Almal wat hulle laat lei deur die Gees van God – hulle is God se kinders. (Romeine 8:14)
Die waarheid dat die Gees van God ons lei, is een van die belangrikste werke van die Gees wat Jesus self beklemtoon het toe Hy beloof het om Iemand te stuur om vir altyd by ons te wees. Een van die groot redes vir die groei van die vroeë kerk was dat hulle deur die Gees gelei is.
Daar is dus ’n direkte verband tussen die diepte van ons toewyding en die leiding van die Gees. Deur gebed en Bybelstudie sal jy al hoe meer sensitief word vir leiding van die Heilige Gees. Die Gees sal jou weglei van alles wat skadelik is vir jou verhouding met God.
Heilige Gees van God, lei my tot volle gehoorsaamheid en toewyding aan die Vader. Amen.
Baie dankie Maroela Media dat jul ook tyd maak vir die Geestelike Welsyn. Ek geniet jul Gedagte vir die dag baie