Ons verleentheid is baie keer God se geleentheid!
T.w.v. van sy getuienis word Paulus as gevangene na Rome gestuur. So kom die Goeie Nuus van Jesus tot in Italië! Paulus is vir 2 jaar in huisarres in Rome en aan die mense wat hom besoek, het “hy het die koningryk van God verkondig en die mense alles oor die Here Jesus geleer. Hy het dit gedoen met die grootste vrymoedigheid.” Gee God se koninkryk vandag ook vlerke!
