Sit albei jou voete neer

speeltyd-vir-die-familie

Foto: Mb.com.ph

Oktobermaand is nie vir sissies nie! Dit is afsluitings en eksamens, finale dit en dat, afronding voor die konserte en wat nog alles. Oral hoor ek mense kla dat hulle nou nie meer ‘n enkele Saterdag oop het tot die skole sluit nie…

Dis moeilik om nie te voel asof ons in ‘n maalkolk beland het nie. Ons lig ons voete op en laat maar toe dat die stroom ons meesleur. Ons vergeet dat ons kinders ons spanning soos pienkoog by ons aansteek!

Ons is veronderstel om in hierdie dol tyd vir hulle vastigheid te gee, te wys hoe om spanning die hoof te bied en te demonstreer hoe mens jou prioriteite in ‘n ry kan hou selfs al is die stroom vinnig!

Moenie meegesleur word nie! Sit albei jou voete stewig neer en as jy moet, begin selfs stroom-op loop! Moenie vir alles “ja” antwoord nie. Kanselleer die onbelangrike dinge. Vat sommer vanaand jou dagboek en trek strepe deur ure, halwe dae of ‘n hele dag en weier om weer iets daar in te skryf!

 

Skakel die selfoon net een aand lank af. Om nie te praat van die TV nie! Maak een aand per week ‘n leesaand of speelaand vir julle en die kinders sodat die stroom net ‘n bietjie sy greep op julle kan verloor!

Hettie Brittz

Meer oor die skrywer: Hettie Brittz

Hettie Brittz is ’n voormalige spraakterapeut en die outeur van twee ouerskapboeke en die Immergroen Ouerskapkursus. Sy bied landwyd en oorsee praatjies, kursusse en spanbousessies met ’n temperamentfokus aan. Besoek www.immergroenouerskap.co.za waar jy meer wenke oor ouerskap sal kry, asook nog inligting oor Hettie se boeke en kursusse.

Deel van: Ouerskap, Rubrieke

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Een kommentaar

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.