Jesus kan en sal ons waarlik vrymaak as ons vry wil wees. Soms wil ons nie regtig vry wees nie. Ons bid vir verlossing, maar as die versoeking hom voordoen, gee ons in. Ons innerlike rebellie teen God is ons grootste vyand. Bely jou rebellie en sien hoe sonde sy krag oor jou lewe verloor.
Ek het my oortredings bely, my sonde nie weggesteek nie. Ek het gesê: “Ek bely my opstand teen die Here.” En my sonde en oortredings het U vergewe. (Psalm 32:5)
As jy met jou mond bely dat Jesus die Here is en met jou hart glo dat God Hom uit die dood opgewek het, sal jy verlos word. (Romeine 10:9)
Bron:
’n Anker vir die siel deur Riekert Botha
Uitgewer: Christelike Uitgewersmaatskappy