Maroela Media het vroeër reeds tien selfdoen-aktiwiteite vir die jongspan geplaas. Hier is nóg tien oulike idees om jou kinders besig te hou terwyl almal hierdie afsonderingstyd en oor die Paasfees met Jan Tuisbly se karretjie moet ry.
Feetjieklokkies
Versier takkies met gare, klokkies en krale om te voel asof daar feetjies in jou tuin is wat die klokkies elke nou en dan kom lui.
Klipstories
Vat klipverwery ʼn trappie verder en verf eerder karakters en plekke op die klippe. Wanneer die verf droog is, word dit deel van stories wat kinders self kan opmaak en interpreteer.
Sponsballe
Kinders kan hierdie sponse nat maak en mekaar daarmee gooi, sonder dat enigiemand sal seerkry.
Natuurgoggas
Jou kinders kan enigiets gebruik wat hulle in die tuin gevind het om ʼn replika te maak van iets wat hulle in die natuur sien.
Yorigami-paddas
Hierdie papierpaddas kan regtig spring! Wanneer die paddas klaar gevou is, kan die speeltyd verleng word deur ʼn speletjie daarvan te maak.
Kinder-karwas
Die ou tuinsproeier kry ʼn opgradering met hierdie kindervriendelike karwassery!
Feetjietuin
Vir jou is dit net blinkers, maar vir hulle is dit magiese feetjiestof! Kikker jou potplante op met blinkers en wag vir die feetjies om uit te kom.
Swembadwurm-hindernisbaan
Jy hoef nie jou swemklere aan te trek om pret met “swembadwurms” te hê nie. Jy kan dit gebruik as ʼn hindernisbaan vir jou kinders om onderdeur te kruip, oor te spring, of op te balanseer.
Buitemuurse konsert
Ou kombuisware word omskep in ʼn buitemuurse konsert. Jy kan dié muur binnenshuis ook maak as jy nie tuinspasie het nie.
Selfdoen-towerstaf
Strooitjies kan gewone borrelblasery in ʼn wetenskapprojek verander. Met oefening kan jy ook driehoekige borrels maak!
Saamgestel vanaf MSN.com