Dr. Dirk Hermann, die bestuurshoof van die vakbond Solidariteit.. (Foto: Maroela Media)
ʼn Vlagherrie het Suid-Afrika getref. Die Oranje-Blanje-Blou is verbied. Selfs ʼn vlaggie op jou lessenaar by die huis is haatspraak.
Die vertoon van die vlag is nie net haatspraak nie, maar ook diskriminasie en teistering. Die howe het gepraat; regspraak is geskep.
Die vlag word nou gereguleer. Daar is ʼn duidelike reg en verkeerd. As jy dit durf oortree, is jy skuldig aan haatspraak en in Ernst Roets se geval, moet hy volgens die Nelson Mandela-stigting sommer tronkstraf vir minagting kry.
Vir die afgelope 20 jaar al sien ek bykans nooit enige ou Suid-Afrikaanse vlae by openbare geleenthede nie. Net vir ʼn kort rukkie ná 1994 is ou Suid-Afrikaanse vlae nog by rugbywedstryde gesien, maar daarna het dit verdwyn. Hier en daar sal jy soms nog ʼn verlore vlag sien. Die Swart Maandag-vlae wat aanleiding gegee het tot die Nelson Mandela-stigting se hofsaak was, ironies, fopnuus.
Die gemeenskap het die vlagkwessie op ʼn besonder volwasse manier hanteer. Daar was begrip vir die sensitiwiteit oor die vlag en hoe ander Suid-Afrikaners oor die vlag voel. Die vlag was nie verbied nie en dit was nie nodig nie, want Suid-Afrikaners het self besluit om dit nie te vertoon nie. Die hantering van die ou Suid-Afrikaanse vlag was ʼn mooi storie van gemeenskapsvolwassenheid.
Gemeenskappe en samelewings wat waarlik vry is, is eerder dié waar vlae en idees nie verbied hoef te word nie en waar gemeenskappe met eerbied teenoor mekaar se simbole en geskiedenis omgaan. Dit is waar alle idees, ook die slegtes, toegelaat word om met mekaar mee te ding – sodat ʼn gemeenskap self kan besluit watter idees hulle wil uitbou en watter hulle wil uitgooi.
Wêreldwyd is dit ʼn steurende tendens wanneer regerings begin om vlae, en as uitvloeisel daarvan dus ook idees, te verbied. Dit dui op ʼn regering wat onwillig is om in die stryd om idees mee te ding en om eerder net alle opposisie te verbied.
ʼn Mens sien dit vandag nog uitspeel in China waar die vlag van Tibet verbied word. Soos in die geval van alle idees bly dit nooit net by ʼn vlag nie en kan jy in Tibet tronk toe gaan as jy na ongewenste liedjies luister of foto’s van die Dalai Lama besit. Uiteindelik kan ʼn regering nie voorbly om simbole en idees te verbied nie en eindig jy by die absurditeit van ʼn China wat prentjies van Winnie the Pooh verbied.
Anders as wat regter Mojapelo se hofuitspraak wil voorhou, dra vlae en simbole in die regte wêreld feitlik altyd meer as een betekenis. Deur te stel dat ʼn simbool se betekenis gebaseer moet word op wat die meerderheid aanstootlik sou vind, word uiters gevaarlike terrein betree. Prakties het regter Mojapelo nie ʼn vlag verbied nie; hy het meningsverskil met die meerderheid verbied.
Vir baie Suid-Afrikaners het die vlag ʼn spesifieke betekenis. Hulle sien die vlag as ʼn simbool van oorheersing, pyn en vernedering. Hierdie belewenis van hulle is werklik en dit moet verstaan word.
Suid-Afrikaners het hierdie botsende belewenisse op ʼn natuurlike manier hanteer. Hulle het swart Suid-Afrikaners se gevoelens verstaan, baie meer as waarvoor erkenning gegee word. Daar is self besluit om die vlag eerder weg te bêre. Dit was ʼn wyse gemeenskap wat so opgetree het. Diegene wat steeds demonstratief met die vlag omgegaan het, het teen hierdie natuurlike gemeenskapsnorm ingegaan. Hulle was die uitsondering en het uitgestaan. So het die gemeenskap self besluit om die potensiële konflik te ontlont en het vrywillig deelgeneem aan ʼn groter gesprek rondom versoening.
