Dit is ’n betroubare woord. (2 Timoteus 2:11)
Paulus het baie betroubare woorde: Christus Jesus het in die wêreld gekom om sondaars te verlos (1 Tim. 1:15); om in toewyding aan God te lewe, het in alle opsigte groot waarde (1 Tim. 4:8); as ons in die geloof volhard, sal ons saam met Hom regeer (2 Tim. 2:12). So is ons dan deur sy genade vrygespreek en het ons erfgename geword van die ewige lewe wat ons verwag (Tit. 3:7).
Daar is ’n verband tussen hierdie woorde. Die eerste lê die fondament vir ons ewige verlossing. Die tweede bevestig die dubbele seën wat ons ontvang deur hierdie verlossing. Die derde wys vir ons ons plig teenoor God, en die vierde stuur ons om Christelike diens te verrig. Koester hierdie betroubare woorde. Laat dit jou lewe lei, jou vertroos en jou leer.