Danie du Toit nou ’n getroude man

Danie du Toit saam met sy bruid, Melissa Bradshaw. (Foto: Kikitography/Instagram)

“Ek dryf nou nog ’n bietjie. Beste dag van my hele bestaan. Ooit.” [sic]

Só het die hoofsanger van die musiekgroep Spoegwolf oor sy troudag wat op Saterdag in die Paarl plaasgevind het, op sy Instagram-bladsy gegons.

In ʼn fluweelgroen pak het die sanger ewige trou aan Melissa Bradshaw beloof. Dié was geklee in ’n elegante wit rok wat deur die ontwerper Charlotte Francina aanmekaar gesit is.

In ’n ander Instagram-plasing wat Du Toit gedeel het, het hy die liefde vir sy bruid in ’n gedig omgesit:

“ons het getrou in die Paarl
ons vriende en familie was daar
my tannie se macerons
het alles vol glitter gemaak
kinders het gespeel
en musiek was in my hart,” lui ’n deel van die gedig.

Die verliefdes is tans besig om heerlik wittebrood te hou.

Talle bekendes soos Francois van Coke, Demi Lee Moore en Bok van Blerk het die egpaar gelukgewens met die verhoudingsmylpaal wat hulle bereik het.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

1 Kommentaar

jongste oudste gewildste
AmY

Baie geluk julle.