Die Nelson Mandela-stigting besluit toe om hierdie gemeenskapsnorm te ontwrig. Hulle wil die vlag verbied. Die hof moet nou duidelikheid daaroor gee. Die gemeenskap moet van bo af gereguleer word. Hulle wat die norm oortree het, moenie uitstaan nie, maar gestraf word. Hulle ontneem die gemeenskap van die reg om self te besluit. ʼn Hoër gesag moet sentraal bepaal. Die dag toe die hof ʼn beslissing maak, is ʼn stuk vryheid om self te kan besluit van die gemeenskap weggeneem. Daar word selfs sentraal besluit wat in jou huis mag wees.
Bitter min mense het vlae in die huis, maar die talle wat dit nie het nie, wil self kan besluit dat hulle nie die vlag in die huis wil hê nie.
Die gemeenskap se eie besluit om die vlag weg te bêre, is opgehef en dit skep onmiddellik spanning. Die vlae word weer simbolies uit die kas gehaal en veral op sosiale media vertoon – hierdie keer as ʼn simbool van vryheid van spraak teen ʼn regering wat sy burgers soos kinders hanteer en vir hulle wil voorskryf wat hulle moet sê en dink. Die vlag wat verbied is, ontketen skielik weerstand teen ʼn regering wat sy mag tot aan die binnekant van sy burgers se huise wil laat strek. Diegene wat die vlag demonstratief vertoon, is nie meer randeiers nie, maar word skielik martelaars. Die vlag lewe weer en herinnerings aan die vlag word weer opgeroep.
Daar is ʼn fyn lyn tussen ʼn vlag wat aanstoot gee en jy wat aanstoot gee; tussen ʼn vlag wat ʼn onderdrukkende stelsel simboliseer en jy wat ʼn onderdrukkende stelsel is.
Die vlag is weg, maar jy is nog hier…
Afrikaners voel tereg die uitspraak staan nie in isolasie nie, maar is deel van ʼn groter boelieproses: Lesufi en skole; Afrikaans wat op universiteite afgeskaf word; die absolute rassekwotas van Sasol en andere; die dubbele standaarde wat ten opsigte van rassisme geld; die wettige en onwettige verwoesting van kultuurerfenis is alles deel van die agtergrond waarteen die vlagsage afspeel.
Dit is ironies dat dit die Nelson Mandela-stigting is wat hierdie spanning in die gemeenskap ingedra het – hulle wat die nalatenskap van Mandela moet beskerm, het die vrywillige gemeenskapsooreenkoms verbreek. In die aanloop tot die hofsaak het AfriForum ʼn lang, omvattende brief aan die stigting geskryf waarin hulle gevra het dat die kwessie eerder deur gesonde dialoog opgelos word.
Die Mandela-stigting het in ’n kort, koue regsbrief die voorstel vir dialoog verwerp.
Die hof moet spreek. ʼn Antwoord moet van bo af kom. Die Nelson Mandela-stigting se manier van doen moet in ʼn groter konteks gesien word, dié van ʼn staat wat meer wil sentraliseer, van Suid-Afrika wat meer totalitêr word.
Diegene wat kraai van lekkerkry oor die hof wat ingryp om die vlag te verbied, moenie te veel kla as daar vir hulle besluit word waar hul pensioen belê moet word, of in watter hospitaal hulle mag lê, waar hul kinders mag skoolgaan of wat die inhoud van kurrikulums moet wees nie. Die joernaliste wat nie hul vreugde kan wegsteek oor die vlag wat verbied is nie, moet verstaan ʼn totalitêre besluit oor wat gewys mag word, is ʼn katspoegie weg van ʼn totalitêre besluit oor wat geskryf mag word. Tronkstraf oor wat jy sê of wys, en tronkstraf oor wat jy skryf, is nie ver van mekaar verwyder nie. Die vlagdebakel gaan nie bloot oor vryheid van spraak nie, maar oor vryheid.
In die afgelope 25 jaar het ek ook nooit die ou Suid-Afrikaanse vlag vertoon nie. Ek het ook nie ʼn behoefte daaraan gehad nie. Ek en ander Afrikaners verstaan en erken die groter konteks van die land, wat insluit historiese pyn en vernedering vanuit ons eie geskiedenis. Die afgelope week het ek my egter gevang dat ek neurie: “Ons Oranje, Blanje, Blou.”
