Lissette van Niekerk, oud-leerder van Hoërskool Centurion, se sewe onderskeidings het nie net in haar skoot geval nie. ʼn Huis vol klank en kleur het gemaak dat Lissette tydens die eksamen so ʼn bietjie harder moes konsentreer om gefokus te bly. Tog het sy sukses behaal danksy haar ma se ondersteuning en die feit dat sy en haar niggie saam studeer het.
Haar jarelange droom is om medies te studeer. Daarom het sy vir ʼn BSc-graad aansoek gedoen, waarna sy na medies gaan oorskakel om sodoende haar groot droom te bewaarheid.