Marinette Greyling
Sy het sewe onderskeidings in die matriekeindeksamen behaal. Sy het A’s in Afrikaans, wiskunde, fisiese wetenskappe, lewenswetenskappe, musiek, rekeningkunde en lewensoriëntering behaal.
Marinette speel van sesjarige ouderdom af klavier en het haar gr.7-klaviereksamen met lof geslaag asook gr.5 in musiekteorie.
Marinette gaan vanjaar arbeidsterapie aan die Universiteit van die Vrystaat studeer. Haar ma, Marié, is ʼn arbeidsterapeut. “My ma se passie het my geïnspireer. Sy is my rolmodel.”
Wetenskap, biologie en wiskunde was Marinette se gunstelingvakke. Sy het veral biologie geniet. “Mens leer alles van die liggaam en in wetenskap word jy gewys hoe alles inmekaar pas.” Sy skerts dat sy nie baie goed was in wetenskap nie maar dat haar juffrou die belangstelling in haar aangewakker het.
Marinette was op haar skool se leerlingraad en kaptein van die tweede hokkiespan. Sy was toptien en het jaarliks erekleure in akademie ontvang.
Haar raad aan toekomstige matrieks is om hard te werk. “Dit is al resep wat werk. Ek het nie ʼn buitegewone intelligensie nie, maar deur harde werk kon ek presteer.”
Moenie die lewe te ernstig opneem nie, want jy gaan nooit lewendig daar uitkom nie.
