[Video] Groot skenkings vir Plastic View-inwoners ná brand

'n Skermskoot uit die video

‘n Skermskoot uit die video

Die Moreletapark-gemeente in Pretoria het vandeesweek ingespring om derduisende mense by te staan wat die afgelope naweek dakloos gelaat is ná ʼn verwoestende brand by ʼn informele nedersetting in Pretoria.

Die meeste van die vrywilligers wat by dié projek betrokke is, is kinders wat hul vakansie prysgegee het om die gesinne te help.

Retha Erasmus, die bedieningsleier van die gemeente, sê mense het hul harte teenoor die inwoners van Plastic View oopgemaak. “Die boodskap het net ongelooflik vinnig versprei dat die mense hulp nodig het. Verskeie organisasies staan hulle by in die tyd,” het sy gesê.

Kinders en vroue het Dinsdagoggend tou gestaan vir kos en klere.

Die kerk vra ook vir nog skenkings van doeke en formulemelk, toiletware en nog komberse. Hulle het ook nog hande nodig om te help in die sopkombuis en om skenkings uit te sorteer.

Tree in verbinding met die Moreleta-gemeente deur 012 997 8000 te skakel.

Die insetsel is deur eNuus vervaardig. Kyk eNuus elke aand om 19:00 op kanaal 144 en 145 op DStv.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

15 Kommentare

jongste oudste gewildste
Johan

Die hipokrasie van die “weldoeners” darem…My en my gesin word daagliks terroriseer deur die plakkerskamp.Konstante 24/7 bulderende musiek,inbrake,inwoners wat hulle nr 2’s teen die heing kom doen,lugbesoedeling,vullis en rommel problem ens ens ens…Vraag.Hoeveel inwoners is wettig in die land.Vraag.Hoekom neem die NGK “weldoeners” hulle nie in hulle huise in,of gaan dit te ongerieflik wees….

Andrea

Sjoe, mense is gaaf! Ek sou nie n sent gegee het nie in die hoop dat hulle sou verkas na groener plak-velde…

hans

In KZN het n egpaar ook aan mense hulp en huisting gegee,op voorwaarde dat dit slegs n tydelik reeling is. Die uiteinde is dat die egpaar al 2 maal hooggeregshof toe moes gaan en van die plakkers is nog steeds op grond. Dink die NGK het n lat vir hul self gepluk.

Grap

Hierdie mense wat so vinnig is om te help in die weste van Pretoria is wit plakkerskampe met babas wat in ‘n tent bly en ook nie kos het nie hierdie mense is suid Afrikaanse burgers wat nie werk kry omdat hulle wit is wat nie behuising kry nie oor die kleur van hulle vel hoekom help julle hulle nie of is dit nie polities korrek nie.

Hoekom

Kennis en goed oordenkte navorsing is duidelik nie gedoen voor diè manier van uitteik.