Die organisasie Partners for Possibility maak van sakelui se vernuf in die sakewêreld gebruik om skoolhoofde landwyd te help om hul skole te laat groei en uit te bou tot ʼn suksesvolle skool.
Met die insette van sakeleiers word die skole ʼn plek waar ouers en die gemeenskap betrokke is en die leerlinge presteer in vaardighede soos geletterdheid en syfervaardigheid, terwyl die sakelui meer leer oor leierskap in ʼn onbekende omgewing.
Marichen Mortimer, een van die mentors van Partners for Possibility, het in Maroela Media se ateljee kom kuier en met Esté Meyer Jansen oor die sukses en visie van die organisasie se bekroonde programme gesels.
- Indien jy meer oor Partners for Possibility wil weet, kan jy hulle webwerf by pfp4sa.org of Facebook-blad besoek.