Praktiese wenke aan seniors tydens Ekspo 50

Ekspo-50

Musikant Rommel van der Riet en Sakkie Kotze, voorsitter van die ATKV Centurion, oorhandig ’n CD aan dr. Elma Kruger, direkteur van die Centurion Raad vir Bejaardes.

Die Centurion Raad vir Bejaardes het op 6 en 7 Oktober ’n suksesvolle Ekspo 50 met die tema “Verouder met grasie” in Centurion aangebied.

Die gehoor kon na puik voordragte geluister. Daar is ook besprekings gevoer oor beroerte (dr. W. Duim), kanker (dr. G. Cohen), diabetes (dr. B. Niewoudt) en Alzheimer se siekte (dr. E. Duvenhage).

Tussendeur kon die belangstellendes hul suiker en bloeddruk laat toets, aan biokinetika-oefeninge deelneem, puik handwerkitems besigtig, talle inligtingstalletjies besoek en lekker eetgoed nuttig.

Die kategoriewenners van die handwerkkompetisie het benewens hul trofees en sertifikate ook ’n CD van ATKV Centurion, Opgedra aan ons senior burgers, ontvang.

Een van die ATKV Centurion-musikante, Rommel van der Riet, het die regte, positiewe atmosfeer geskep met sy vrolike mondfluitjie- en saagspel.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae