Foto’s: So lyk koninklikes tydens swangerskappe

Meghan (Foto: Instagram via Kensington Royals)

Byna die hele wêreld wag in spanning vir die koms van die jongste Britse koninklike baba, wat na verwagting sy of haar opwagting vandeesmaand sal maak.

Prins Harry en Meghan, die hertog en hertogin van Sussex, het in Oktober verlede jaar aangekondig dat Meghan hul eerste kind verwag nadat hulle in Mei by die St. George’s Kapel in Windsor naby Londen getroud is.

Maroela Media het vroeër berig dat dié egpaar die geslag van die baba ʼn geheim wil hou.

Kyk hier hoe het ander koninklikes tydens hul swangerskappe gelyk:

Prinses Diana

Die prinses van harte was twee keer swanger – haar oudste, prins William, is in 1982 gebore, en prins Harry in 1984. Die ontslape prinses het koninklike tradisie verbreek toe sy verkies het om nie by die huis geboorte te skenk nie, maar eerder by die St. Mary’s Hospitaal in Paddington.

Kate Middleton, hertogin van Cambridge

Prins William se vrou, Kate (37), het in 2013 geboorte aan haar eerste kind, George (5), geskenk. Sy het sedertdien nog twee kinders gehad, Charlotte (3) en Louis (11 maande).

Prinses Charlene van Monaco

Prinses Charlene (41) en haar man, Albert, se tweeling, Jacques en Gabriella (4), is in 2014 gebore.

Pippa Middleton

Die bekende suster van Kate Middleton, Pippa (35), het in Oktober verlede jaar die lewe geskenk aan haar seun, Arthur Michael William Matthews. Sy en haar man, James Matthews, het in 2017 getrou.

Meghan Markle

Prins Harry en Meghan, die hertog en hertogin van Sussex, het in Oktober verlede jaar aangekondig dat Meghan hul eerste kind verwag nadat hulle in Mei  by die St. George’s Kapel in Windsor naby Londen getroud is.

Charlotte Casiraghi

Charlotte Casiraghi (Foto: Nadinejoliecourtney.com)

Charlotte Casiraghi (32) is die ontslape Grace Kelly se kleinkind en haar ma is prinses Caroline van Hanover. Sy het in 2017 met Dimitri Rassam getrou en het in in 2018 hul eerste kind, Balthazar Rassam (5 maande) gehad. Sy het ook ‘n seun, Raphaël Elmaleh (5), by haar vorige kêrel, Gad Elmaleh.

Prinses Madeleine van Swede

Prinses Madeleine en haar man, Christopher O’Neill, het in 2013 getrou en het drie kinders. Hul eerste kind, Leonore (5), is in 2014 gebore. Nicolas (3) is in 2015 gebore en Adrienne (1) in 2018.