Gedagte vir die dag: Beduidende dividende

Paternoster_vissers_boot_see_strand_Sune.jpg

Foto: Suné van Heerden

Maak vir julle skatte in die hemel by mekaar, waar mot en roes dit nie verniel nie en waar diewe nie inbreek en dit steel nie. (Matt 6:20)

Hier is Gód se alternatief. Hemelse skatte kan nie verouder, verniel of gesteel word nie. Dit hou alle beloftes in vir liefdevolle, vervullende verhoudings en ewig durende lewe en vreugde. (Dis ʼn donker dag as ’n mens dink aard se skatte kan dít bewerkstellig!)

Net soos dit toewyding en harde werk verg om aardse skatte te versamel, net so verg dit toewyding en ywer om hemelse skatte te versamel. Dis ʼn lewenswyse van gehoorsaamheid aan Christus en aanbidding van God.

Die heerlikheid en waarde van hemelse skatte is onberekenbaar. Sal ’n mens toegewy wees aan die aardse, maar die hemelse versaak? Kan daar ʼn dwaser lewensuitkyk wees? Hemelse skatte is nie net “eendag” waardevol nie, maar het beduidende dividende in hierdie lewe.

Here Jesus, ek leef in ʼn wêreld wat net één soort skat ken – dié wat deur roes verniel en deur diewe gesteel kan word. Ek ken feitlik niks anders nie. Open asseblief my oë om die hemelse raak te sien!

Bron:
Jesus se woorde vir mans deur Riekert Botha
Uitgewer: Christelike Uitgewersmaatskappy

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

Een kommentaar

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.