moet groet in swart kulture. Swart mense het ook aanvaar dat blankes superieur is met hulle tegnologie en al die res. Ek dink ons almal is nog steeds slagoffers van ons eie geskiedenis. Vanuit ‘n Christelike perspektief weet ek dat die Meester nooit aan homself as meerderwaardig gedink het met die eenvoudigste van mense nie. Ek dink ons sal groot vordering maak as ons onbekwaamheid aanspreek as menslike en nie rasse onbekwaamheid nie en rassisme as ‘n bewys van ons sondige natuur.

Zirk ·

Ernst het rassisme soos gewoonlik tot op die been oopgevlek. Dis nugterdenkend en realisties. Baie dankie. Om ook nog verstaanbaar en kunstig met woorde om te gaan, is nie vir almal beskore nie. Puik geskryf.
Wat my verstand te bowe gaan, is dat sederd 1990 se ontbanning vd ANC, is alle apartheidswette geskrap. Maar sederdien is meer as 1000 nuwe wette gepasseer om die meerderheid teen die minderheid (lees blankes), te beskerm. Is en voel hulle dan soo minderwaardig en swak en bedreig deur die minderheid dat hulle nie eens die meerderheids beginsel in ‘n demokrasie verstaan en kan toepas nie. Soos in vorige briewe van lesers ook aandui, is en voel Negers, oftewel Amerikaners van Afrika afkoms, na 300 jaar van bevryding, nog steeds minderwaardig en onmagtig. So, na my mening is dit of ‘n kultuur-ding, of ‘n gene-ding.!

Marius ·

Ek kan my nou nie uitlaat of swart minderwaardigheidsgevoel ‘n ras of geen oorsprong het nie. Dis ‘n basiese menslike swakheid om nie eienaarskap vir jou tekortkominge te wil vat nie. Dis makliker om die redes vir jou foute te deflekteer na ander. Ek handhaaf my opinie dat Afrikaners tydens die groot trek en daarna verwag het dat swart mense moet aanvaar hulle is werkers en minderwaardig, Jy ontneem nie gelykes van stemreg en hou hulle aan vir geriefsonthalwe om in jou huis en tuin te werk en bou blyplekke vir duisende naby jou werk en blyplek en hoop alles sal so bly as jy nie verwag dat hulle die mindere moet bly nie. Dis ‘n kopskuif wat ons almal moet maak maw swart en wit. Daar ontbreek ‘n basiese trots in veral swart mense, en swart rassisme is ‘n verdraaide poging om menswaardig te probeer wees, net soos wat wit rassisme meerwaardig skyn te wees. Ek is bevoorreg genoeg om trotse swart mense te ken, en hulle sien nie kritiek as ‘n aanval op hulle menswaardigheid nie. Maar ongelukkig is hulle te besig met loopbane en om by te dra tot die land se sukses, en dis aan dié mense wat ek dink as blanke mense kru rassisties is, want rassisme was nog nooit objektief of redelik nie. Goeie mense word vervreem en seergemaak deur veralgemeende stellings. Ons egos word nie bedreig as ons swart mense geheel en al as ons gelykes behandel nie. Dit spreek van selfresek.

Johannes ·

Ek sien hy was by die Black Entertainment Television se gala geleentheid. Dit op sigself is eksklusief. Ek wonder maar net of daar n’ White Entertainment TV bestaan. Of sal dit rassisties wees?

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.