Sakeliga sal hierdie week hulle eerste Ekonomiese Oorsig vir Sakebesluitnemers vir 2019 in samewerking met ETM Macro Advisors uitgee – Sakeliga beoog vier van hierdie uitgawes per jaar.
Hier is solank ʼn voorsmakie van die inhoud aan Maroela Media-lesers met ʼn grafiek van ETM se leidende ekonomiese aanwyser. Hierdie aanwyser gee ʼn kort blik op die plaaslike ekonomie se moontlike vooruitsigte. Die indeks staan tans minder swak as in 2016, maar bly nogtans onder neutraal. Dit is ʼn aanduiding van heersende stram saketoestande, swak arbeidsmarkte en ’n uitdagende omgewing vir maatskappye se verdienste.