Muurkunsprojek se droom word 9 skole groter

‘n Muur wat deur Afrikaans.com se muurkunsprojek geverf is (Foto: Afrikaans.com/Facebook)

Afrikaans.com het onlangs aangekondig dat hy vanjaar nóg nege skole uit die Wes-Kaap by sy muurkunsprojek, wat in 2017 van stapel gestuur is, gaan betrek. Sedert die ontstaan van die projek het 30 skole landswyd betrokke geraak.

Dié projek moedig laer- en hoërskoolleerders aan om groot te droom in hul moedertaal deur skoolgeboue met inspirerende Afrikaanse boodskappe en illustrasies op te kikker.

Die doel van die muurskilderye is om die skoolomgewing mooi en inspirerend te maak en die leerders se verbeelding vlerke te gee. So word hulle aangemoedig om Afrikaans met passie en oorgawe te geniet en te gebruik.

Een muur word by elke deelnemende skool geverf waarna die veldtog met foto’s en videomateriaal op sosiale media verder gevoer word.

Hoërskoolleerders word aangemoedig om die hutsmerk #droomgroot op kreatiewe wyse op sosiale media te gebruik deur foto’s en video’s van hul drome en talente voor muurskilderye te neem en dan op sosiale media te plaas.

Laerskole se muurkuns fokus op woordkuns wat leerders se leesvermoë verbeter en verbeelding prikkel.

Besoek gerus Afrikaans.com se webwerf vir meer inligting oor die muurkunsprojek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

Het jy iets op die hart? Maroela Media se kommentaarfunksie word ongelukkig tydelik gesluit tussen 19:30 en 06:00.

Jy kan steeds op Maroela Media se Facebook-blad en ander sosiale media saamgesels. Nuuswenke kan deur hierdie vorm gestuur word.

Een kommentaar

Maria ·

Dankie projekteen ondersteunding.Wow wonderlik nuus hoop meer so muurkunsprojek reg oor SA skole doen asb. Goed vir kuns kinders vir uitdaging en selfvertroue en ontwikkel en hou hulle besig glo my hulle sal geniet werk ook goed uit vir span bou. Op val op verf vreeslik mooi iets om uit te kyk na nuut uitdaging intersant ens. GO!!!

Het jy iets op die hart? Maroela Media se kommentaarfunksie word ongelukkig tydelik gesluit tussen 19:30 en 06:00.

Jy kan steeds op Maroela Media se Facebook-blad en ander sosiale media saamgesels. Nuuswenke kan deur hierdie vorm gestuur word.