Gedagte vir die dag: Die grootste hoop

vyeboom

Foto: Reint Dykema.

Ons is so deeglik bewus van die hoe mure van skeiding wat daar tussen mense bestaan. In die wêreld is daar onderskeid tussen rasse, gelowe, etniese groepe, kerke, ouderdomsgroepe, rykes en armes, geleerdes en ongeskooldes … Dis feitlik nimmereindigend. Maar Jesus breek die skeidingsmure tussen mense en mense, en mense en God af.

Jesus is ‘n Versoener en Hersteller. Wanneer jy jouself aan Hom oorgee, stel jy jou oop vir vergifnis, versoening, herstel, genesing, restourasie en verhoudings. Dit is die grootste hoop vir onsself en vir die wêreld.

Met U loop ek ‘n leër storm; met my God spring ek oor ‘n muur. (Psalm 18:30)

Christus het inderdaad vrede tussen ons gebring. Deur sy liggaam aan die kruis te gee het Hy die twee groepe een gemaak; ja, die muur van vyandskap het Hy afgebreek. (Efesiërs 2: 14)

Bron:
’n Anker vir die siel deur Riekert Botha
Uitgewer: Christelike Uitgewersmaatskappy

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.