Klein skoonheid wil mense help

Foto: Verskaf

Foto: Verskaf

Dunja Sargent (10), wat vanjaar in Mei as Miss Pre-Teen gekroon is, is tans besig met ʼn skoendoos-projek vir minderbevoorregtes. Dié jong meisie wat van Kempton Park afkomstig is, gesels passievol oor haar kroning en dié projek.

Vir Dunja was dit lekker om deel te neem en was sy vol selfvertroue en het geglo dat sy kan wen. “Dit was nogal ʼn moeilike kompetisie, want daar was ander meisies wat baie sterk was en wat verlede jaar ook deelgeneem het, maar met my vasberadenheid kon ek dit doen.” Die lekkerste deel van dié kompetisie, sê Dunja, is die feit dat sy soveel mooi rokke kon dra en al die maats wat sy tydens die geleentheid kon maak.

Miss Pre-Teen is nie net ʼn titel nie en sluit ook heelwat verantwoordelikheid in. Dunja is by verskeie organisasies betrokke en bring ook graag tyd deur saam met minderbevoorregte kinders. Die projek waarmee sy tans besig is, nooi mense om skoenbokse met toiletware te skenk. Dunja en haar gesin sal van Desember dié skoenbokse begin uitdeel. “Mense kan verskillende goed, soos waslappies, spuitgoed, tandeborsels en skeermesse in die boks sit. Ek wil graag soveel as moontlik bokse insamel – almal wat kan help sal ʼn groot verskil maak.”

As jy ʼn skoendoos met toiletware wil skenk, skakel gerus vir Yolandi by 076 180 6876 of besoek Dunja se Facebook-blad.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Een kommentaar

DB ·

Baie geluk. Hoop net jy help al die minder bevooregtis nie net die wat jou laat goed lyk in die buiteland nie

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.