Die verskil wat #ImStaying maak

‘n Hooffoto van die #ImStaying se Facebook-blad.

Deur Mercy Kannemeyer  

Met die nuwe hutsmerk, #ImStaying, wat sosiale media soos ʼn storm getref het, probeer allerlei Suid-Afrikaners stories en staaltjies deel waarom hulle kies om in die land aan te bly. Interaksie op die Facebook-blad is volop en die kommentaar loop oor van positiwiteit en aanvaarding.

Party mense op sosiale media meen ’n blad soos #ImStaying is presies wat Suid-Afrika tans nodig het. In hierdie tyd van onluste, geweld, onenigheid en verdeeldheid het ons nodig om herinner te word aan die mooi wat ook hier bestaan.

Van die stories wat op die blad gedeel word spreek van petroljoggies wat die ekstra myl sal loop vir hul klante, maar ook huiswerkers en hul werkgewers wat aktief aan hul verhoudings en samesyn werk. Die boodskap is duidelik: Al verskil ons van mekaar, kies ons om mekaar te leer ken en daarmee saam mekaar te respekteer. Verder is daar ook ’n gevoel trots wat gekweek word. Party ondersteuners van die blad het al stories gedeel van hul oorsese reise en dat hulle veel eerder kies om in Suid-Afrika te woon, ongeag ons moeilike verlede en al die uitdagings wat vandag nog bestaan weens ons geskiedenis.

Natuurlik moet ’n mens nie naïef in hierdie goeie nuus vas staar nie. Net omdat ’n groep Suid-Afrikaners besluit het hulle maak dit hul missie om hier te bly en te veg vir ons land, vat dit nie al ons probleme weg nie. Ons leef steeds in baie opsigte ongelyk. Talle voel asof die regering nie na hulle luister nie en daarom ook nie na hul behoeftes omsien nie.

Myns insiens is die doel van die blad om te midde al die chaos wat rondom ons aangaan, gesprek te begin oor redes waarom talle mense steeds lief is en lief sal bly vir die land. Hoewel emigrasie nog hoogmode is, is daar diegene wat pogings aanwend om eerder te bly as te gly. Ek blameer nie diegene wat kies om die land te verlaat nie, want die realiteit vir baie mense is dat daar beter geleenthede elders is.

Die rede waarom soveel Suid-Afrikaans aanklank vind by #ImStaying is omdat dit vir die eerste keer in ’n lang, lang tyd positiewe nuus omtrent Suid-Afrika die wêreld instuur. Die stories wat gedeel word spreek van eenheid, samesyn en aktiewe burgerskap.

mercy-kannemeyer-2019-01

Mercy Kannemeyer. Foto: Verskaf.

Die groep is gestig deur Jarette Petzer en het tot dusver meer as 170 000 ondersteuners. Die groep groei daagliks en Suid-Afrikaners van reg oor Suid-Afrika voer gesprekke met mekaar oor dit wat ons anders maak, sowel as dit wat ons in gemeen het. Dit is verblydend om te sien hoe mense byeen kan kom en saam en vir mekaar kan lag.

Ek voel weer soos wat ek gevoel het met die 2010 Wêreldbeker-sokkertoernooi. Ja, alles is nie perfek nie, maar dit voel goed. Ek hoop dat diegene wat so graag in die slegte en negatiewe vas staar ʼn bietjie by die #ImStaying-groepie kan gaan kers opsteek. Veral party lede van ons regering. Verbeel jou, as ons regering ook tot die besef kom dat Suid-Afrika vir Suid-Afrika kan werk in watter lekker land ons sal woon. Tot dan kan ’n mens maar net hoop. En aanhou luister.

  • Mercy Kannemeyer voltooi tans haar meestersgraad in drama en teaterstudies aan die Universiteit Stellenbosch.

Hierdie plasing is deur ʼn onafhanklike persoon of onderneming saamgestel. Die menings en standpunte wat in hierdie skrywe uitgespreek word, is nie noodwendig die beleid of standpunt van Maroela Media se redakteurs, direksie of aandeelhouers nie. –Red

Deel van: Meningsvormers

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

101 Kommentare

jongste oudste gewildste
Klip

Teen die tyd glo ek dat daar al meer as 500 000 mense op die groep is. Ek glo dis ‘n goeie inisiatief! Ons hoor so gereeld die negatiewe dat dit lekker is om vir ‘n slag positiewe stories ook te lees en te sien. Ek het self besluit om te bly ten spyte van teenkanting van soveel mense wat my aanpor om te gaan. Dis lekker om te sien dat daar wel mense is wat nog positief is. Ons kan nie naïef wees en vergeet van die negatiewe nie, maar die positiewe en mooi is altyd meer. Almal se… Lees meer »

KaterinaKat

Ja ne..dis nou briljant..en wanneer die Rwanda styl slagting van die blanke etnisiteit kom, wil die buiteland nie help want hulle kan nie glo dit gebeur regtig nie. Dit gaan dan so jolig en so goed hier volgens #I’mStaying. Die energie en tyd wat aan hierdie belaglike oefening spandeer word, kon beter gebruik geword het om by die regerings van ons stamlande, en baie ander lande, te smeek vir vlugtelingstatus vir ons blankes. Maar as die dag van die pangas kom, sal hul seker eers besef hoe idioties dit was om the bly terwyl hul kon ontsnap het. En om… Lees meer »

Kol

Each to their own. As jy wil waai moet jy en bly as jy wil. Maar nie ek of my familie wil n statistic wees nie. Not worth it.

Hoe Kostelik

Hoe lekker lag ek nou. Enige normale intelligente persoon weet daardie valse-vlag FB blad is ‘n desperate propaganda poging – as’t ware ‘n multikultureel-versuikerde fopspeentjie waaraan die land se babatjies kan suig sodat hulle nie moet huil nie. Die getalle sogenaamde “positiewes” wat by daardie blad aansluit weerspieël die persentasie naïewes – en dit opsigself motiveer net méér nugterdenkende mense om nie deel van só ‘n “slim” samelewing” te wees nie, naamlik deur te emigreer.

Judge Dredd

Ignorance is bliss.