Spar in Plet laat sosiale media gons

Spar (1)

Foto: Facebook/ Anton Muller

ʼn Foto wat by die Beacon Isle Kwikspar in Plettenbergbaai geneem is, het omtrent sosiale media aan die gons. In die foto is daar ʼn krat vol vrugte met ʼn boodskap wat lui: “Hallo ouers, vat gerus ʼn gratis vrug vir jou kinders terwyl jy inkopies doen. Ons moedig gesonde eetgewoontes aan en wil jou inkopie-ervaring so ’n klein bietjie makliker maak.”

Die eienaar, Duncan Brown, sê hy het dié oulike idee oorsee by Tesco gesien en besluit om dit ook in sy winkel in te stel.

Duncan sê hy bestee baie geld en moeite daaraan om dié winkel ʼn bietjie meer spesiaal te maak omdat ʼn groot deel van die gemeenskap by sy winkel koop. “Ons is ʼn klein gemeenskap en almal ken mekaar – ons moet vir mekaar omgee.”

Vir dié eienaar is gehaltekos baie belangrik en hy meen daar is baie opsies vir mense wat gesondheidsbewus is, maar hulle is nie uitsluitlik ʼn gesondheidswinkel nie. “Ek dink nie ons gaan mense se lewe verander deur vrugte gratis te gee nie, maar ons probeer om die manier hoe ons ons winkel bestuur, net ’n bietjie anders te hanteer.”

Verskeie mense het dié foto gedeel en kommentaar gelewer oor die manier waarop Duncan sy winkel bestuur en ouers in ag neem.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

23 Kommentare

jongste oudste gewildste
Willie

Great idee!!! Jammer ek bly in Bloem. Bietjie ver om te ry vir inkopies. Kinders wil altyd aan iets knibbel, en dis nogal n stryd om asn n kleinding te verduidelik dat daai eetding eers joune is as jy klaar daarvoor betaal het.

Puik Duncan!!! As ek weer in Plet kom (nadat die rand herstel het na die Nene fiasco), sien jy ons beslis!!

Corrie

Puik Duncan! So mooi gebaar van jou om aan jou gemeenskap te dink.

Franci

Baie geluk, Duncan! Jy het hiermee vir jou winkel myle meer ‘goodwill’ gekoop as 10 volskaalse advertensieveltogte! Ek sal verseker in die vervolg eerder by jou kom koop!

GES

Ons het so ‘n winkel in Centurion ook nodig. Puik Duncun 10 / 10

Netta

‘n Ware “Feel Good” storie in ‘n week waarin lesers papgeslaan is deur misdaad statistiek, verhale van moord en verkragting, ‘n onskuldige dogtertjie wat vir haar lewe veg na ‘n honde-aanval, Zuma wat die land, die rand en die wêreld skud met ‘n ondeurdagte, suiwer politieke skuif!!! “Well done” Spar Plettenbergbaai & Duncan!!!