Hierdie geboeliery van die anc oor my vlag het my nou aagemoedig om wel my vlag uit te haal.
Hulle het nou veroorsaak dat iets ‘onwettigs’ met rasse skrede gaan groei
Hulle het hulself in die voet geskiet!
So ek gaan in die publiek oranje blanje blou klere dra en my 4 kleur wapper.
Binne my huis sal my oranje blanje blou wapper… die vlag wat ek respeteer en mee grootgeword het .
Doodkry is min!
Wat sal bv. gebeur as iemand die ontvangslokaal van n besigheid versier in oranje, wit en blou, of as ons so begin aantrek? Dis nie die vlag nie, maar wel die kleure van die vlag wat op kreatiewe wyses uitgebeeld word. Sal dit ook haatspraak wees?
Nee, behalwe as jy dalk iets daar op skryf wat aantoon dat dit die ou vlag verteenwoordig. Dan sal jy die ou vlag by implikasie vertoon.
Niks sal gebeur nie n paar leë koppe sal jou miskien aanvat op sosiale netwerke, net soos met die tolhek kwessie, Escom,poskantoor noem maar op as die anc betrokke is moet jy weet dit is n flop.
Aineeman. moenie krap waar dit nie heuk nie. Mense soos jy wat dit moeilik maak vir ander. Dit is nie noodwendig goed of sleg om van ander mense te hou nie maar om in vrede met almal rondom jou te leef is baie belangrik.
Puik geskryf. My hart stem volkome saam jou. Ek was 10 in 1994. Ek ken en onthou amper net die nuwe vlag – die nuwe landslied. En het nog nooit enige negatiewe gedagtes daaroor gehad nie. Maar die manier wat alles beheer word – die manier hoe hulle mens forseer in ‘n rigting – laat my rebels voel. Laat my voel die ‘vrede’ is ‘n illusie. Dat ek vir te lank net aanvaar het. Hierdie is lankal nie meer ‘n demokrasie nie.
My destydse hoof meisie balkie wat ek by die skool ontvang het..het oa die vlag op….moet ek vergeet van my erkenning en dit met hammer op kap. Want as iemand dit in my besit kry is ek teen die wet? Verstaan ek dan reg volgens die wet het ek dan nie ‘n verlede nie…en moet dit nie met my kinders deel deur self voorbeeld te stel soos in die jaar van hoof meisie nie…die Regtes en Waardes wat ek toe gehad het oornag verander dat ek self nou moet wonder wie ek is? Of wil die regering net graag he ek moet so dink…dis reg dit gaan nie net oor ‘n vlag nie!!
Ek sal nie dat n korrupte regering vir my voorskryf wat om te doen nie
Ek sal nie eens dat n eerlike regering aan my voorskryf nie. Selfs al het ek in n volkstaat gebly, sal ek nog steeds nie 100% wetsgehoorsaam wees nie.
Ek wat nog nooit enige gevoel vir of teen enige een van die twee vlae gehad het nie, het my oranje blanje blou uit ‘n ver weg gebere boks gaan grou en hy hang nou in my tv kamer! net omdat ek soos Dirk voel dat ons die reg het om SELF te besluit! Wanneer die regering my huis vir my betaal kan hulle my vertel wat ek in my huis mag vertoon.
Gaan dit net oor die liberale konsep van vryheid van spraak of oor ‘n volk wat weer begin ontwaak? Baie mense dink laasgenoemde, maar mnr Roets het self in die ENCA-onderhoud gesê dat die vlag vir hom niks beteken nie. Dis ‘n verwarrende boodskap van iemand wat as leier in die saak gesien word.
RIP Suid Afrika!
N mooi oranje top wit belt en n blou denim,,,,,dink ek gaan so begin aantrek ,dink net hoe mooi sal ons volk uitstaan…..Vir my land ,my Volk..vir my God
Wat se die Regskenners kan daar geappelleer word teen die beslissing ?
Enigeen kan ‘n aansoek om Appel bring, of dit toegestaan gaan word is ‘n ander saak. Afriforum en VF+ voel sterk oor die saak so sal interessant wees om te sien of hulle wel gaan aansoek doen.
