Toe hulle Hom sien, het hulle vertel wat oor hierdie Kindjie aan hulle gesê is. (Lukas 2:17)
Die groepie skaapwagters het die engel se nuus – dat die lang verwagte Verlosser in Betlehem gebore is – met vreugde ontvang. Ná die engele weg is, het hulle dadelik klaargemaak en na Betlehem gegaan, waar hulle Josef en Maria en die baba Jesus in die stal gekry het. Hulle het vir Josef en Maria vertel wat die engel van die Kindjie gesê het.
Hierna het hulle die blye nuus oor die geboorte van die Verlosser aan ander mense gaan vertel. Wat doen jy met hierdie goeie nuus?
Dit verseker Ek jou: Ons praat oor wat ons weet, en ons getuig oor wat ons gesien het. ~ Johannes 3:11