Hier is oulike idees om jou kinders besig te hou terwyl almal nou met Jan Tuisbly se karretjie moet ry.
- Gloeiende slym
Blinkers en gloeistokkies maak hierdie maklike feetjieagtige speelding ʼn werklikheid. En as jy dit skud, is dit soos ʼn towerspel wat waar word.
- Maak ʼn meermin-romp
Ma’s en pa’s sal moet help met naaldwerk vir hierdie aktiwiteit, maar jou kinders kan hul eie romp ontwerp vir hul onderwater-avonture.
- Maak ʼn uilpop
Ons almal het al ʼn kalkoen met ons handafdruk gemaak, maar dié uilpop is eenvoudig in ʼn ander klas. Boonop kan jy dit met die eenvoudigste toerusting maak.
- Maak ʼn resiesbaan
Gebruik enige kleurvolle kleeflint wat jy het en maak jou eie resiesbaan waar jou kinders met hul karretjies kan speel. Die baan kan aangepas en mettertyd vergroot word .
- Maak skuimverf
Slegs drie bestanddele is nodig vir hierdie wetenskapspeletjie. Dié verfbare skuim (wat kinders uit ʼn plastieksak kan druk om vorms te maak) raak oornag hard; hulle kan dus lank daarmee speel.
- Tydelike tatoes
Kinders kan hul eie prentjies teken en dit soos tatoes tydelik aanwend om hul kuns uit te stal.
- Gloeiende borrels
Het jy glimpenne (highlighters) wat net by die huis rondlê? Hierdie is ʼn maklike manier om jou borrels te laat gloei.
- Kristal name
Jou kind kan hul naam of ʼn vorm van hul keuse oornag laat kristalliseer in dié oulike wetenskapprojek.
- Minivulkane
Laat jou kinders toe om die volgende wetenskapprojek aan te pak as ʼn verskoning om ʼn bietjie van ʼn gemors te maak. Sit al die miniatuurvulkane in ʼn glasbak om die gemors in toom te hou.
- Venster-kuns
Deursigtige papier en water is al wat nodig is vir jou kinders om die vensters ʼn mosaïek-effek te gee, en dit sal hulle lank besig hou.
Saamgestel vanaf MSN.com