Wat is die implikasie met die Nederlandse Prins van Oranje se Prinsenvlag (“oranje blanje bleu”) van die 1700’s. Die ou SA vlag se kleure is identies met net die byvoeging van die drie vlaggies in die middel? Die Prinsenvlag sonder die binneste vlaggies mag tog sekerlik vertoon word. Gaan enige van die geregsdienaars en algemene publiek weet wat die verskil is en jou in die moeilikheid gaan laat beland? Hier kom nonsies!
Die landsvlag is verbied, nie die prinsevlag nie. Ek hou persoonlik meer van die prinsevlag. ek sal dit as alternatief gebruik.
Ek wonder onwillikeurig, wat gebeur met die vrou of kinders wat n vader in die oorlog afgestaan het, wat slegs die opgevoude vlag waarmee hul eggenoot of vader se kis mee bedek was ontvang het voor hul hom begrawe het? Sluit dit selfs die ere erkenning in?
So waar wat jy sê!
Ek wil in elk geval nie die huidige SA vereenselwig met daardie pragtige vlag nie!
My hart wil lees dat dit oor Afrikaner-vryheid gaan, maar my oë lees dat dit blykbaar net oor vryheid-van-spraak gaan? Ek wonder of ek dr Hermann en vir mnr Roets reg verstaan? Dis bedrewe manne in die politiek, dus sal ek maar eers terugsit en probeer sien waar ek die ding dalk nie reg lees nie.
Gedurende 1979 het die SA regering die gebied waar my ouers se huis op gestaan het as ‘n buffer gebied verklaar, die erwe is verklaar besigheids erwe en niemand mag meer in die huise gewoon het nie. My ouers het 14 dae kennis gekry om uit die huis te wees en toe ons as kinders van die koshuis af kom het ons net daardie dag tyd gehad om te pak en vriende te groet. Die trek voertuig het in die straat gestaan, gereed om ons meubels te laai.
Binne 14 dae het ons hervestig na ‘n ander dorp, ander provinsie.
Nou wat het dit met die SA vlag te doen, ek kan ook nou sit en kibbel oor al die negatiwe goed wat on ervaar het onder die SA vlag, belasting, diensplig, gedwonge verskuiwing. Nee ek gaan nie daaroor kla, hierdie slegte ervarings is omskep na geleenthede, ons het verhuis nuwe vriende gemaak, ons kinders het groot geword, begin werk. My diensplig was puik, dit het my ‘n man gemaak. Die ou SA vlag het vir my niks te doen met onderdrukking, eerder ‘n uitbeelding van die saamstaan en voortbou va ons land.
Ek gaan ook nie dat n regering wat wetgewing bekragtig om my kinders te verdruk en teen te diskrimineer aan my voorskryf wat mag of nie mag doen nie mandela het gesê nooit weer sal een groep n ander verdruk nie na 25 jaar se agteruitgang dink ek my vlag is die minste van die klomp se probleme.
Jul kan ons vlag verander/verbied, jul kan die straat name verander, jul kan die provinsies se name verander, jul kan afrikaans afskryf, BELANGRIKSTE VAN ALS” jul kan GOD uit skole, vergaderings, parlement ens verban, M.A.A.R JUL KAN NIE ONS GEDAGTES VERANDER NIE. HA HA HA
Is die tyd nie ook juis reg om oor die teleurstellings onder die nuwe simbole te begin gesels nie. In so gesprek kan wit en swart deelneem
Wat die ANC lyk my nog nie lekker verstaan nie is dat dit die beste manier is om mense te kry om nie te vergeet nie, is om iets te verbied. Die ANC was verban en hulle het bly groei. Daar is hordes voorbeelde hiervan wêreldwyd. Hierdie hofuitspraak gaan die NMS nog kom byt.
Hoekom het jou ouers nie die wapen opgeneem en geveg nie? Nou is dit te laat, blameer eerder jou ouers.
Wat het nou alles onder die nuwe simbole gebeur?
