Gedagte vir die dag: Depressie

Foto: pixabay.com

Vir U is selfs die duisternis nie donker nie en die nag so lig soos die dag, duisternis so goed soos lig. (Psalm 139:12, Bybel in Afrikaans 1983/1992)

Jesus verstaan hoe dit voel as dit donker word in jou siel. Wanneer alles om jou so donker is, is dit moeilik om enigsins hoop te hê. Maar die donkerte van depressie hoef nie die lig van God se genesing uit te blok nie. Roep na Hom wanneer dit voel of jy verdwaal in jou depressie. Hy sal hoor en jou vertroos, en Hy sal vir jou genesing bring. Hy sal jou nooit laat gaan nie. Wanneer die tyd vir God reg is, sal jy sterker word en uiteindelik ’n seën kan wees vir ander in nood.

Voel jy dat jou depressie keer dat jy God se seën ervaar? Wat moet gebeur vir sy lig om in jou donkerte te begin skyn?

Bron: Geanker in genade – ‘n Samestelling
Uitgewer: Christelike Uitgewersmaatskappy/CUM