Polisienalatigheid by plaasmoorde dra by tot die probleem

plaasmoorde-afriforum-jeug20 Februarie 2012 het begin as ʼn gewone dag in die lewens van David en Bernadette Hall. Die Halls was besig om beeste op hul plaas, Buffelshoek naby Fochville te melk. Daar is hulle deur vyf aanvallers oorrompel.

Bernadette is vasgebind en met ʼn stomp voorwerp aangerand. David was minder gelukkig. Na ’n vuisgeveg met die rowers, wat net te veel vir hom was, was hy uiteindelik op sy knieë. Die grasperk buite die melkery is waar David sy laaste oomblikke beleef het.

Die gemeenskap was opgesweep en lt.genl. Zukisa Mbombo, polisiekommissaris in Noordwes, het gesê dat die polisie nie hulle soektog sal staak voor die verdagtes agter tralies is nie.

“Hy gaan nooit die voorreg hê om terug te staan en te sien wat hy met sy lewe gedoen het nie,” het Bernadette hierdie week by die Suid-Afrikaanse Menseregtekommissie (MRK) oor David gesê. “Hy gaan nie sien hoe sy kinders eendag trou nie en hy gaan nooit sy kleinkinders ontmoet nie.”

Wat erger is, is die feit dat die aanvallers steeds op vrye voet is en dat Bernadette hulle van tyd tot tyd sien. Die saak is nie deeglik ondersoek nie. Verskeie forensiese bewysstukke, waaronder ’n baadjie, sigaretstompies en die kabels waarmee Bernadette vasgebind was, is op die toneel gevind. Aanvanklik het die polisie dit nie gekonfiskeer nie, totdat hulle deur boere in die gemeenskap daaroor gekonfronteer is. Nie dat dit gehelp het nie …

Die aanvallers is vasgekeer en het in die hof verskyn. Daar kon die staat egter nie ’n saak teen hulle bewys nie, omdat daar nie bewyse teen hulle was nie. Niemand weet nou wat geword het van die bewysstukke wat op die toneel gevind is nie. Feitlik die enigste bewyse wat daar teen die aanvallers was, was die feit dat Bernadette hulle tydens ʼn uitkenningsparade uitgeken het. “Ek was daar. Ek het gesien hoe hulle my man vermoor. Ek weet wie hulle is,” het sy later gesê.” Die Halls se voertuig, waarmee die aanvallers gevlug het, is ook gevind, maar geen vingerafdrukke is op die voertuig geneem nie.

Uiteindelik is die saak nie uitgestel nie, maar die aanvallers is onskuldig bevind. As gevolg van die regsbeginsel autrefois acquit kan hierdie aanvallers ook nooit weer van dieselfde misdaad aangekla word nie, selfs al sou die bewysstukke skielik verskyn.

“Ek is soos ʼn krimineel behandel tydens die hofsaak. Dit was baie traumaties,” het sy verduidelik. Haar regte as slagoffer is nooit aan haar verduidelik nie. Niemand het haar gehelp om vir die verhoor voor te berei nie en in die hof is sy erg deur die aanvallers se regsverteenwoordigers aangeval en verneder.

Maar Bernadette is steeds op die plaas. “Waarom trek jy nie dorp toe nie?” vra een van die menseregtekommissarisse haar. “Om te boer is in my bloed,” antwoord sy. “Sedert ek ʼn klein dogtertjie was, het ek vir my ouers gesê ek wil ʼn boervrou word. Daar is niks wat die reuk van die reën en grond op die plaas kan vervang nie. ʼn Mens besluit nie eendag dat jy wil boer nie. Boere word gebore, nie gemaak nie.” En dan die dramatiese stelling: “Ek sal eerder op die plaas bly en vermoor word as om in die dorp te bly. Ek sal dit nie oorleef nie.”

Vandag is Bernadette aktief by AfriForum se veldtog teen plaasaanvalle betrokke. Sy ondersteun dit nie net nie, maar neem ook inisiatief en reël ook aksies van haar eie.

Dit is egter duidelik dat die polisie nie die enigste sondebokke in die stryd teen plaasmoorde is nie, maar dat die vervolgingsgesag net so skuldig is. Die MRK was erg deur Bernadette se verhaal gegrief. Sy is egter nie ’n uitsondering nie. Byna elkeen van die slagoffers met wie AfriForum in verbinding is, kla dat hulle sake nie opgevolg word nie, dat lêers en bewysstukke verdwyn, dat ondersoekbeamptes nie hulle fone antwoord of terugskakel nie en dat slagoffers soos misdadigers in die hof behandel word.

AfriForum het onderneem om ’n aanvullende verslag in hierdie verband aan die MRK voor te lê.

Hierdie plasing is deur ʼn onafhanklike persoon of onderneming saamgestel. Die menings en standpunte wat in hierdie skrywe uitgespreek word, is nie noodwendig die beleid of standpunt van Maroela Media se redakteurs, direksie of aandeelhouers nie. –Red

Ernst Roets

Meer oor die skrywer: Ernst Roets

Ernst Roets is die Adjunk-Uitvoerende hoof van Afriforum.

Deel van: Meningsvormers

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

17 Kommentare

jongste oudste gewildste
Marieta Pretorius

Kan berigte soos hierdie in Engels ook geplaas word sodat dit maklik gedeel kan word met buitelandse facebook vriende. Baie dankie, ek hoop dit is moontlik! Groete.

Marieta Pretorius

Kan berigte soos hierdie in Engels ook geplaas word sodat dit maklik gedeel kan word met buitelandse facebook vriende. Baie dankie, ek hoop dit is moontlik! Groete.

KG Peiper

Ek sal so nie ligtelik wees as om die polisie te beskuldig van nalatigheid nie… dis veel erger. Dis meer ‘n traak my nie agtige roekeloosheid wat hulle inneem in verband met misdaad wat wit mense affekteer. Gaan basies na enige ppolisie stasie toe van Sandton na Vanzylsrus en vra hulp met enige iets van ‘n motorbotsing aanmeld tot vuurwapen lisensie aansoek… dis asof hulle jou ‘n guns bewys om net jou bestaan te erken. Daar mag dalk uitsonderings wees waarvan mense kan getuig mmaar dit sal eerder individuele polisie beamptes wees wat in ‘n see van roekelose onverantwoordelikheid poog… Lees meer »

KG Peiper

Ek sal so nie ligtelik wees as om die polisie te beskuldig van nalatigheid nie… dis veel erger. Dis meer ‘n traak my nie agtige roekeloosheid wat hulle inneem in verband met misdaad wat wit mense affekteer. Gaan basies na enige ppolisie stasie toe van Sandton na Vanzylsrus en vra hulp met enige iets van ‘n motorbotsing aanmeld tot vuurwapen lisensie aansoek… dis asof hulle jou ‘n guns bewys om net jou bestaan te erken. Daar mag dalk uitsonderings wees waarvan mense kan getuig mmaar dit sal eerder individuele polisie beamptes wees wat in ‘n see van roekelose onverantwoordelikheid poog… Lees meer »

Sannie Wiese

Ek sal dink dat hulle ook die skuld dra vir die plaas moorde. Mens hoor baie min dat die aanvallers gevind is. En baie van die moorde hoor mens vorentoe niks. Is net nog n nommer im by die plaas moorde te voeg. Ek wonder waar sal hul kos op hul tafels vandaan kom as daar nie boere is nie. Die ander kleuriges stel nie belang om te boer nie. Dit sal gaan soos in Zimbabwe. Hongersnood. Dit is wat sal gebeur met SA. Wou maar net my mening lig. Ons wordbmoeg