Uitdrukkings: Goedhartigheid

Argieffoto ter illustrasie

Argieffoto ter illustrasie

Maroela Media fokus saam met verskeie organisasies hierdie week op Goeie Nuus. Taaltoffie fokus as deel hiervan vandag op alle uitdrukkings wat verwys na “goedhartigheid”.

Uitdrukking: Jou baadjie vir ʼn ander uittrek.
Betekenis: Baie goedhartig wees.

Uitdrukking: Jou broek vir iemand uittrek.
Betekenis: Baie goedhartig wees.

Uitdrukking: ʼn Dorkas
Betekenis: ʼn Liefdadige vrou.
Waar kom dit vandaan? Ontleen aan die Bybel: ʼn Volgeling van Jesus wat veral in Joppe bekend was vir haar oorvloedige goeie werke – volgens Handelinge 9:36

Uitdrukking: Wie homself/haarself gee, gee dubbel.
Betekenis: Deur jou(self) vir ʼn saak te gee, bewys ʼn mens ʼn ekstra diens aan die saak.

Uitdrukking: Alte goed is buurmansgek
Betekenis: As ʼn mens te goedhartig is, word jy deur ander misbruik.

Uitdrukking: ʼn Oop hand hê
Betekenis: Vrygewig wees

Uitdrukking: Met ʼn oop hand gee
Betekenis: Vrygewig wees

Uitdrukking: ʼn Goeie/warm hart hê
Betekenis: Goedhartig wees

Uitdrukking: ʼn Hart van goud hê
Betekenis: Besonder goedhartig wees

Uitdrukking: Jou hemp vir iemand uittrek
Betekenis: Goedhartig wees

Uitdrukking: Dis saliger om te gee as om te ontvang
Betekenis: Dit gee meer bevrediging om ander te help as om self gehelp te word.
Waar kom dit vandaan? Ontleen aan die Bybel: Handelinge 20:35

Uitdrukking: ʼnBarmhartige Samaritaan
Betekenis: ʼn Baie hulpvaardige mens
Waar kom dit vandaan? Ontleen aan die Bybel: Lukas 10:33-37

Uitdrukking: Jou vir ʼn ander uittrek
Betekenis: Besonder vrygewig wees

Uitdrukking: Vir vandag se brood kry jy môre se koek
Betekenis: Wie mededeelsaam is, word geseën

  • Hierdie artikel vorm deel van Goeie Nuus-week, ʼn gesamentlike projek deur GrootFM, Maroela Media, Finesse en PopUP. Van 17 tot 21 November plaas ons nie net die klem op goeie nuus nie – ons gaan soek ook goeie nuus wat jou warm om die hart sal maak. Klik hier om al die goeie nuus-artikels te lees wat ons reeds gepubliseer het.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.