Spiertier se vrou: ‘Ek is soveel meer as my lyf’

Drew en Jenna Kutcher (Foto: Instagram)

Jenna Kutcher, ʼn troufotograaf van Wisconsin in Amerika, was onlangs in die kollig nadat iemand op Instagram vir haar gesê het hulle kan nie  glo dat sý so ʼn aantreklike man kan kry nie.

Kutcher het normale, vroulike kurwes, en is ʼn aktivis vir ʼn gesonde liggaamsbeeld. Haar man, Drew, is ʼn persoonlike afrigter en het ʼn gespierde lyf.

Kutcher het al voorheen onseker oor haar lyf gevoel, en dié boodskap op Instagram het haar onkant gevang.

“Deel van my onsekerheid oor my lyf het gekom daarvan dat ek met ‘Mr. 6-pack’ self getroud is. Hoekom moet ek, ʼn meisie met kurwes, hóm kry? Ek voel nie waardig nie, en ek maak stories in my kop op dat ek hom nie verdien nie omdat ek nie maer is nie,” het sy later as ʼn reaksie op Instagram geskryf.

Jenna Kutcher (Foto: Instagram)

“Dié man het elke kurwe, dimpel en pond aanvaar vir die laaste 10 jaar, en hy herinner my altyd dat ek pragtig is, ten spyte van wat die stories in my kop vir my sê.”

Kutcher het aan Yahoo Lifestyle gesê sy het die afgelope twee jaar twee miskrame gehad.

“Ek dink ons vroue se grootste vrees is dat ons nie genoeg is nie, dat ons liggame gebroke is, en nadat ek twee verliese gely het, het ek gesukkel om my liggaam weer te aanvaar.”

Kutcher skryf verder dat alhoewel haar liggaam nie perfek is nie, haar man steeds lief is vir haar.

“Ja, my bobene soen mekaar, my arms is groot en my boude is bonkig, maar dit beteken daar is net meer van my waarvoor hy kan lief wees, en ek het ʼn man gekies wat al hierdie dinge kan hanteer!”

“Drew is ʼn spiertier. Ek weet dit, ek sien dit, en ek is mal daaroor. Vir my is hy die aantreklikste man op die planeet,” het sy gesê.

“Ek is soveel meer as net my lyf, Drew is ook, en jy is ook!” het Kutcher op Instagram geskryf.

Dié plasing is al meer as 55 000 keer op Instagram ge-“like”.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

25 Kommentare

jongste oudste gewildste
HPV

Dame, jy is pragtig en jou man het duidelik goeie smaak!

Snuffels

Dit is pragtig as n vrou kurwes het. n Regte man soek mos vleis…n hond soek bene!!!

Tess

Self liefde is belangrik. Mooi so -ons lewe in ‘n tyd waar min mense tevrede is met hulleself-al is hulle drop dead gorgeous

Denise

Ek dink nie daar is fout met jou lyf nie maar as dit jou so pla doen oefeninge en jy sal nog mooier lyk !!!

CARIEN

Pragtige storie, hy is ‘n man in die volle sin van die woord. Jenna, jy is ‘n pragtige mensie.