SA se myne, ’n droewige prentjie

Argieffoto

Suid-Afrikaanse mynbou is in ’n krisis gedompel. Dit is die mening van mynbou-ontleders nadat nóg ’n groot myngroep drastiese inkortings in sy produksieteikens en afskaling van personeel aangekondig het.

Impala Platinum, die wêreld se tweede grootste platinumprodusent,  het aangekondig dat hy sy toekomstige produksie tot 520 000 onse per jaar gaan verminder. Die myngroep beoog ook om sy aantal skagte van elf tot ses te verminder. Die grootste knou vir die ekonomie gaan die beplande aflegging van 13 000 poste wees.

Dit juis omdat Suid-Afrika tans sukkel om die ekonomie aan die gang te kry. Ekonome blameer die regering vir die vertraagde ekonomiese groei wat, onder meer, nie werkskepping ’n hupstoot kan gee nie. Die jongste werkloosheidsyfers toon dat die land se werkloses nog verder toegeneem het.

Impala Platinum is die jongste myngroep wat drastiese herstrukturering aangekondig het. Boonop wag Sibanyane-Stilwater nog steeds op die regering se toestemming om skagte by Anglo Platinum oor te neem wat duisende poste kan red.

Een van die probleme wat platinummyners pootjie, is die lae platinumprys. Die platinumprys het in die vroeë 2000’s tot bo $2000 per ons gestyg. Dit wipplank tans net bo $815 per ons. ’n Faktor wat vraag na dié edelmetaal stonk, is die oorskakeling van brandstofgedrewe- na elektriese motors. Laasgenoemde benodig nie katalisators wat van platinum vervaardig is nie.

Implats sê hy gaan die herstrukturering infaseer en Rustenburg Platinum, wie se leeftyd naby ’n einde is, gaan gesluit word. Skagte wat nie ekonomies bedryf word nie, sal ook gesluit word.

Implats se bestuurshoof, Nico Mulder, sê die myngroep gaan ook oorweeg om van sy skagte te verkoop.

Die herstrukturering sal Implats R2,7 miljard kos. Wat die herstrukturering meebring, is dat Implats se uitsette drastes gaan krimp. Hy het tans 40 000 werknemers wat 750 000 onse platinum per jaar produseer. Met die inkorting tot 520 000 onse, gaan hy nou minder platinum as Lonmin, wat ook in ’n oorlewingstryd gewikkel is, produseer.

In nog triestige nuus uit die sektor het die diamantreus De Beers aangekondig dat hy sy Voorspoed-myn naby Kroonstad gaan sluit. Dit, nadat hy nie ’n koper vir die 700 000 karaat per jaar diamantmyn kon vind nie. Die myn het bykans 400 werknemers en 500 kontrakteurs.

En die goudmynsektor lyk ewe droewig. Die minerale raad reken dat 75% van Suid-Afrika se goudmyne nie winsgewend is nie. Dit terwyl NUM en AMCU onrealistiese looneise ter tafel gelê het tydens die nuutste loononderhandelinge.

Die raad sê dat die eise net tot mynsluitings en afleggings kan lei.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

19 Kommentare

jongste oudste gewildste
Anoniem

Ons sit ook sonder werk des agv n exxarro myn wat toe is no work more crime !!!!!!!!

Herbekwaam

Mense in die mynbou en landbou en ander oorvol of vallende sektore moet hulleself bekwaam in nuwe tegnologie, dit is die toekoms, nie natuurlike hulpbronne nie.

Wurmpie

Die unies is besig om die myne en S A se ekonomie te vernietig

Hanna Hoekom

Toemaar, hulle gaan nou almal boer op die grond wat hulle gaan kry! CR het mos belowe! Kommersiele boere van die toekoms. Wie wil dan nou nog pik slaan?

Anoniem

Dis hartseer dat dit so gaan mense was verseker van werk maar nou val alles uitmekaar mens dink aan pensioen dae wat voor le verstaan hkm hier soveel.srmoefe is in die land