Armani van Jaarsveld. Foto: Twitter via Bobby van Jaarsveld
Die gewilde sanger en The Voice-afrigter, Bobby van Jaarsveld, het Maandag goeie nuus met aanhangers gedeel.
Die sanger, wat Sondag sy 29ste verjaardag gevier het, het op Twitter aangekondig hy en sy vrou, Annatjie, se eerste dogtertjie is Maandag gebore. Dié prinsessie se naam is Armani.
Bobby en Annatjie is reeds die ouers van Sion (4) en Leben (3).
Die sanger is tans ʼn gewilde beoordelaar op The Voice wat Sondae op M-Net (kanaal 101) om 17:30 op die kassie te sien. Die gesoute sangers Karen Zoid, Kahn Morbee en Lira is ook te sien in die bekende rooi stoele.
Ronel Brink, Bobby se ma en bestuurder, het op Twitter haar opgewondenheid oor die paartjie se dogtertjie uitgedruk. “Ná vier seuntjies, my prinsies, sien ek so uit om ons prinsessie te ontmoet,” het sy geskryf.
Die sangeres Elizma Theron het ook vroeër verlede week aangekondig haar tweede kind, ʼn seuntjie, het vroeg besluit om sy verskyning te maak.
“Hoe is daar steeds mense wat nie glo in ons Skepper nie? Dankie, Here Jesus, vir nog ’n wonderwerk uit u groot hand,” het sy op Facebook geskryf.
NJ is op 35 weke gebore en het 3,1 kg geweeg. Hy is tans nog in die waakeenheid van die hospitaal, maar dit gaan baie goed met hom.
-
- Elizma Theron en NJ. Foto: Facebook via Elizma Theron
-
- Bobby van Jaarsveld se seun kruip weg agter sy ma, Annatjie, se swanger magie. Foto: Facebook via Bobby van Jaarsveld
So lekker om goeie nuus te lees! Baie geluk, mag sy vir julle net vreugde bring! Lekker popspeel!
SUG… my vriendin het ook ‘n dogtertjie oor die naweek ryker geword. Enigeen wat daaroor wil beriglewer?
Veels geluk. Hoop jy bederf die kleintjie baie
Ag komaan nou Elfie don’t be jealous. Ek hou meer van Bobby as van sy suster. So hy kan enige tyd in die nuus wees en ek gee ook nie om met wat se nuus dit is nie. Bobby bo.
Baie geluk Bobby en Annatjie! Mag sy vir julle baie vreugde bring!
Baie geluk julle!!!!!
Mag Armani net goedheid en guns uit God se Hand ontvang, al die dae van haar lewe! Geluk Bobby, Annatjie, Sion en Leben. Julle twee moet mooi na sussie kyk hoor! Ouma Veertjie
Geluk Elfie met jou vriendin se dogtertjie….dis nou “wat geld nie kan koop nie” is vir die gewone mens nie beskore nie, maar dis wat “n vrou wil hoor”.
Is dit nou nuus? Wie is Bobby van Jaarsveld?
Die naam laat my dink aan Casper wat eenkeer so gespot het met vreeslike name by Afrikansie vanne…