ʼn Dogtertjie wat ʼn wiegeliedjie aan ʼn nuwe babahondjie sing, word wyd op sosiale media gedeel.
Lauren Malone, van Connecticut in Amerika, het die video van haar dogter Katie op Facebook gepubliseer. “En dis waarom jy ʼn hond moet aanneem. Of twee. Of drie of vier,” het sy by die video geskryf. Die gesin het die babahondjie, genaamd Oakley, by Americanlabrescue.com aangeneem.
Lauren, ʼn ywerige diereliefhebber, het reeds minstens R53 000 ingesamel vir die organisasie en die video is reeds deur meer as 24 miljoen persone gekyk.
Katie sing haar eie weergawe van Brahms se Wiegelied terwyl sy die hondjie teer omhels terwyl hy in haar skoot lê.
“Hy hou daarvan, sing nog,” sê Lauren in die video.
Pragtig! Wens alle diere kon soveel liefde ervaar het.
Ougat, ougat. Love this kid. Know this family.
Te dierbaar …. In die tydperk kry ek altyd die diere so jammer, alleen by die huis, klappers en geraas…