Dat daar n aanslag op die vryheid van die Afrikaner is, is gewis. Dat Solidariteit/Afriforum dit doelbewus uitlok en vererger ten einde die Afrikaner te isoleer by Solidariteit/Afriforum se selfbeskikking as kwansuis die enigste heenkome, dis ook gewis! Dat dit wit en swart net nog verder verdeel en haat teenoor mekaar aanblaas en dat onskuldige mense in die proses te na gekom word en getraumatiseerd raak, dis Virseker. Dat Afriforum/Solidariteit net soos die ANC/eff snaakse politieke rasmotiewe het, dis gewis! Dat Solidariteit/Afriforum se bestaansreg van die onregte teen die Afrikaner afhang, dis Virseker! Dat Solidariteit/Afriforum projekbestuurders agter die kwesbare Afrikaner skuil wie die aanslag moet verduur, dis Virseker!
Jerry jy het hulp nodig.
Jerry dit lyk vir my jy loop met oogklappe aan. Hierdie vlag verbied is deel van die ideologie om alles wat ons vermag het aan te val en uit te wis. BEE, transformasie, dubbelmedium skole, naamsverandering van dorpe en strate . Jou sienswyse is dieselfde soos wat in Zimbabwe gebeur het. Moenie teenkanting bied nie, gee sommer oor en aĺles weg en miskien sien niemand jou raak nie. Maak jou oë oop en kyk wat is aan die gebeur
Daar moet nie na haatspraak en misdade teen die mensdom in ou vlae gesoek word nie, maar in vertoë om sulke simbole in te perk, want dit is waar totalitarisme begin.
ek het n vlag as ek dit in my huis hang wat het dit met eiemand anders te doen dit is my huis en ek nooit mense in om daar te kom en as daar mense is wat dit nie van hou nie dan hoef hulle nie in my huis te kom nie
Die MS het dit eintlik goed uitgespel: “die verbanning van die vlag was vir baie Sa’ners ‘n oorwinning om te vier en Ernst het dit ruïneer”. Wanneer mens ‘n land in die grond in regeer en jou ondersteuners niks meer kan vind om oor te “Viva Amandla” nie, wat bly oor. Verander name van enigiets deur opposisie gebou en verban ‘n vlag.
Ek is nie net besig om my flag uit tehaal om te vertoon nie maar ek stof solank “longtom” af. Niemand krap aan my vryheid nie. Niemand nie!
Wereldwyd het nasies trots in hulle vlag. Ek het trots in oranje, blanje, blou, maar die populisme maak my tot rassis en nou krimineel as ek dit vertoon.
Ons nuwe vlag is ‘n skande, toonbeeld van korrupsie, wit-diskriminasie, en so kan ons aangaan.
Wat Dirk Hermann, Ernst Roets, en al die kommentare hierbo, skynbaar nie kan of wil insien, of wil waag om reguit en openlik te sê nie, is dat hierdie vlaginsident niks anders is as rou, naakte, blinde rasse- en AfrikanerHAAT nie! En as sulks dus blatante RASSISME! Dis niks anders as ‘n rasse-kwessie nie, en hoe gouer dit ingesien en erken word, hoe beter vir almal. Geen Nelson Mandelastigting, of geen ANC sal ooit kan bereik wat onder die Oranje Blanje Blou van Dr Verwoerd bereik is nie: ekonomiese orde, vrede, internasionaal-instromende beleggings, feitlik geen werkloosheid, rasse-respek, minder as 2% inflasie, groeikoerse van by die 8%, om maar enkeles te noem. Wat die Blankes, die Afrikaners in die land reggekry het, sal die ANC en kie NOOIT KAN regkry nie; wat ons gehad het, sal hulle NOOIT kan lewer nie. Wat hulle het, wil ons nie hê nie. Nou sê hulle die ou vlag maak mense “seer”? Vergeet hulle hoe HULLE mense seermaak met hulle verbod op die ou vlag? Of is seermaak hulle prerogatief?
Viva Janneman, VIVA!!
100% korrek.
Ek stem. Viva
Baqie dankie vir uitstekende ontleding van situasie Dr.Dirk Herman.
Baie danie Solidariteit/AfriForum dat julle onvermoeid op talle terreine vir ons saak en vir almal in die land se belange voortveg teen alles wat verkeerd loop.
Almal wat eerlik is sal moet erkenning gee vir alles wat tot stand gebring is in hierdie land onder die ou SA vlag.
Onder daardie vlag het ek en duisende ander Grensdiens gedoen en baie het die hoogste prys betaal – en ons weet waarom ons daar was en het met trots daardie vlag gesalueer.
