Die grondvloer is steeds ingerig met restaurante (Foto: Bored Panda)
The Arcade Providence, Amerika se oudste binnenshuise winkelsentrum in Rhode Island, New England, is pas in 48 lae-koste woonstelle omskep om te verhoed dat dié gebou verder verinneweer word.
The Arcade Providence is in 1828 gebou, maar het in die laat 20ste eeu heeltemal in onbruik verval.
Die winkelsentrum is vir $7 miljoen (bykans R93 miljoen) in woonstelle omskep deur die Northeast Collaborative Architects.
Woonstelle in dié winkelsentrum is almal een- of tweeslaapkamergrootte en sal jou $550 (R7 300) per maand uit die sak jaag. Die woonstelle is tussen 225 en 800 m² groot.
Elke woonstel is toegerus met ʼn kombuis, bad en stort, ingeboude beddens, banke en kaste. Die woonstelle het nie stowe nie, omdat dit gemik is op jong mense met besige lewens.
Daar is steeds restaurante op die grondvloer en ʼn ingerigte sitkamer waar huurders kan eet en kuier.
Huurders kan ook ʼn parkeergarage oorkant die gebou, sowel as ʼn waskamer en stoorkamers gebruik.
Bron: Bored Panda
-
- ‘n Foto van hoe The Arcade providence destyds gelyk het (Foto: Bored Panda)
-
- Ingeboude banke verseker dat huurders byna geen meubels hoef te trek nie (Foto: Bored Panda)
-
- Die kamers is toegerus met ingeboude banke en beddens (Foto: Bored Panda)
-
- Dis binnekant van die eenhede (Foto: Bored Panda)
-
- Die binnekant van die woonsteleenhede (Foto: Bored Panda)
-
- Die winkels is nou in woonstelle omskep (Foto: Bored Panda)
-
- Die woonstelle binne The Arcade providence (Foto: Bored Panda)
-
- ‘n Bloudruk van The Arcade providence (Foto: Bored Panda)
-
- The Arcade providence (Foto: Bored Panda)
-
- The Arcade providence van die buitekant (Foto: Bored Panda)
Wil iemand nie asb. dieselfde voorbeeld hier in Pretoria kom volg met Schubart Park en Krugerpark nie? Die geboue kan dalk gered word van totale verval al is daar niks meer oor om te stroop nie.
Laekoste teen R7300 per maand?! Sjoe, dit wys wat het Zumpie en kie met ons Rand gemaak!
Nee Paplepel, hier by ons kry die verandering van straatname voorkeur. Baie makliker want dit is direk eweredig met wat tussen die ore is en die hoeveelheid verbeelding is dus ter sprake wat tot uitvoering gebring kan word om ou geboue produktief te red, veral uit die apartheidsera waaruit almal dateer.
So baie potensiaal in ongebruikte geboue.
Gebruik wat ons het, dis baie goedkoper en vinniger as om vanaf fondasie te bou.
Alles wat uit vorige bedeling kom is nie sleg nie -inteendeel!