[Foto’s] Boere op hul knieë vir reën

Honderde boere en inwoners van Calvinia het Woensdag saamgekom om vir reën te bid (Foto: Facebook)

ʼn Hartroerende toneel het hom Woensdagmiddag in Calvinia in die Noord-Kaap afgespeel toe honderde mense van dié distrik byeengekom het om te bid vir reën.

Burre Burger, ʼn boer van die omgewing, het Woensdag ʼn video en foto’s van dié toneel op Facebook gedeel waar hy smeek dat Suid-Afrikaners vir die droogtegeteisterde gebiede in die land bid.

“Ons kniel voor God en smeek Hom vir reën,” skryf hy. “Hier is ons nou by die leë Kareedam – bid saam met ons.”

Maroela Media het vroeër berig inwoners van dié dorp is rasend van bekommernis omdat Calvinia in een van die ergste watertekorte nóg gedompel is sedert die Kareeedam vroeër vanjaar opgedroog het.

Die dorp het intussen ʼn noodtoestand bereik nadat die watertafel ook drasties gesak het. Die water wat uit die sewe munisipale boorgate verkry word, is brak en nie geskik vir menslike gebruik nie.

Intussen het verskeie organisasies soos AfriForum, Cairing Diasies, Water Shortage South Africa (WSSA) en talle ander weldoeners projekte op die been gebring om die waterbehoeftige inwoners by te staan.

ʼn Lys versamelpunte is intussen geïdentifiseer. As jy betrokke wil raak, kyk hier waar jou naaste versamelpunt is.

Jy kan ook geld skenk. Klik hier vir meer besonderhede oor ʼn trust-fonds.

Jy kan ook die woord “NOOD” na 38312 SMS en sodoende R10 aan die noodfonds skenk.

Kyk die video ook hier.

So bid ons saam vir Calvinia en vir reën

Posted by Frikkie Rootman on Wednesday, 5 April 2017

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

15 Kommentare

jongste oudste gewildste
Jacques

Begin dankie se vir die reen , ons God is groot .

A

Ons bid saam met julle.

Jacques

Begin om dankie te se vir reen en glo ons God is groot . God sal voorsien .

Adriaan van Wyk

Burre Burger is adkomstig van Vredendal in Wes Kaap. Hy is die stigter vir Calvinia in Nood. Hy het al oor die 300000 L water in Calvinia laat aflewer en baie voer vir vee en aartappels vir beeste. Hy help ook vir Loeriesfontein Brandvlei Williston en Bitterfontein en Gharries. Hy is n legend.

JvA

Waar is julle sambrele???? : )