Ramaphosa wil sakebedrywighede in SA goedkoper, makliker maak

Pres. Cyril Ramaphosa sê Suid-Afrika wil dit veel makliker maak vir entrepreneurs om hier sake te doen. (Foto: pixabay)

Pres. Cyril Ramaphosa sê in sy nuwe weeklikse nuusbrief een van die regering se planne om die ekonomie te stimuleer, is om die koste te verminder om sake te doen.

Ramaphosa is tans in Londen waar hy die Financial Times se 2019-beraad toespreek. Invloedryke sakelui, beleggers en besluitnemers woon die beraad by.

“As ons werk wil skep en armoede verminder, moet ons ekonomie teen ʼn veel vinniger tempo groei. Daarvoor het ons beleggings nodig, van plaaslike en internasionale sakelui,” het Ramaphosa in sy nuusbrief gesê.

“Ons gebruik elke moontlike geleentheid om na beleggers uit te reik om te praat oor die groot sakemoontlikhede in Suid-Afrika, asook op die vasteland.”

Ramaphosa het gesê dit moet dus makliker gemaak word om sake hier te doen. “In ʼn mededingende, internasionale omgewing soek beleggers na lande wat bestendige en volhoubare opbrengs kan lewer, terwyl risiko’s en koste tot die minimum beperk word.”

Die president het ook verwys na die Wêreld- Ekonomiese Forum (WEF) se jaarlikse mededingingsverslag. Dit is verlede week bekend gemaak en wys Suid-Afrika het sewe plekke geklim sedert die vorige jaar. “Dit is ʼn noemenswaardige prestasie binne ʼn betreklike kort tydperk,” het Ramaphosa gesê.

Die verslag is ʼn jaarlikse assessering van produktiwiteitsaandrywers en langtermyn- ekonomiese groei in 141 lande. Lande word geplaas op grond van hul instellings, infrastruktuur, gebruik van inligtingstegnologie, finansiële stelsels, makro-ekonomiese stabiliteit en sakedinamika.

Volgens Ramaphosa wil Suid-Afrika ʼn voorkeurbestemming wees vir direkte buitelandse beleggings. Die land wil oor die volgende vyf jaar boonop beleggings van R1,2 (trillion) lok.

“Die doeltreffendste manier om armoede te verlig en ekonomiese geleenthede vir Suid-Afrikaners in townships en landelike gebiede te skep, is deur hulle in staat te stel om hul eie ondernemings te begin en te laat groei.

“Ons wil dit makliker maak om sake te doen: vir die persoon wat in sy motorhuis begin, asook die multinasionale [maatskappy] wat ʼn nuwe fabriek wil open.”

Ramaphosa het gesê talle entrepreneurs sukkel om toegang tot kapitaal en markte te kry, asook om te voldoen aan die regulatoriese vereistes wat dikwels baie duur is. “Ons gaan dit makliker maak om ʼn onderneming te begin, eiendom te registreer, konstruksiepermitte te verwerk, belasting te betaal en oor grense handel te dryf.”

Daar gaan met die sakesektor saamgewerk word om te verseker voorwaardes om lisensies in sekere bedrywe te bekom is nie te omslagtig of duur nie. Immigrasiehervorming geniet prioriteit om vaardige werkers te lok en die toerismebedryf te laat groei, en tegnologie word ingespan om doeltreffendheid te verbeter.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

34 Kommentare

jongste oudste gewildste
Hendrik

Die vraag is, gaan dit vir witmense ook makliker gemaak word of gaan ons nog steeds meerderheid aandeel weggee?

Johann cb

Hierdie is ou beloftes/planne wat glad nie realiseer nie.

JR

Nee wat CR vertel liewers vir die buitelanders hoe die regering en staatskaping ons land tot in die af grond in bestuur en dat die regering nie n flenter omgee vir witmense nie hulle word uit gevermoor

Hennie Hanekom

Hahaa , belowe !!!
Hahahaaaaaaaaaaaaaa

JohanR

My President….hoekom doen jy dit net nie, insteede van elke week vir ons wil vertel hoe, wat, wil en waaneer jy dit gaan doen, en hoe graag jy dit wil doen! As jy jou ore en neus laat grooi kan jy Piet Promises Koornhof word.