Nasiebou is ʼn snaakse woord

Deur Daniel du Plessis

(Foto: Demokratiese Alliansie/da.org.za)

Die onlangse struwelinge in die DA wentel, in ʼn sekere sin, om ʼn enkele vraag: Hoe behoort die DA se strategie vir nasiebou te lyk?

Dit is interessant om te let op die prominente posisie wat hierdie idee in die politieke diskoers ingeneem het – vir baie lank het min mense gehou van die idee van “nasiebou”.

ʼn Angel-Sakser wat in 1066 gesien het hoe die Normandiërs opdaag in Brittanje – met skepe, wapens en soldate – sou kon vermoed dat nasiebou in sy nabye toekoms was. En inderdaad – na ʼn paar maande van intensiewe nasiebou op die slagveld (en, daarna, ʼn paar eeue van stadige nasiebou in paleise, parlemente en howe) – is daar nie meer Angel-Saksers of Normandiërs nie.

Nasiebou is ʼn lang proses – dit het immers tot 1998 geneem vir die Goeie Vrydag ooreenkoms om geteken te word. Daarmee saam kom die einde aan enige en alle konflik in Britse eilande. Waarskynlik. Afgesien van Brexit. En wanneer Skotland gaan loop.

In plaas van die Angele, Saksers, Kelte en talle ander is daar nou net die Engelse – en hulle, op hul beurt, het weer Suid-Afrika in 1910 geseën met ʼn bietjie stadige nasiebou van ons eie. Na die vereiste intensiewe nasiebou op die slagveld, natuurlik.

Deesdae het ons veel meer gevorderde nasiebou-tegnologie as in daardie tyd, natuurlik. Grondwette, parlemente, presidente en stemdae hanteer nou stadige nasiebou met aansienlik meer grasie as outokrasieë – en met heelwat minder onbesorgdheid vir wat die mense werklik nodig het.

En die intensiewe nasiebou? Wel, dit lyk nie meer soos die inval soos Normandië nie – maar eerder soos rasseherries in Schweizer-Reneke, hofsake in Coligny, ou vlae in die strate, Afrikaans by die universiteite en springbokke jag vir haatspraak.

In hierdie opsig is die DA se pogings om “een SA vir almal” te bou lofwaardig in soverre dit probeer hierdie konflik voorkom – maar eintlik juis net ʼn ander vorm van dieselfde ding wat die konflik in die eerste plek veroorsaak.

Dit is natuurlik nie net ʼn DA-probleem hierdie nie. In hierdie opsig is die meeste groot partye eintlik betreklik soortgelyk – in die DA se individualistiese politieke agtergrond, ANC se historiese nierassigheid.

Kon die DA en ANC dan minstens hulself suiwer van enige kulturele identiteit? Beslis nie, en dit is ook sigbaar in hoe kiesers oor hulle dink.

Die DA se filosofie en waardes kom uit ʼn gans ander wêreld as dié wat meeste swart kiesers elke dag beleef. Dít is baie duidelik uit hul pogings om daardie demografie se stemme te werf – wat op sigself ook onbestaanbaar was met hul vorige kiesers se identiteite. So ook is dit vir talle van die DA se kiesers onbegryplik hoe enigiemand vir die ANC sou kon stem. In hierdie opsig, interessant genoeg, herinner die Suid-Afrikaanse probleem eintlik aan die probleem van die onderbewussyn in die sielkunde.

Freud se reusedeurbraak was die ontdekking dat jou gedrag op subtiele maniere beïnvloed word deur ʼn deel van jouself wat buite jou eie beheer was.

Vinnig het daar twee denkstrome ontstaan. Freud self het geglo dat hierdie onderbewuste invloede onderdruk en verwerp moet word om beskaafd te word.

Daarenteen het Jung, sy student, geglo dat ons juis ons onsself moet ken om goeie burgers te wees. Wanneer ons eerlik is oor ons gebreke, foute, voorkeure, drome en nagmerries – eers dán is dit moontlik om met ander mense saam te leef.

  • Daniel du Plessis is ’n regsontleder by Sakeliga, ’n onafhanklike sakegemeenskap.
Hierdie nuuskommentaar word deur Pretoria FM verskaf. Luister daagliks na Klankkoerant op Pretoria FM vir die jongste nuuskommentaar.

