Waarskuwings uit Afrika: as jy ‘n minderheid word in jou eie land

Steve-Hofmeyr-en-AG-Visser-featured

Steve Hofmeyr

Steve Hofmeyr was die afgelope week in Nederland om toesprake te lewer in Den Haag en Antwerpen in Nederland oor die Toekoms van Afrikaners in Suid-Afrika. Hiermee sy terugvoer.

Wat kan mens doen met net 48 uur in Europa. Met ander woorde, geen tyd vir inkopies nie – wat fataal is as jy jou onderklere vergeet het. Maar ware diplomatieke betrekkinge beteken ‘n vriendelike Vlaamse staatsman pak sy noodreistassie op die sypaadjie langs die Europese Unie uit en leen my twee splinternuwe onderbroeke. En, nee, hulle was nie oranje nie.

Ek doen vlugtig toesprake by die Vlaamse en Europese Unie se parlemente en staan verstom oor die kundige vrae waarmee ek gepeper word. My ontnugtering kon ek later verwoord as “die Meerderheid van Minderhede”. Dit het vinnig ‘n gewilde definisie geword vir oënskynlike redes. Daar bestaan nie ‘n land ter wêreld met mense wat nié soos ek en jy voel nie, staatlose volke wat regeer word deur mense wat hul eer, erfenis, taal, opinie en waardes verwerp of minag.

Tuis woed Suid Afrika se negatiewe beriggewing voort, dat die “Nederlanders” my glo boikot.

Nie ‘n woord oor die feit dat dit die Nederlanders is wat my genooi het nie. Die boikot is maar dieselfde Suid Afrikaner as laas. Hy verag dalk vryspraak, maar hierdie keer het dit gelei tot ‘n beter venue en groter belangstelling. Hierdie is Nederland, nie Suid Afrika nie. Ruimte vir vryspraak is hier sommer baie. Moslem imams se opruiery hier laat my geselsies soos kleutertelevisie lyk. Die pragtige eetplek genaamd PROEF, was net soos die teater wat Treurgrond vertoon het, stampvol en uitverkoop.

Die plek was gepak, met wittes, swartes, Grieke, Irakese en tientalle Suid Afrikaners; nugter mense wat wil hoor en saampraat. As jy, as ‘n ANC gatgabba, dink jy kan andersdenkendes daar stilmaak, sal jy harder moet werk. As jy Suid Afrikaanse vroue wat lê en bloei nog een ekstra skop in die gesig wil toedien, moet jy soos Rian van Heerden en Sloet de Villiers ander se pogings om hul pyn te belig, snoer en ondermyn. Jy kan dit doen met woorde of met wegkyk, soos die ANC doen. Ek hou hulle almal ook van vandag af aandadig vir plaasmoorde en verkragtings. Hoekom? Want hulle is agente van verlamming toe ons dit die minste benodig het.

As ek plaasmoorde noem, word die gesprek verplaas na Steve Hofmeyr. As ‘n regter kinderverkragtings noem, word die gesprek verplaas na Mabel Jansen en as iemand publieke varksug onderstreep, word die gesprek verplaas na Penny Sparrow. Raai wat word nooit opgelos nie… sterftes, verkragtings en varksug.

Ontkenning is die Suid Afrikaanse manier. Tuis berig Beeld dat ek sou sê Suid Afrika is pateties. Dit was nie in my toespraak nie. Maar, ja, Suid Afrika se leierskap en ander indeksprestasies is wel pateties en ek het dit beslis genoem. As Suid Afrika iemand soek om die ANC se beeld in die buiteland te poets, stuur gerus iemand anders. Daardie iemand is nie ek nie. My volk word uitgemoor en my nasie se vroue, kinders en oumas word verkrag. Ons het boonop ongekende armoede onder ons mense, ‘n ekstra 400 000 wit plakkers, sonder dat daar ‘n duit gemaak word aan die nasionale werkloosheidsyfer.

Ek het genoem dat daar bykans geen Afrikanergeskiedenis meer geduld word nie, maar het verwys na die Turning Points in History-skoolsillabus. Natuurlik staan monumente van Paul Kruger en Louis Botha nog, maar hulle word regop gehou deur die verf van vandaliste.

