Foto: Christo Brits
Ek het lewenservaring opgedoen vir alle omstandighede, vir wanneer ek genoeg het om te eet én wanneer ek honger is, vir oorvloed én tekort. Ek kan alles doen deur Hom wat my krag gee. (Filippense 4:12-13)
Paulus het hierdie brief geskryf terwyl hy in Rome in die tronk was. Wat hy hier sê, weerspieël ’n ongewone houding teenoor die sekuriteit wat finansiële stabiliteit ’n mens kan bied. Hy is nie besonder beïndruk daardeur nie! In ons materialistiese tyd word ons aangemoedig om soveel geld moontlik te maak sodat ons in al ons behoeftes sal kan voorsien en rustig sal kan aftree. Wat Paulus hier verkondig, klink daarom vir ons belaglik, selfs gevaarlik.
Maar Paulus skryf dat hy ervaring het van hoe dit is om niks kort te kom nie, én om niks te hê nie. Hy het sowel ’n vol maag as honger ervaar. Hy weet wat dit is om baie en om min te hê. Die geheim van gelukkig wees ongeag jou situasie, sê hy, is om op Christus te vertrou vir die krag wat jy nodig het.
Wat van jou? Het jy op die oomblik finansiële probleme of is jy welaf? Het jy baie of net ’n bietjie? Wat jou situasie ook al is – vertrou op Christus. In tye van swaarkry het jy Hom nodig om jou te help om getrou te bly, om jou gebede om lewensonderhoud te verhoor, om jou te troos. In tye van oorvloed het jy Hom óók nodig – om jou te help om dan ook getrou te bly, om jou van oormatige selfvertroue, arrogansie en trots te bewaar.
In watter situasie ons ons ook al bevind, moet ons – soos Paulus – aanhou glo dat ons tot alles in staat is deur Christus wat ons krag gee.
Kan jy sê dat jy in enige moontlike situasie op Christus vertrou om jou die krag te gee wat jy nodig het?
Dankie Maroela. Amen
Dankie Here dat U in ons lewens is. Amen!
Dankie vir U in my lewe en dat ek hoor en luister na U woord. Amen.
Here ek vertrou op U . Amen.
My dag is gemaak ,dankie
Ek kan nie verduidelik hoe baie ek vandag hierdie stukkie moes gelees het nie! Ek het gisteraand gedink dis dalk die einde…
…lees hierdie stukkie vandag en dis asof ek nuwe lewe het! Ek het dit nog nooit so gesien nie, dit het my klappe van my oe laat afval!
Baie dankie Maroela, julle het heel moontlik ‘n lewe gered!
God is ALLES!
En nou….dankbaar vir elke dag se boodskap van hoop…Here Jesus ons eer U vir alles wat ons nodig het en in U Heilige Naam kan vra….Amen