In my hart sal ek altyd voor daardie vlag op aandag staan en met trots Die Vlaglied sing.
Ek weet van baie jongmense wat wat ook nog dieselfde trots ervaar.
Toe hulle nie kon stem nie, is lewens opgeoffer om te kan stem. Noudat hulle kan stem, bly mijoene weg en stem nie! Die ou vlag word nou gehaat, oor n paar jaar word die nuwe vlag verbrand! n Vlag gee jou nie werk nie, maak jou nie ryk nie en maak nie jou maag vol nie! Zimbabwe het dit bewys !
Volgende ronde:
Gedeeltes van Die Stem moet uit volkslied verwyder word.
Lekker!
Eendag op ‘n reëndag, sal daar ‘n geween en gekners van tande wees.
Genoeg is nou baie naby aan heeltemal genoeg!
Ag tog! Bou n dekselse brug!! Skool jare is verby. Word tog net vir n slag groot en haal die whe-la-Ka-pe-la uit die lewe.
Doen aan ander wat jy self aan jou gedoen wil hê!
Hoe kan ons vergeet Jax. Was jy dalk soos ek verplig om op 18 aan te meld vir diensplig. Nog jonk en het nog nie eers geweet hoe om skuld te maak nie. Ek kan beslis nie vergeet nie. Dink wat jy sê. Ons wat jonk oogeroep is weermag toe het ñ prys betaal.
Dit wil vir my voorkom of die ANC-Regbank besig is om reg te kry wat die vorige bestel nie kon regkry vir baie jare …………. hulle is besig om ‘n deel van ons gemeenskap te verenig, nie oor die besluit oor die vertoon van ‘n vlag nie, maar om emosies in ons wakker te maak wat baie lank sluimerend was. Doen so voort!!!! Dit werk uitstekend!!! My Afrikaner hart is besig om al hoe warmer te klop om self ‘n bydrae te maak, wat ek dalk andersins nie sou gedoen het as die regering van die dag nie gekrap het waar dit nie jeuk nie. Ek voorsien dat daar ‘n deel van ons gemeenskap gaan uitstyg bo ons omstandighede deur te bou en nie te vernietig nie. Sela
GEEN kommentator / verteenwoordiger / ondersteuner van die huidige bestel kan enige iets se oor die ou vlag (situasie), alvorens hulle nie in gelyke mate die nuwe bestel ook aanval vir dieselfde redes – wetlike diskriminasie op grond van velkleur.
Ek dink alles wat gesê kan word is gedoen en ek sal net byvoeg dat die regering geen reg het oor wat ek in my eie huis doen nie. Ek het uit die staanspoor gesê die agbare regter was verkeerd. En toe ek so na hom luister toe wonder ek wie het daardie uitspraak geskryf want hy het geklink of hy dit vir die eerste keer onder die oog kry
So jy reken jy kan maar ‘n moord pleeg in jou huis en dis oukei omdat dit jou huis is en jy maak daarbinne wat jy wil.
Ek dink nie dit is wat bedoel word nie. Daar word eintlik bedoel, wat jy aantrek in jou huis. Die kos wat jy maak en eet. Die tv programme wat jy kyk. Dit is privaat. Dir is jou huis. Natuuelik bedoel die persone nie moord nie. Hulle bedoel, van wanneer af het ons ñ regering nodig om vir ons te sê, watter kleur moet ons huis wees. Die reg om sekere dinge in jou huis te doen. Jy moet veilig voel in jou huis. Jy betaal of het immers jou huis afbetaal.
Waar het mojapelo sy regskennis vandaan gekry? Daar blyk ‘n definitiewe verskil bestaan tussen die nuwe, kwota aangestelde regters en die bestaande regters se uitsprake kom Hoofsaaklik word afrikaans sprekende blankes se sake word aan kwota regters verwys
Wat het van cele se ontwapenings beleid geword? Nog ‘n kwota regter se beslising?
Ja my vlag wapper in my huis
Ek sien baaaaaie keyboard warriors hier!
Vryheid van spraak.
Ek stem Koos. Die hele parlement sal rekening voor ons Heilige God moet gee en verantwoording doen vir al die moorde en chaos. Hulle weet dit nog net nie. Hulle dink hulle is onaantasbaar. Ek het nuus vir julle ANC, EFF, BLF.