Hierdie plasing is deur ʼn onafhanklike persoon of onderneming saamgestel. Die menings en standpunte wat in hierdie skrywe uitgespreek word, is nie noodwendig die beleid of standpunt van Maroela Media se redakteurs, direksie of aandeelhouers nie. –Red

Deel van: Meningsvormers

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

16 Kommentare

Jack Klok ·

Jy kan nie iets ingewikkeld bou as die bestandele van jou resep nie verenigbaar is nie. Sekere bestandele gaan net nie saam nie. Die sig, smaak, tas en reuk sintuie verwerp sekere kombinasies van voedsel, smaak en geurmiddels. Gal bitter saam met vanilla roomys lê nie lekker op die tong nie. Mens roer nie duiwelsdrek in jou koffie om dit soet te maak nie. Die bestanddele in Seffrica is net TE verskillend om ‘n nasie mee te bou.

Yster en klei heg nie aan mekaar nie.

Nasie en Bou ·

…. is twee woordjies wat nie op SA van toepassing is nie.

gatiep ·

VF+ is klaar besig om regte party op te bou.
N nie rasgedrewe party vir al die klein nasies in SA.As hulle so aangaan sal hulle slaag.
DA is n party vir die nasie wat in die meerderheid is.

Kallie ·

Totdat die leierskap uit swart mense bestaan, dan breek VF- weg.

Spinasie en bou ·

….is twee glibberige woordjies wat nie op die land ban toepassing is nie.

Petrus ·

En die meerderheid sal ‘n klomp wit Afrikanermans slaafs volg? Dink nie so nie. Daai tyd is finaal verby.

John ·

Oooh, dis ‘n snaakse een… Probeer die VF Plus nou ‘n NP Lite stig? Hoekom droom ons Afrikaners altoos dat dinge beter sal gaan as ‘n wit oom weer terug is in die top job en dan nooi hulle almal om saaaaam te nasiebou. Wat gaan anders loop? Al wis ons wit en swart uit met ‘n mulatto-menigte, gaan die army nie genoe gewere hè om die beswyndes en fighters en gommies uitmekaar te hou nie. Wie is die naaste en hoekom?

andre ·

“Hoë heinings verseker goeie buurmanskap!”

Daarom moet ons mekaar genoeg ruimte gee ten einde die vrede te bewaar.

Een nasie ? NOOIT!

Jimmy ·

Baie wapens verseker goeie buurmanskap. Bly weg van my af en ek bly weg jou af.

Jan ·

Nasie bou vir wat? Ek is deel van ń nasie wat klaar gebou is, die Afrikanernasie.

Janna ·

Mooi gestel Jack Klok. Soos water en olie , sal nie werk nie.

Feite ·

Ons is almal Suid Afrikaners, wit, swart, bruin en indier en geskape na die beeld van ons Skepper. Ons moet mekaar se kulture en gelowe verstaan en respekteer en verdraagsaam daarteenoor wees en nie mekaar se kulture en geloof op mekaar probeer afdwing nie. Ons diversiteit wat weerspieel word in die samelewing moet ook weerspieel word in regering waar elke groep verteenwoordiging het en een groep nie alleen oor almal regeer nie, maar waar almal saam regeer. Indien dit haalbaar is, dan sal nasiebou werk soos wat dit die geval in westerse demokrasiee is. Hierdie is egter SA waar hierdie konsep nie haalbaar is nie agv die ideologiese siening van die meerderheid wat slegs regeer vir diegene wie tot die marxistiese pan afrikanistiese, kommunistiese en sosialistiese ideologiee verbind is. Enige ander ideologiee is n bedreiging vir die pan afrikanistiese en sosialistiese ideologie en sal tot in der ewigheid nie aanvaar of gerespekteer word nie. Daarom is SA se vooruitsigte vir nasiebou onder een ideologie puik, maar onder verskillende ideologiee, n nagmerrie. Die denke van die meerderheid is dus om alle teenstrydige denke en ideologiee te vernietig voordat nasiebou kan begin. Sterkte aan alle mede Suid Afrikaners wie reken dat nasiebou moontlik is in SA onder ideologiee wat mekaar loodreg opponeer!

Kallie ·

Laat my dink aan wat my sersant in die army gesê:Troepe, ons gaan julle breek en weer van vooraf bou. Wel, dit was toe nie so eenvoudig nie.

Petrus ·

Na die rugby drama in Japan is die Steve ondersteuners hier nou mal oor die nuwe SA en wil net die nasie bou. Die VF+ moet praat. Negatiewes word nou skoon oorsee verban. Maar nou ja, dis seker maar die drankies wat praat. Afrikaners sal nooit leer nie…

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.