Boetebessie help baba langs snelweg vang

Amanda Fojo en ʼn verpleegster saam met die pasgebore babaseuntjie. Foto: ANA

ʼn Kaapstadse verkeersbeampte moes Vrydagoggend help om ʼn baba op die N2-snelweg in die lewe te bring.

Richard Coleman, woordvoerder van die Kaapstad-verkeersdienste, het gesê Amanda Fojo was omstreeks 07:00 besig om ʼn boete aan ʼn taxibestuurder uit te skryf, toe ʼn motor langs haar stilgehou het.

Die motoris het gevra of Fojo hulle na die Mowbray-kraamhospitaal kan vergesel omdat die passasier in die motor in kraam was.

“Fojo het die situasie opgesom en besef die baba sou enige oomblik arriveer. Sy het daarom haar verloskundige-vaardighede ingespan en gehelp om ʼn gesonde babaseuntjie in die lewe te bring,” het Coleman gesê.

Verkeersbeamptes het daarna die ma en die baba na die hospitaal vergesel. Die ma en baba is gelukkig en gesond.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Een kommentaar

Gert ·

Dis nou ‘n wonderlike berig en goeie nuus. Bly almal is gesond

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.