Video: Boetebessie verras motoris op verjaardag

verkeersbeampte2

Verkeersbeampte Ludwe Barnes. (Foto: ‘n Skermgreep uit die video)

ʼn Motoris van Mosselbaai in die Wes-Kaap het verlede Donderdag ʼn aangename verrassing op sy verjaardag gekry toe ʼn verkeersbeampte tydens ʼn roetine padblokkade vir hom begin sing het.

Jan Bronkhorst is op sy 59ste verjaardag in George deur ʼn provinsiale verkeersbeampte van die pad afgetrek. Dié verkeersbeampte is later deur die George Herald as Ludwe Barnes geïdentifiseer.

“Sy het gevra sy wil my lisensie sien en na die voertuig kyk,” het Bronkhorst aan Maroela Media vertel. “Sy het op my lisensie gesien dit is my verjaardag en het skielik losgetrek en vir my begin sing.”

Hy sê hy het haar onderbreek en gevra om weer te sing sodat hy ʼn video-opname daarvan kon maak. “Dit was vir my net só oulik.”

Bronkhorst vertel sy vrou, Vinkie, was saam met hom in die voertuig toe dié aangename voorval plaasgevind het. “Ons het natuurlik gelag, want dit was baie vreemd.”

Hy sê hy is later deur die George Herald genader vir ʼn storie oor die gebeurtenis en dit is dié gemeenskapskoerant wat vir Barnes opgespoor het. “Sy het glo twee jaar gelede ook vir ʼn motoris gesing toe hy verjaar het. Dit is absoluut wonderlik.”

Die video van Barnes is verlede Donderdag op Facebook geplaas en is reeds meer as 141 000 keer gekyk en meer as 2 000 keer gedeel.

Vanoggend stop n "Speedy" van George my, "net n roetine stop Meneer, wys my jou bestuur lisensie" en toe gebeur dit.

Posted by Jan Bronkhorst on Thursday, March 1, 2018

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

10 Kommentare

Eish ·

Altyd darem die opflikkerings wat hoop staande hou in die helhool. Pragtige gebaar.

Elvira Bothma ·

Prys die Here dat daar nog sulke lieflike mense in uniform op ons paaie is.

Elizabeth ·

Ag hoe dierbaar van haar! As ons almal só kon wees, sal Suid-Afrika n paradys kan wees! Wonderlike mensie!

Ek sou graag vir haar n sjokoladekoek wou gaan gee! Sy’s BAIE dierbaar en oulik!

Tammy Morey ·

Prys die Here nog vir positiewe mense & postiewe gesindheide. Kom ons almal probeer elke dag iets positiefs te doen en n verskil in iemand se lewe te doen. Die lewe is n lied…..sing…daaroor!

Theresa B ·

Ek stem saam Elvira. Dis awesome!! Mag sy dit nog vêr vat in hierdie gebroke lewe.

Rika ·

Te dierbaar van die beampte en geluk (al is dit effe laat) met Oom se verjaardag!

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.