Rits rond met Tuk-Tuk in Kaapstad

Die Tuk-Tuk motortjies (Foto: Inside Guide)

Die Tuk-Tuk motortjies (Foto: Inside Guide)

Die stad Kaapstad spog reeds met ʼn goeie openbare vervoerstelsel, maar dié stad gaan nou ook in September vanjaar minstens 80 mini ‘Tuk-Tuk’-voertuie beskikbaar stel om mense rond te karwei.

Dié driewiel Tuk-Tuk-motortjies word veral in Thailand gebruik.

Volgens die webwerf, Inside Guide, is só ʼn motortjie ideaal vir korter afstande van twee of drie kilometer, hoewel hulle ook verder kan ry. Die Tuk-Tuk se topspoed is 30 km/h.

Volgens dié webwerf word net 80 bedryfslisensies aanvanklik beskikbaar gestel om te sien hoe dié vervoerstelsel met die MyCiti-busse gaan integreer.

Die Tuk-Tuk’s gaan beskikbaar gestel word in Fresnaye, Bantrybaai, Seepunt, Groenpunt, Bo-Kaap en De Waterkant, Tamboerskloof, Walmer Estate, University Estate, Zonnebloem, Distrik Ses, Kalkbaai, St. James, Vishoek en Simonstad.

Bron: Inside Guide

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

2 Kommentare

Sarie Joubert ·

Ek het so paar keer ‘n rit onderneem
Met ‘n Tuk Tuk hier in India. Dit was nogal pret..maar die lugbesoedeling maak dit onaangenaam agv die duisende motorfietse. Die laaste rit was 11km. Dit is ‘n goedkoper vervoer middel . Ek verkies dit bo die plaaslike bus diens.

SkarrelKind ·

Ek het nog nooit van ‘n tuk-tuk gebruik gemaak nie, maar ek hoop dit werk hier vir ons in die Kaap. Ek verstaan waarom hulle net 30km/h kan ry, maar ek is bekommerd dat dit dalk tog met die vloei van alreeds druk verkeer kan inmeng. Kom ons kyk … Sterkte met die projek.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.