(Foto: Rozier van Tonder)
Die Tinteltong-toekennings word jaarliks op Internasionale Moedertaaldag, 21 Februarie, gehou om ondernemings wat die Afrikaanse taal bevorder te vereer. Dié ondernemings word gehuldig omdat hulle diens in Afrikaans lewer of Afrikaans bevorder deur kreatief met die taal om te gaan.
Vanjaar was daar 15 kategorieë waarvoor Afrikaanse ondernemings genomineer kon word.
AfriForum, wat saam met AfriVriendelik dié toekennings aanbied, het in 2016 vasgestel slegs 30% van die Suid-Afrikaanse mark is Afrikaans en wil voortgaan om ondernemings te beloon wat diens in Afrikaans aanbied. AfriForum hoop die wenners van die Tinteltong-toekennings sal ander ondernemings en mense aanspoor om in die taal van hul hart sake te doen.
Die wenners van 2018 se Tinteltong-toekennings is soos volg:
Oorspronklikste naam: STREEPSAK
Afrikaans-vriendelikste slagspreuk: Al3 Boerdery
Beste logo-ontwerp: Magies vol liefde
Smullekker Afrikaanse kos: De Vette Mossel
Afrikaans-vriendelikste produk: Mooi Goete
Afrikaans-vriendelikste produk – eie aan Afrikaans: IsMozBos – BosSeep
Afrikaans-vriendelikste sosiale media: De Afrikander Handelshuis
Uitgewer wat Afrikaans bevorder: LAPA Uitgewers
Maak snaaks in Afrikaans: IDEES-VOL-VREES
Soetste nagrus: AandBloem-gastehuis
Foto wat Afrikaans praat: Conrad Theron
Afrikaans-vriendelikste diens: Funky Ouma
Afrikaans-vriendelikste e-kopie: Mooi Leefstyl
Trippeltoontjies: Magies vol liefde
Innoverende produk: Boeremeisie Beeldskoon
-
- Joshua na die Reën. (Foto: Rozier van Tonder)
-
- Gerhard van Huyssteen. (Foto: Rozier van Tonder)
-
- Gareth Daniell namens Idees vol Vrees en Sanderien van der Walt van AfriForum. (Foto: Rozier van Tonder)
-
- Conrad Theron van Hero Photography en Sanderien van der Walt van AfriForum. (Foto: Rozier van Tonder)
-
- Niah Malan van Boeremeisie Beeldskoon en Sanderien van der Walt. (Foto: Rozier van Tonder)
-
- Liza-Mari Oberholzer van De Afrikander Handelshuis en Sanderien van der Walt van AfriForum. (Foto: Rozier van Tonder)
-
- Johanitta Eksteen van Funky Ouma en Sanderien van der Walt van AfriForum. (Foto: Rozier van Tonder)
-
- Izak de Vries van Lapa Uitgewers en Sanderien van der Walt. (Foto: Rozier van Tonder)
Joshua na die reën is die heel beste.
Iets wat my die laaste tyd baie krap, is radioflitse in Afrikaans, wat met `n Engelse motto eindig. Byvoorbeeld: “Koop ons produk, Afrikaans, Afrikaans, Afrikaans. Because we are one”. Bemarkers sal dit verdedig as branding, maar jy kan branding veeltalig doen, soos in die ou dae op die SAUK, waar produkte in beide goeie Afrikaans en goeie Engels aangebied is. Eintlik bedrieg die maatskappy ons, deur voor te gee hulle praat Afrikaans, en dan die laaste ding in Engels sê. Hulle vat ons vir ‘n ride.
Jis dit is nogal iets wat my die afgelope ruk vreeslik irriteer. Is dit werklik so moeilik om met n goeie Afrikaanse slagspreuk vorendag te kom? Hel, gee my n uur en R200 en ek doen dit met liefde! Ek sal sommer almal s’n doen!