1-Gebruik ligte kleure vir die muur en vloer. Ligter skakerings kan ʼn klein vertrek groter laat vertoon. Gordyne met vertikale strepe sal ʼn lae plafon ook hoër laat lyk.
2-Hang ʼn spieël oorkant ʼn venster – dit sal die lig deur die hele vertrek versprei. Hoe groter die spieël, hoe beter.
3-Hang ʼn paar rakke teen die muur (sogenaamde floating shelves). Dit bied jou meer stoorplek sonder om jou kosbare ruimte daarvoor af te staan.
4-Benut hoeke in die vertrek. Dis ʼn lekker plek om nog ʼn stoel te sit of selfs ʼn boekrak vir ʼn knus leeshoekie.
5-Kies gordyne met dieselfde kleur as die mure – dit laat die vertrek groter vertoon.
6-ʼn Deursigtige tafel is ʼn beter opsie as ʼn houttafel – wat die min ruimte nog kleiner kan laat lyk.
7-ʼn Plant of twee sal ook ʼn snoesige atmosfeer skep en die vertrek ligter laat vertoon. As jy nie plek op die grond het nie – kry ʼn plant wat van die plafon kan hang.
8-Moenie jou meubels teenaan die mure skuif nie – ʼn paar sentimeter van die muur af sal die vertek meer “oop” laat lyk.
Besoek gerus Real Simple vir nog wenke.