Handelsoorloë kan Mexikaanse peso, SA rand pootjie

Pres. Donald Trump. Foto: AP Photo/Evan Vucci

Pres. Donald Trump se volgehoue pogings om tariefoorloë te verklaar en te voer, kan oor die lang termyn die Amerikaanse ekonomie duur te staan kom. Dit is die reaksie van kenners wat meen dat Trump se dobbelspel afgesaag raak.

Trump se tariefoorlog is veral teen China gemik. Dit is hoofsaaklik daarop gemik om handelstariewe te beheer.

Dié Oosterse land het egter nie Trump se geraas oor tariewe met hande gevou aanvaar nie. Volgens beramings kan die tariefoorlog beide ekonomieë duur te staan kom.

Trump sal vanaf 10 Junie tariewe op Amerikaanse goedere verhoog totdat dit met 25% in Oktober gestyg het.

Trump het hom egter nie net tot China beperk nie. Mexiko, die Europese Unie (EU), Kanada en selfs Suid-Afrika is nie deur Trump se haarklowery gespaar nie.

Die ekonomiese agentskap NKC Research sê dat een uitstaande kenmerk van die EU se handelgegewens die herstel van die ekonomiese sentimentaanwyser is.

NKC sê egter dit is betreurenswaardig wat die Trump-administrasie met sy tariefoorlog bereik. Die jongste stappe wat deur Trump aangekondig is, het tot ’n afplatting in Mexikaanse aandele gelei en EU-staatseffekte laat kwyn.

Volgens NKC kan die Trump-administrasie ietwat asem skep omdat die aandag van EU-leiers tans geskoei is op die verkiesing van die nuwe EU-president en die handelsblok se vete met Italië oor fiskale kwessies.

Op plaaslike markte het die handelstekort vir April R3,4 miljard beloop.

NKC sê dat handelstoestande tans moeilik is weens die toename in handelsoorloë en uitvoere hierdeur gekwets kan word.

Op valutamarkte is die rand effens papper. Die geldeenheid het op Trump se jongste tirade gereageer waarin hy gesê het Amerika sal invoerbelasting op alle Mexikaanse goedere hef weens die toestroming van onwettige immigrante.

Kenners is bekommerd dat die handelsoorloë die Mexikaanse peso kan pootjie wat negatief vir die rand sal wees.

Intussen het die Universiteit van Michigan, ’n openbare navorsinguniversiteit in die VSA, se Mei-barometer verder verswak. Kenners skryf dit toe aan die voortgesette tariefoorlog en voorspel dat verbruikersinflasie in die land skerp sal styg.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

13 Kommentare

jongste oudste gewildste
Charles

Trump is TOPS!

MAKE AMERIKA GREAT AGAIN!

piet piet

Presedent Trump is die beste leier in die eerste tweede,derde en soos ons piesang republiek.

Andre C

Trump het n langtermyn plan om die lewe vir sy mense te verbeter.Op die korttermyn sal daar pyne wees.

“Manufacturing jobs” eerder as “junk jobs” word geskep.
SA se syfers wys n ekonomiese krimping van 3.2% ,maar daar was glo n groei in staatsbesteding.

Trump se plan is definitief die beter een

JWC

Ek dink Trump het ‘n plan. Hy tree ten minste in belang van sy land se langtermyn oorlewing op en sien deur China se pogings tot wêreldoorheersing op. Maar soo in die VSA het ons eie patetiese “fake” media hulle mond oor hom uit te spoel… maar sê nie ‘n woord oor pres. CR wat tjoepstil is oor moorde en misdaad wat die hoogste vlakke ooit onder sy en die ANC se bewind is nie….. Viva Trump comrades!!

Janie

Die artikel noem duidelik dat hierdie handelsoorloë niks goeds vir die rand inhou nie en die reaksie is “Make America Great Again”? Maar môre weeklaag dit natuurlik weer oor alles so duur geword het en die rand niks werd is nie. Sug.