Ek het grappenderwys vertel hoe gereeld ons ons waghonde vervang oordat ons vorige waghonde vergiftig is en dat ek nie verbaas sal wees as dit nie ook ‘n Suid Afrikaanse wêreldrekord is nie! Ek het genoem dat daar ‘n plaasaanval sal wees voordat ek weer terugkeer – daar was! – en vier verkragtings voor die einde van my toespraak – daar was!

Ek het gou duidelikheid gebring oor die verwarring tussen Afrikaan, Afrikaner en Afrikaanses. Ek het ook ons unieke band met die Lae Lande benadruk, veral deur ons herkoms, taal en waardes. Ek kon noem dat hofmeiers (hofmeesters) al duisende jare bestaan en dat die Hofmeyrs in die 17de eeu uit Ibbenbüren deur Rotterdam na Kaapstad gereis het. Ek het beklemtoon dat wit Suid Afrikaners, bekend vir hul werksetiek, sukkel om buitelands te werk terwyl biljoene spandeer word op vreemdelinge en vlugtelinge wat onwettig uit bootjies deur die heinings klim.

Ek het nie geskroom om Europa aan te vat nie. My woorde was: “My mense sou nooit droom om terrorisme in Europa te finansier nie – hoekom het julle dit aan ons gedoen…” ‘n Yslike stilte het geheers. Net Martin Bosma (PVV) het sy kop geknik. In sy boek Minderheid In Eigen Land vra hy dieselfde vrae as ek.

Die plaaslike media het nie ‘n woord gerep oor hoe ek by elk van my drie toesprake en vier onderhoude volhard het dat toerisme, beleggings en ontwikkelingshulp nie sondermeer gestaak moet word nie, dat daar steeds geen ander land vir my is nie, dat ons s’n tog die beste, mooiste en goedkoopste vakansiebestemming in die wêreld is en dat ek alle Suid Afrikaners bitter lief het.

Hierdie plasing is deur ʼn onafhanklike persoon of onderneming saamgestel. Die menings en standpunte wat in hierdie skrywe uitgespreek word, is nie noodwendig die beleid of standpunt van Maroela Media se redakteurs, direksie of aandeelhouers nie. –Red

Steve Hofmeyr

Meer oor die skrywer: Steve Hofmeyr

Steve Hofmeyr is onder meer skrywer, aktivis en geselsprogramaanbieder. Hy het meer as 2 miljoen CD's op sy kerfstok en is 'n driemalige SAMA-wenner (insluitende Besverkoopte Suid-Afrikaanse Kunstenaar 2004). www.stevehofmeyr.co.za

Deel van: Meningsvormers

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

86 Kommentare

jongste oudste gewildste
rudi

Dankie Steve vir wat jy doen! My pa was n Hollander en het vertel hoe sy pa daar geskors was uit die kerk omdat hy teen die ANC was. Tye gaan verander want Akrika se siek kultuur gaan mense se oe oopmaak

Babs Brouwer

Steve is soos Jan F E Cilliers van ouds gedig het: “‘n man wat sy man kan staan, van ‘n arm wat ‘n slag kan slaan, van ‘n oog wat nie wyk, wat ‘n bars kan kyk”.
Hy het standpunt ingeneem en hy hou daarby. Wil meer van ons tog maar dieselfde doen.
Reg is reg, en verkeerd is verkeerd!

Frans

Dankie
Jy het probeer

jennefer

Met die toestroming van onwettige immigrante , en moslim vlugtelinge, sal die nederlander tot die besef kom, rassisme het niks met kleur uit te waai nie. Steve is reg, ons deel byna dieselfde taal en dan, waardes, die grootste rede wat verskillende soorte nasies skei.

Ansie

Ek is so jammer dat ek nie by die byeenkoms in Scheveningen kon wees nie, maar is baie bly dat jy daar was Steve, ook bly oor die boek van Martin Bosma. Hier in NLand is maar min mense wat die ware geskiedenis van die oorspronklike bewoners van Suid Afrika ken, en dit grief my nog die meeste.Ek is Nederlands van geboorte maar Suid Afrikaner in my hart en in my bloed. Ek verkondig al baie jare die ware toedrag van Suid Afrika en die Afrikaner volk, maar tog weet hulle almal beter, daarom is ek bly jy was hier,,… Lees meer »