Ek en die Vader is een. (Johannes 10:30)
Die kenmerkendste eienskap van Jesus Christus is dat Hy “twee nature” het: “ten volle God”, maar ook “ten volle mens”. Die kerk het gestoei om te verstaan hoe dit kan wees (en dis steeds moeilik), maar het uiteindelik hierdie mooi bewoording geformuleer: Ons glo in een Here, Jesus Christus, die eniggebore Seun van God, gebore uit die Vader voor alle tye, God uit God, Lig uit Lig, waaragtige God uit waaragtige God, verwek, nie gemaak nie, een in wese met die Vader … (Belydenis van Nicea).
Daar was dus ’n God-mens en sy Naam was Jesus. Na sy mensheid is Hy 2 000 jaar gelede doodgemaak in Palestina, maar na sy Godheid leef Hy ewig by God en – deur sy Gees – ook by ons vandag. Na sy mensheid ken Hy ons kommer en probleme maar te goed, maar na sy Godheid kan Hy ons daarvan red en ons die ewige lewe skenk. Na sy mensheid en sy Godheid het Hy jou ontsettend lief!
Dankie, Here Jesus, dat U is wie U is. Dankie dat U ’n mens was net soos ek, maar dankie ook dat U God was wat my kan red. Dankie dat U my inderdaad gered hét! Amen.
Dankie Liewe Heer dat U my ken.
My mens verstand kan U nie in neem nie….dankie vir die Heilige Gees wat in my woon en my leer en lei in Gods Liefde…Amen
Dankie Vader dat U aan my gedink het nog voor my geboorte en dat U vir my mens geword het en vir my sondes aan die kruis betaal het sodat ek U mag ken in my lewe.
Amen prys U Naam AMEN!!!!!