[Foto’s] Afrikaanse aktrise deel pragtige troufoto’s

Elma Postma en Paul Potgieter trou (Foto: Anne Grace Fotografie)

Die Afrikaanse aktrise Elma Postma het Maandag ʼn paar van haar mooiste troufoto’s met aanhangers op sosiale media gedeel.

Elma, veral bekend vir haar rol as Dezi in 7de Laan en een van die voormalige aanbieders van Boer soek ʼn vrou, het op 14 Desember tydens ʼn intieme geleentheid afgehaak met Paul Potgieter.

“Dit was die perfekte dag en ek het met my droomman getrou. Jude Harpstar het die harp gespeel tydens die seremonie en voor die onthaal – dit was so mooi. Ons was omring deur ons naaste familie en vriende en ek het lanklaas in my lewe soveel geluk en liefde op een dag ervaar,” het sy aan Sarie.com vertel.

Die aktrise het gesê haar troufoto’s, wat by die Kuthaba Bush Lodge in Limpopo geneem is, sal vir ewig die mooiste herinneringe vasvang.

“Ek wil graag die foto’s van my en Paul se mooi dag deel om dankie te sê vir almal sonder wie ons dit nie kon doen nie. Hoe groot ook al julle bydrae, julle het die dag spesiaal gemaak,” het sy op Facebook geskryf.

Elma is vanaf 10 April in kykNET se splinternuwe komedie, PHIL 101, te sien. Ander akteurs sluit in Bennie Fourie, Frank Opperman en Pierre van Pletzen.

Lees meer oor die komedie op Maroela Media.

Elma se troufoto’s is geneem deur Anne Grace-fotografie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

11 Kommentare

Sonja Coetzee ·

Sy’s darem so pragtig haar skoonheid is iets om te aanskou.Mag hulle sommer baie baie baie gelukkig wees en sy straal behoorlik mag sy en Paul saam die nuwe lewenspad stap!!!

Chantal ·

Pragtig baie geluk so die jaar vier ons, ons 4de huweliksherdenking saam met julle 1ste huweliksherdenking. Baie geluk mag die liefde altyd seevier en geseend wees.

Marie Bredenkamp ·

Adel. Die heel mooiste toegewens. Ek ken vir Paul en elma ewe “lank” – vir hom as seun nog in sy ma se huis, en vir haar …. op die skerm en in tydskrifte. Gebruik die wenresep: die beste uit twee “wêrelde” en skep jul éíé!

Ansie Geldenhuysg ·

Die geleentheid val reg in my smaak – alles so smaakvol. Hoop dat julle baie jare van geluk, vrede en liefde saam sal beleef.

J ·

Geluk jul twee, vrede liefde en GELOOF, belangrikste vergewe gou. STERKTE is ook nodig maar bly LAG dis net so nodig soos vars lug. GENIET als.

My tweesent bydrae ·

Baie geluk . Mag julle net die beste beleef .

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.